Uei : 20/01/2018

Lo novèl numerò pareis divendres

Lo novèl numerò de La Setmana pareisserà aquel divendres. Al somari, la jornalista Gisèla Naconaski nos presenta la candidata Manuela D'Ávila del Partido Comunista do Brasil, a la presidéncia de Brasilia que fa un trabalh important cap a las minoritats, Ferriòl Macip torna sus la decision de justícia d'un non-luòc pel gendarma que tuèt Rémi Fraisse a Sivens en 2014. Dins aquel numerò, parlam de la situacion que vivon los 20 migrants pensionaris al Centre d'Arcuelh e d'Orientacion de Gelòs (64), a la demòra d'una decision pertocant a lor demanda d'asile, mas tanben de la creacion d'un Institut de promocion de las Lengas Regionalas de Franc Comtat. Fin finala, dins sa cronica, Gavin Porter nos presenta lo trabalh que fa lo govèrn de païs de Gallés per desvolopar la lenga gallesa. 

Somari entièr

Comentari sus la lenga com objècte politic

Comentari sus la lenga com objècte politic (La Setmana n° 1090, p. 11)

En empatia dab lo noste fondator de la Setmana e qui tostemps vòu anar mei luenh, eth David Grosclaude qui, dab lo son pair, m’a endralhat, com mantuns de nosautes de uèi, sus la via gascona en m’ajudar a escríver lo parlar deus mens « grands », paisans de noste ; que voi mencionar dus punts de vista : 1° La lenga que’m sembla hòrt mei qu’un « objècte », dens un programa qui pòt cambiar d’ua majoritat governamentau tà l’auta ; e quitament se la lenga ei ligada a consideracions d’ua ecologia « politica » e preocupacions « sociaus ». Qu’ei ua question de jo e nos, de « subjèctes » qui son las consciéncias de personas. Que s’apodèra com ua definicion socializanta de cadun(ua) sus un percors de vita. Dab l’ambigüitat e l’ambivaléncia de çò d’« Identitari », e que cau har cas de jutjaments « moraus » ; es a díser que i a - segon lo vejaire de cadun (ua) - ua « bona » e ua « marrida » concepcion e practica d’ua lenga, la quau pòt estar un mejan de dominacion efectiva com d’« emancipacion ».

2° Vivem dens constrentas en har prioritats. La plaça de la lenga dens un percors qu’ei a valorizar en çò que pòt aportar a personas evoluant dens ua dinamica, hòrta o febla a còps, qui dèu securizar au present en ligason dab un Passat e un Futur envisatjables, « pensaderables », on cadun(ua) e’s pòt projectar, imaginar au mensh ; e açò mauaisit com se constata dab la pèrta de marcas actuau, sustot peus joens(as). Au globau, la lenga s’inscriu dens un « sens », disent au còp ua significacion (entà víver, com mentau e sentit de la persona) e ua direccion ; un ahar de long « tèrmi » ... En caminant...

Coraument, Daniel Monsegu

Somari de La Setmana n° 1092

P2 — Los lectors de La Setmana
P3 — Editorial : « Nadal puèi cap d'an… » per Andriu de Gavaudan
P4 — La Setmana internacionala « 45 000 Catalans a Brussèlas »
P5 — Cronica ESPIAR « Eth hantauma que s'ei envitat… » per Alan Sibé
P6 — Actualitat en bracas
P7 a 9 — Dorsièr central : « Corsega, la reüssita del sobeiranisme »
P10 — Zoom de La Setmana « InÒc e ensenhament : l'occitan a la portada deus escolans »
P11 — Los articles dels lectors : cronica La Beluga d'André Clamenç « J. e J. » Ensai « Catalonha, en silenci o dialòg, o… ? » per Daniel Monsegu
P12 — Las cronicas de La Setmana : « Civilizar », cronica L'Occitan Blos de Jacme Taupiac e la fabla « La graulha e lo bèu » de Miquèu Baris
P13 — « Un estudi sul catarisme de Deodat Roché » per S. Viaule.
P14 — Cronica Diu Negre, purmèra partida d' « Insulars II »
P15 — Agenda Cultural
P16 — Aquestas personalitats occitanas… « Olympe de Gouges, feminisme e Revolucion »

