Uei : 24/09/2017

La Setmana sus Ràdio País

Las presentacions deu somari de La Setmana que contunha sus las ondas de Ràdio País. Cada duas setmanas, que participam a l'emission A Casa de 12 òras 30 enlà. Que tornem suus subjèctes màger deu navèth numèro de La Setmana qui pareish uei. Nautat : que hicaram un extrèit audio de las entervistas realizadas tà crear aqueth jornau.

Bona escota :

  • Publicat dens Culture

Ocfutura — Un 2au dossièr sus la migracion en tèrras occitanas

Lo dusau dossièr deu purmèr espaci numeric occitan dab divèrs mèdia partenaris, Ocfutura, qu'ei d'ara en linha sus www.ocfutura.com. Lo tèma causit qu'ei « Tèrras d'Òc, tèrras de migracions ». Qu'i poderatz trobar un article de La Setmana « Occitania, tèrra de passatge e d'arcuelh », entervistas signadas Ràdio País de Miquèu Pujol sus l'aventura deus orsalhèrs de Liverpool tà Nava York e l'emigracion bearnesa en Argentina contada per Benoît Larradet.

Occitania Creativa que realizè un reportatge deus bons, « Oh, tu parles pas bien patois, tu ! », a l'entorn de las diferentas migracions en Dordonha. Òc-Tele que s'interessè a las migracions pirenencas cap tà l'America. Lo CIRDÒC que publiquè « La Chirurgie », un hont medicau de referéncia au programa de las universitat de tot lo monde medievau. La bibliotèca de medecina de Montpelhièr que consèrva un exemplar unic en occitan de l'obratge. Lo Congrès permanent de la Lenga, Occitanica, e l'InÒc Aquitania que postèn sus Ocfutura obratges e referéncias au subjècte. Nautat aqueth mes : las rubricas lo « Punt de Vista deu mes » e « La Cançon deu mes ». Domenja Lekuona, productora e creatora deu blòg Hadiu,  que partatja la soa opinion « E vos i podetz banhar a la Mediterranèa ? ».

  • Publicat dens Culture

Edito : « Divòrci o desencantament ? »

Qu’èi totjorn aimat la politica mès la politica ne m’aima pas ! E quan vedi los nòstes politicians exagonaus « bàter la campanha » que soi convençut ara qu’a plan rason de ne pas m’aimar… Los temps qu’an cambiat e, en aqueth temps de crisi que perdura, los ciutadans n’accèptan pas mei çò que, un còp èra, e consideravan com « los profieits e las pèrtas » de la vita politica. Qu’un elegit e sia pres la man dens lo pòt de confitura e que’u trobavan totjorn quauque excusa ; shens ac saber benlèu, qu’aplicavan la paraula de l’Evangèli : « Que lo qui n’a jamei pecat e’m gete lo prumèr calhau ». Ara, dens ua societat de la moneda reina e de l’individualisme forsenat, que vòlen que los lors elegits e sian vertuós quitament se, eths, n’ac son pas ! Ne muishan pas mei d’empatia quan aprenen, dens los mèdia, qu’un tau o un tau, Robespierre o Saint-Just de l’epòca modèrna, privilegie, en tota caritat « crestiana », hemna, hilh o concubina. Que n’èm arribats a un punt de rompedura enter los ciutadans e los elegits, començat çaquelà quauques ans a, mas ne son pas rars – mei que mei los tenòrs ! – los elegits de la Republica que considèran los lors privilègis e prebendas coma ua necessitat republicana e que rebecan aus lors detractors que « i a un prètz a pagar entà la democracia ». Peu prumèr còp dens l’istòria de la Vau Republica, qu’am ua campanha presidenciau damb los protagonistas màgers qui an problèmas damb la Justícia. Los lors partisans ne quitan pas de méter en avant la « presompcion d’innocéncia » e lo « govèrn deus jutges » çò qui hè que lo programa eventuau deus candidats es completament parasitat… Ne demoran pas sonque quauques setmanas entà escotar çò qu’aurén a nos díser mès l’opinion publica que sembla dejà partatjada enter ua credença òrba cap au son candidat e un desenlusiment totau quitament se met la democracia en dangèr.

Andriu de Gavaudan

  • Publicat dens Éditos

Somari de La Setmana n° 1067

P2 — Los lectors de La Setmana (gascon e lengadocian)
P3 — Editorial « Hartèra, an navèth e movida ? » (gascon)
P4 — La Setmana Internacionala « Lo mercat chinés se drubirà ? » (lengadocian)
P5 — La Setmana Politica « Presidenciala : lo caporal, lo messias e lo tribun » (lengadocian)
P6 — Actualitat en bracas (lengadocian)
P7 a 9 — Retrospectiva de l'annada 2016 (lengadocian)
P10 — Zoom de La Setmana — « Discriminacion lingüistica : l'IEO contributor au protocòle de Donostia » (gascon)
P11 — Actualitat en bracas (gascon)
P12 — Reportatge de La Setmana — « Ligams : los occitans que s'inspiran deus bascos » (gascon)
P13 — Expressions occitanas, punt de lenga, Parucion e Expression mercés au Congrès Permanent de la Lenga (lengadocian)   
P14 — Cronica Lo Bon Son (gascon)   
P15 — Agenda Culturau (gascon)
P16 — Pertrèit de La Setmana — « Jean-Samuel Barria, estar occitan, un ahar de consciéncia » (gascon)

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+