Uei : 16/10/2018

Bretanha : panèls bilingües sus las rotas nacionalas

Alara que la frasa « los Bretons, es la mafia francesa » qu’a declarada lo president Macron davant lo Papa e Jean-Yves Le Drian dimars 26 de junh, es detornada per d’internautas suls malhums socials, los Bretons se son escaduts a obtene la senhaletica bilingua sus las rotas nacionalas.

Los panèls francés-breton seràn installats a partir del 4 de julhet. Lo primièr sector servit serà lo de Melgven dins lo Finistèrra. Per çò de la sinhalizacion toristica, las collectivitats e establiments interessats deuràn contactar l’Ofici Public de la Lenga Bretona (OPLB) per estudiar las diferentas possibilitats d’installacion.

Aquela accion se farà pauc a pauc amb lo remplaçament dels ancians panèls. Las mencions en breton seràn de la meteissa talha que las mencions franceas ambe une polissa de caractèr distincta de las mencions en francés mas pas en itallic. Es la frucha del trabalh realizat ambe la Direccion de las rotas de l’Oèst (DirO), la Region, l’OPLB e l’Estat. Es la consequéncia de la signatura en novembre de 2015 de la convencion « per la transmission de las lengas de Bretanha e lo desvolopament de lor usatge dins la vida quotidiana ».

Inf. : Cobber17

Ives Roqueta, ua arrua a son nom a Tolosa

Tolosa que hè aumenatge a l’escrivan e militant occitanista, Ives Roqueta (Fòto AS). Qu’a d’ara enlà ua arrua a son nom dens la vila ròsa. Aquesta qu’ei situada au nivèu de la bibliotèca de las Pradettes qui mia dinc au centre socioculturau deu barri.

Lo poèta que vadó a Seta en Eraut en 1936 e que’s morí a Camarès en Avairon en 2015.

Ai'Ta que desmonta panèus non-bilingües en Bretanha

Membres deu collectiu breton Ai'Ta, qui milita tà la defensa de la lenga bretona, que desmontèn panèus non-bilingües deu Parc Naturau Regionau deu Gòlfe deu Mòr Bian (Fòto).

En octobre de 2015, l'Estat e la Region Bretanha que signèn ua convencion pertocant a la transmission de las lengas de Bretanha e au desvolopament deu son usatge dens la vita vitanta. Qu'ei dens aqueth encastre qu'aus entorns deu gòlfe, ua senhaletica bilingua qu'ei estada hicada en plaça peu Parc Naturau Regionau, quauques mes a.

Totun, lo collectiu Ai'Ta qu'arremarquè que los panèus installats per la direccion interdepartamentau de las Rotas ne son pas mei bilingües tot au long de las vias express. Ai'Ta qu'assegura voler perseguir aquera accion de desmontatge deus panèus e que demanda ua senhaletica bilingua francés-breton paritària sus las quate vias en Bretanha.

Fòto d'ostreïcultura sus l'isla d'Arz, signada Ji-Elle

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+