  • Publicat dens Culture

Somari de La Setmana n° 1091

P3 — Editorial « Se trufarián pas de nosautres ? » per Marie-Jeanne Verny
P4 — La Setmana internacionala : « L'Illa de Pascas declara lo rapanui, lenga oficiala »
P5 — La Setmana politica : « 1 pòst d'agregacion devolut : navèth còp de massa peus ensenhaires d'occitan »
P6 — Actualitat en bracas
P7 — « Lo PòC contra lo projècte d'expleitacion d'una peirèra »
P8 e 9 — Lo dossièr centrau « Cultura, l'ADN occitan per Jef Sénégas »
P10 — Zoom de La Setmana : « Sprechen sie… lemosin ? Un eschamnbe entre Baden-Wurtenberg e Occitània »
P11 — Los articles dels lectors : « La Beluga, “ Farem tot crevar ! ” » per André Clamenç, « Lo dich de las femnas, Nimes, UOE, diluns 17 de julhet » per Gérard Zuchetto.
P12 — Reportatge de La Setmana : « Comptinas : dens lo monde imaginari de Turlututú 2 »
P13 — Expressions occitanas : « Lo roman d'atmosfèra de R. Jumèu » per Sèrgi Viaule
Parucion « Lo Mond Perdut »
Expression-Express'Òc
P14 — Cronica Viva la lenga locala, « Lo frison »
P15 — Agenda Cultural
P16 — Retrach de La Setmana « Anna Geli, jornalista e engatjada »

  • Publicat dens Culture

Benaset Roux, 22 ans de far viure lo país

Benaset Roux es l’òme que nos a portat l’occitan pendent fòrça ans a France 3 e qu’a daissat lo programa Viure al País per anar un pauc mai amont sus aquela meteissa cadena de television. Lo rescontrèrem a Narbona lo 16 de setembre passat a l’ocasion de la Dintrada e parlèrem amb el de sa carrièra en occitan a la television e de son avenir professional.

Article entièr

Poder « vertical »

Quitament s’es pas my cup of tea, soi pas d’aqueles que son a l’aise amb los malhums socials e que mandan cada jorn fòtos, vidèos, etc. ; i vau veire çaquelà que se i pòdon trobar, a còps, causas interessantas ignoradas pels mèdia tradicionals. Per aqueles, l’espectacle de « la comèdia umana » contunha e son passats a quicòm mai. Catalonha, pel moment, es passada de mòda e, de tota faiçon, la causa es entenduda : los Catalans an tòrt perqué son minoritaris en Espanha e en Euròpa. Los mèdia se son virats cap a Alemanha per seguir la destinada de la Merkel, minoritària pel primièr còp desempuèi un dotzenat d’ans e tornan periodicament sul Brexit e los Angleses que o fan tot per aver lo burre, la moneda per lo crompar e lo sorrire de la cremièra ! Pensatz se lo sòrt de Catalonha es de comptar ! Qual que siá lo president exagonal, qual que siá lo partit o lo « movement », la causida es facha en favor d’una Euròpa de las nacions – a la francesa pr’aquò ! – e cal pas jamai doblidar que França existissiá ja del temps del rei Cezet !

Quitament los estabosits an degut notar que lo ministre de l’Educacion nacionala o rapelèt la setmana passada fàcia a la representacion nacionala. « I a pas qu’una sola lenga francesa, una sola gramatica, una sola republica », çò diguèt a propaus de quicòm mai e en botant sul devant l’Acadèmia francesa que n’aviá perdut l’abitud. Aquestes prepausses restontisson d’una faiçon curiosa a las aurelhas dels promotors de las lengas istoricas de França. França es encara e totjorn francofrancesa e, levat l’anglosaxon, las autras lengas son pels somiaires… e encara… Aparentament, las annadas que passèt en America latina o centrala li faguèron pas comprene la possibilitat per un país d’aver mai d’una lenga oficiala. La regionalizacion ven de mai en mai estequida cap a un bonapartisme trionfant que lo president e son govèrn ne son los eralds…

Andriu de Gavaudan

  • Publicat dens Éditos

Somari de La Setmana n° 1090

P2 — Los lectors de La Setmana
P3 — Editorial e somari « Poder “ vertical ” »
P4 — La Setmana internacionala : « Nòva Caledònia : acòrdi politic sul referendum d'independéncia »
P5 — La Setmana politica : « Jutjat per aver raportada la lucha dels salariats de GM&S »
P6 — Actualitat en bracas
P7 — Tribuna de la setmana « Solidaritat dab lo pòble catalan »
P8 e 9 — Lo dossièr centrau : cultura pertot e tà tots
P10 — Zoom de La Setmana : « Umor, l'uelh de Clamenç »
P11 — L'actualitat
P12 — Reportatge de la setmana : « Era mongetada » : lo reüssit festenal gastronomic e cultural de la Val d'Aran
P13 — « J. Ganhaire e sas enigmas susprenentas » de Sèrgi Viaule
P14 — Cronica Diu Negre : « Insulars I », seguida
P15 — Agenda Cultural
P16 — Retrach de la setmana : « Benaset Roux, 22 ans de far viure lo país »

  • Publicat dens Culture
Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+