Uei : 14/12/2017

Finançament participatiu tà la sortida de « Tralhaires » en filme e CD

Lo fotografe etnològue Felix Arnaudin qu’immortalizè a la fin deu sègle XIXau-començar deu Xxau, los paisatges de la Hauta-Lana, en memòria sus pellicula. Malurosament mei trufat que sostienut dens lo son procediment, Félix Arnaudin que coneishó ua consecracion postuma. Lo compositor e cantaire Joan Francés Tisnèr que decidí de har vàler l’òbra deu landés. Dens lo son espectacle, « Tralhaires », que declina sus fotografias en negre e blanc d’Arnaudin, cantas, condes, arreproèrs, e l’ensemble que balha paisatges sonòrs...

Legir l'article sancèr ací 

1.2.3... Luis Miguel Bajén a Vilhèra !

1.2.3 qu'ei un eveniment que l'associacion deus Menestrèrs Gascon organiza despuish adara 8 ans a Vilhèra en Bearn. Qu'invita un arista qui pendent tres dias encontrarà lo son public e que harà conferéncias suu son tribalh, talhèrs musicaus e concèrts. Ua experiéncias de las excepcionaus e particularas qui demora gravada dens los esperits deus musicaires convidats. Qu'ei un partenariat dab las escòlas de musica de Bearn, dab la vila de Vilhèra, lo Conselh Departamentau e l'aglomeracion de Pau.

Augan, 1.2.3 que convida deu 20 au 22 d'octobre au musicaire Luis Miguel Bajén. Membre deu grop Biella Nuei cap d'an » en occitan), qu'ei tanben cercaire, especialista de la musica aragonesa qui ei sovent ua mescla de musica araba, judiva e crestiana.

Crestian Josuèr deus Menestrèrs que ns'expliquè las qualitats que ved en lo son amic Luis Miguel Bajén e çò qui motivè l'associacion a'u perpausar aquera carta blanca : ETV Crestian Josuèr

Programa :
Divés 20 d'octobre a 19 òras, encontre dab Luis Miguel Bajén a la mediatèca d'Este de Vilhèra. Ua prosejada musicau e cantada pendent la quau l'artista vos miarà sus las tèrras ibericas a l'encontre de la musica aragonesa e espanhòla capvath los ritmes e estiles de la tradicion populara.

Dissabte 21 d'octobre, de 10 òras a 12 òras e de 14 òras a 16 òras a la Guingueta de Vilhèra, talhèr de danças aragonesas dab Jesús Rubio tà tots los nivèus. Inscripcions au 05 59 62 11 59.

Dissabte ser a 20 ò 30, a la sala Lacaze de Vilhèra, concèrt de L. M. Bajén dab lo son grop Biella Nuei compausat d'Eduardo Garcia (acordeon), Nacho Estevez (guitarra), Jorge Alvarez (dulzaina qui ei un clarin tradicionau aragonés, flabutas), Rafa Garcia (gaita de boto, ua boha tradicionau aragonesa), José Luis Seguer (bateria), Toto Sobieski (baisha) e plan segur L. M. Bajén (canta, dulzaina).
Lo concèrt que serà seguit per un bal dab Bufacalibos suu repertòri aragonés.

Dimenge 22 d'octobre de 10 ò a 17 ò, talhèr de musica dab Luis Miguel Bajén tà tot instrumentalista non-començant. Inscripcions au 05 59 33 56 65. En aliança dab las escòlas de musica de Luis en Bearn e Visanòs.

Inf. : Mairia de Vilhèra au 05 59 40 03 30 — Menestrèrs Gascons au 05 59 62 11 59 — Site : www.menestrersgascons.com 

Fòto : Marilys Van Daele, adjunta cultura e patrimòni a la mairia de Vilhèra, Jacky Poustis e Crestian Josuèr de l'associacion Menestrèrs Gascons

  • Publicat dens Culture

Courtial X Kogane a la Ferronnerie a Juranson (64)

Paulin Courtial que serà en concèrt au ser dab lo son duo rock occitan, Courtial X Kogane a la Ferronnerie a Juranson (64). Que jogaràn en purmèra partida deu grop anglés Housewives a comptar de 21 òras.
Professor de guitarra aus conservatòris de musica classica de Rodès e de Tolosa, qu'acompanha tanben la cantaira de Vath d'Aran, Alidé Sans sus l'empont, o darrèr la scèna dab Mme Claude.

Inf. : La Ferronnerie, 10 arrua de l'Artisanat — 64110 Juranson

Bal Brotto-Lopez : la (bona) crisi d'adolescéncia

Fa ara quinze ans que lo duò format per Cyrille Brotto e Guillaume López se passeja pels emponts del monde tot. Per aquel aniversari, faràn de concèrts e un album amb l’Armonia municipala de Tornafuèlha (Garona-nauta).

Es en tota simplicitat qu’aquel duò, ara fòrça presat pel mitan del trad’, del fòlc e de la cançon a crebat l’uòu. Se debanèt lo 28 de mai de 2002 dins l’encastre del festenal Autan d’Òc, dins lo barri del pont de las Domaisèlas a Tolosa. Dempuèi, los dos musicians acaban pas de nos far partejar lor exploracion del repertòri tradicional... En fait, ne nos prepausan una extension larga en lo mesclant amb d’influéncias vesinas o alunhadas (geograficament) mas totjorn pròchas (musicalament). Faguèron tanben un bon nombre de composicions que se passejan plan dins las aurelhas coma suls emponts. Passèron per Occitània (segur) mas tanben pel nòrd de França, Belgica, Itàlia, Olanda, Espanha, Portugal, Estats-Units o encara Ucraïna. De faiçon logica, es en musica que los dos collègas celebraràn aqueles quinze ans amb la complicitat de l’Armonia municipala de Tornafuèlha (Garona-nauta).

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 
Capture decran 2017 11 28 a 11.48.12

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+