Uei : 20/07/2018

Lo pòste de conselhièr pedagogic departamental en dangièr, lo CREO Lengadòc reagís

L’associacion professionala de l’ensenhament de l’occitan dins l’Acadèmia de Montpelhièr (CREO Lengadòc) recebèt la marrida suspresa d’aprene que lo pòste de Conselhièr Pedagogic Departamental (CPD) en occitan èra menaçat dins Eraut. Aprenguèron la novèla pels servicis academics del departament lo 13 de març passat. Escriguèron una letra adreçada a la Rectora de l’Acadèmia de Montpelhièr, Béatrice Gille, lo 15 de març per fa saupre lor indignacion : « Lo pòste de CPD occitan èra pas estat publicat al movement 2017. Una solucion provisòria èra estada mesa en plaça, solucion garrèla a prepaus de la quala aviam fach saupre nòstra inquietud al sénher lo director academic dels servicis, lo 19 de setembre de 2017 e a dòna lo Rector, lo 26 de genièr de 2018. Uèi, trobam intolerable la supression d’un pòste qui existís dempuèi l’organizacion de l’ensenhament de las lengas regionalas en 1982 (circulara 82-281) e dont la circulara 2001-166 definís la foncion », escriguèt Marie-Jeanne Verny, presidenta del CREO-Lengadòc.

Lo CPD es destinat dins cadun dels departaments de las acadèmias concernidas pel programa e a per mission d’ajudar a la mesa en òbra e al desvolopament de las diferentas modalitats d’ensenhament de las lengas regionalas (circulara 2001-166). Lo CREO met en garda lo Rectorat de Montpelhièr sus las consequéncias qu’aurián la supression del pòste, tot lo sistèma d’ensenhament de l’occitan al primièr gra seriá en perilh. Lo CREO-Lengadòc es sostengut pels sindicats SNUIPP e SE. La mobilizacion es fòrta, « desesperam pas », nos diguèt Marie-Jeanne Verny.

Una peticion contra la supression del pòste de conselhièr pedagogic departamental en occitan dins Eraut es estada lançada suul net a l’adreça : http://www.petitionpublique.fr/?pi=P2018N49966.

« Sense CPD occitan, pas de projècte pedagogic academic en lenga occitana ni de seguit per las escòlas, sense CPD occitan, pas d'amassada departamentala en junh de las classas que participan al projècte, sense CPD occitan, pas d'estagi academic de formacion, sense CPD occitan, pas d'intervencion en lenga e cultura occitanas dins las escòlas ». Los ensenhaires d'occitan d'Eraut amb lo sosten del CREO Lengadòc apèran los ensenhaires, los parents, los elegits, responsables sindicals e los ciutadans que s'opausan a la barradura del pòste de CPD occitan, a manifestar davant lo Rectorat deman, dimècres 4 d'abril a 13 oras 30.

Inf. : Rectorat Montpelhièr, 31 carrièra de l'Universitat — 34000 Montpelhièr — Site : www.felco-creo.org — Tel. : 04 67 66 33 31.

Somari de La Setmana n° 1099

P2 — Lo corrièr dels legidors
P3 — Editorial « Universitats : lòc de sabers e de libertats ? »
P4 —  La Setmana internacionala : « Luta contra lo comèrci de l'evòri »
P5 —  La Setmana politica : « Passejada alemanda »
P6 — Actualitat en bracas
P7 — Article dels legidors : « Una nivolada radioactiva de Ruthenium 106 »
P8 e 9 — Dorsièr central : « Nòva Caledònia votarà sus son independéncia lo 4 de novembre »
P10 — Reportatge de La Setmana : « Dordonha, Bergerac Bio, au mei pròche deus consumidors »
P11 — Actualitat en bracas
P12 — Zoom de La Setmana : « Deus soviers d'enfança a l'actualitat, cronicas de Jan-Peire Reidi »
P13 — Expressions occitanas : « Leis aventuras de Joseta Krone » per Diu Negre, parucions e punt de Lenga per Sèrgi Granièr
P14 — Cronica Visca la lenga locala « Educacion en Quechua »
P15 — Agenda Cultural
P16 — Pertrèit de La Setmana : « Isabelle Loubère, la votz de las Lanas »

  • Publicat dens Culture

Se trufarián pas de nosautres ?

1 pòst a l’agregacion, 4 pòstes al CAPES d’occitan 2018 : se trufarián pas de nosautres ? N’èrem talament contents de la creacion de l’agregacion que dubrissiá enfin de possibilitats d’evolucion de carrièra als centenats de professors de licèus e collègis ! De formacions se dubriguèron a Tolosa e Montpelhièr. Un cinquantenat de candidats se marquèron al concors e se metèron amb estrambòrd a la preparacion de las espròvas que donava als ensenhaires l’escasença de perfeccionar sos sabers. Mas los pòstes venon de paréisser : 1 solet per l’occitan ! Per 50 candidats ! Aquela decision mespresosa, l’acceptam pas, quines que ne sián los pretèxtes, mai que mai budgetaris : los candidats son ja d’ensenhaires, afectats sus de pòstes. S’agís pas de creacion de ressorsas novèlas, soncament de la possibilitat d’una promocion que los meta a egalitat amb lors autres collègas. Apondèm que lo nombre de pòstes al CAPES 2018 es pas que de 4 : (una baissa de 33 % per rapòrt a 2017), per nòstres 30 despartaments, qu’una bona part an pas cap de professor titulari (07, 26, 22, 19, 87, 63, 05).

Mesuram l’ample del mesprètz de cap a una lenga pr’aquò inscricha a l’art. 75.1 de la Constitucion. Del temps de las presidencialas, E. Macron, qu’afortís que fai totjorn çò que ditz, explicava que facilitariá, « dès l’école, l’apprentissage des langues et cultures régionales… » puèi s’estrambordava a Pau lo 12 d’abril passat sur la « France plurielle » e « ses belles langues régionales » que, çò disiá « je veux reconnaître et que nous reconnaîtrons ». Acceptam pas que lo Ministèri de l’Educacion nacionala causisca lo camin invèrs. Demandam a totes de sosténer nòstra demanda d’augmentacion de pòstes en signar la peticion : http://www.felco-creo.org/petition-des-postes-aux-concoursdenseignants-doccitan-langue-doc/.

 

Marie-Jeanne Verny

  • Publicat dens Éditos
Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+