Uei : 15/11/2018

Una conferéncia sus l'occitan de Sinjau (43)

Aquel dissabte 17 de març, la mediatèca de Sinjau (43) aculhís a partir de 14 oras, una conferéncia de Jean-Baptiste Martin. Originari de la vila, es professor de las Universitats e autor d'un trentenat de libres dont « Le parler occitan d'Yssingeaux », publicat en 1997 (Ed. Histoire et Patrimoine) e « Flors daus sucs : la littérature écrite en occitan dans le Nord-Est de la Haute-Loire entre 1850 et 1950 », publicat en 2014 (Ed. EMCC).

Martin es especialista dels parlars nòrd-occitans. Pendent la conferéncia, s'interessarà a l'occitan parlat a Sinjau especificament e ne balharà las caracteristicas màgers amb de comparasons amb lengas romanas. Donarà d'exemples de l'influéncia de l'occitan sul francés emplegat pels abitants. Jean-Baptiste Martin seguirà sa presentacion amb diferents obratges d'autors de Sinjau qu'an causit de s'exprimir en occitan dins lors libres.

Inf. : Mediatèca La Grenette, Plaça de la Victòria, 43200 Sinjau — Tel. : 04 71 65 79 25 — L'eveniment es organizat per l'Institut d'Estudis Occitans de Leire Naut — Conferéncia gratuita — Fòto Zoomdici

La mòstra « Paroles de Pays/Paraulas de Païs » a Sinjau (43)

Del 5 al de genièr al 9 de març, poderetz descobrir la mòstra « Paroles de Pays ! Paraulas de païs ! La langue et la culture occitanes du XXIe siècle en région Auvergne » a la mediatèca de Sinjau (43). La mòstra foguèt realisada per l'Institut d'Estudis Occitans de la Region Auvèrnhe en collaboracion amb la societat Mille Lieux sur la Terre. Ofrís un agach modèrn de la cultura nòstra. Lo visitaire descobrís dins los filactèris, de dialògues rics de mots e d'expressions de uèi, eissits de l'occitan.

L'inauguracion de la mòstra se farà lo dissabte 13 de genièr cap a 11 oras amb una visita guidada per un benevòle de l'associacion e un toponimia. Lo filme « Paraulas occitanas en Ardecha » serà projectat al Ciné-grenette mas la data demòra a determinar. La projeccion serà seguida d'una conferéncia prepausada per Jean-Baptiste Martin. JB Martin es professor emerit (Universitat Lion 2), cercaire al laboratòri CNRS/Lion 2 « Dinamica del lengatge » e conselhièr scientific de la Region Ròse-Alps per las lengas ditas regionalas. Es entre autres, l'autor del libre « Genèse d'une politique linguistique régionale : le projet FORA » (en collaboracion amb Michel Bert).

La mòstra « Paroles de Pays ! Paraulas de Païs ! » es un projècte itinerant. La mòstra foguèt presentada dins 4 departaments de Leire Naut dempuèi 2015. En mai de l'exposicion, animacions son organisadas. « A cada còp, sus cada lòc, volèm crear un eveniment adaptat, en presa amb las realitats localas, per se trachar de la riquesa e de la diversitat de la lenga e de la cultura occitanas sus nòstres territòris », explica l'IEO dins sa presentacion de la mòstra..

Inf. : IEO région Auvergne / Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

 

  • Publicat dens Culture
Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+