Uei : 12/12/2017

Leis olivadas (emission Lenga d'Òc)

Tot just acabat lo periòde de culhida d'olivas, vos prepausam una emission sus aqueu fruch emblematic de Miègterranha. D'onte nos ven l'olivièr ? A ne creire lo geograf grèc Estrabòn son lei Foceans que lo menèron a Marselha e a Nimes. Son espandits sus nòstra costièira dins lei tèrras sud de Miegjorn, onte tròban la doçor de nòstre cèu. Au programa, tòca, sentida e gost... Un reportatge de Claudi Queyrel.

Lo cese de Bertrand (Emission Lenga d'òc)

Isabèla François e Joan Hébrard, de la companhiá Gargamèla jògan una pèça d'Anne Clément. A destinacion dei mai joines, Lo cese de Bertrand mescla comedians e mariòtas, occitan e francés. D'entrevistas e sequéncias de l'espectacle vos menaràn dins l'intimitat dau teatre jovença, onte leis actors fan plaça granda a l'occitan, lenga d'art e lenga d'escambis. Un reportatge d'Amada Cròs. 

Cadena Youtube de Tè Vé Òc aicí

Cinema — 8au edicion deu hestenau Rescontre

L’associacion de produccion audiovisuau en occitan, Tè Vé Òc, que prenerà en carga lo 8au hestenau video amator de metratge brac, RESCONTRE. Que’s debanarà a la Mediatèca de Marguerittes lo dissabte 10 de heurèr de 2018 a 2 òras deu vrèspe dinc a 6 òras 30 deu ser. Que podetz enviar los vòstes filmes corts metratges a l’associacion per mèl a l’adreça This email address is being protected from spambots. You need JavaScript enabled to view it. o au lor adreça postau, 30 arrua deus Gabians, 30900 Nimes. Los corts metratges que deveràn har 15 minutas maximum e estar rodats en Occitania tota en lenga nosta o en francés : « Un hestenau video obèrt a tots, debutants e videastas confirmats. Ficcions, documentaris, collectatges, clips musicaus… Un sol imperatiu : parlar de la vita en País d’òc ».

Inf. : Mediatèca Simone Veil, 4 arrua de la Travette 30320 Marguerittes — Tel. : 06 11 35 49 13.

  • Publicat dens Culture

Una fèsta granda d'estiu a Sumena que coneiguèt sa 20ena edicion aquest' an

Vaquí l'emission Lenga d'Òc de Tè Vé Òc : Una fèsta granda d'estiu a Sumena que coneiguèt sa 20ena edicion aquest' an. Prepausa de musicas e arts de carrièra qu'englòba divèrs estils. Un public nombrós de tot atge, fidelizat desempuèi la creacion, venguèt veire lo molon de concèrts, deambulacions e animacions per carrièra. Creat per l'associacion Les Elvis Platinés, leis Estansis Cevenòlas an la particularitat d'èstre un festenau participatiu mercé a de talhièrs e luòcs de rescontre onte l'òm se pòu pausar entre dos espectacles. Un reportatge de Claudi Queyrel.

L'amontanhatge a Nimes (Tè Vé Òc)

A Nimes, lo Cheval du Clapas e lo Comité Garrigue Nord an organizat lo promier amontanhatge dins leis autors de la capitala gardenca. Se tracta d'un eveniment que repren una tradicion vièlha e vertadièra a Nimes. Dins aquesta emission, montarètz enjuscas a l'afenatge, au mitan dei fedas e dei gents que son venguts ben nombrós per aquela promièra edicion de l'amontanhatge au canton. Dintre leis entrevistats, farètz mai particularamanent la coneissença d'Elie Recolin, un especialista dei campanas. Aquela manifestacion a despassat leis espèras dei organizators qu'an vist de centenadas de gents. Una iniciativa qu'a ben seduch, tant l'amontanhatge encanta. Es una tradicion viva que sa renaissença a Nimes èra esperada per la populacion !

Un reportatge de Tè Vé Òc, associacion de produccions audiovisualas, membra de la FIMÒC (Federacion Interregionala dels Mèdias Occitans)

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 
Capture decran 2017 11 28 a 11.48.12

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+