Uei : 22/09/2017

Los accents regionaus sus RTL, enter fiertat e vergonha

Michel Feltin Palas (fòto), capredactor deu jornau L'Express, que participè a l'emission « La curiosité est un vilain défaut » sus la ràdio RTL, lo 23 de genèr passat. Qu'escambiè dab los dus presentators suus accents de las nostas regions, accents qui pòden estar a l'encòp sinonimes de fiertat e de segregacion.

Lo jornalista convidat, que vadó d'un pair parisenc e d'ua mair bearnesa, çò qui pòt explicar lo son interès a la question.

Que s'i parla deu hèit de préner l'accent « estandard », lo deus parisencs, tà poder estar acceptat e préner au seriós dens la societat de uei lo dia. Sylvia Pinel qu'ei membra deu partit radicau d'esquèrra, qu'ei originària de Montauban en Tarn e Garona, e que hè partida de las personalitats politicas de França qui an guardat lo lor accent. « Que demoram dens un dròlle de país on èm reputats estar seriós sonque quan parlam dab l'accent qu'avem nosautes [a París], çò deplorè lo sénher Feltin Palas. Ua persona qui arriba dab un accent meridionau per exemple, qu'ei reputat tà díser bestiessas ».

Lo capredactor que denóncia la critica d'un jornalista deu jornau Lo Monde, qui escrivó que « Sylvia Pinel avó tòrt de's presentar com ua hilha d'un vilatjòt de Tarn e Garona, aquò que transcriu l'ideologia de l'accent en França. Qu'ei ua segregacion de hèit ». Tà s'escàder sociaument que cau deishar lo son accent quan n'avem pas l'accent estandard segon eth.

Qu'apreneram dens l'emission que dinc au sègle XVIIIau, un Francés de 4 e parlava francés, e qu'ei dinc au sègle XIXau, 3 Francés de 4 que parlavan ua auta lenga que lo francés. « Que podem díser qu'ei istoric, uei lo dia la quasi totalitat deus Francés que parlan lo francés, n'ei pas jamei arribat dens l'istòria », çò digó lo capredactor de L'Express.
França qu'ei un país qui defen la diversitat culturau dens lo monde sancèr mes qui s'emplega a la gomar suu son pròpi territòri, c'indigna lo sénher Feltin Palais : « Que consideram qu'ua partida de la populacion n'a pas accès a uns mestièrs en foncion d'on hican intonacions dens la lenga francesa quitament se parlan perfeitament plan dens lo teatre, qu'ei vertat tanben dens lo mestièr de jornalista, dens l'audiovisuau. Que coneishi agregats de letras classicas qui's vedón enténer que dab lo lor accent de Marselha ne s'escaderén pas jamei a estar agregat de francés ».

Lo jornalista de L'Express que concludeish en díser que si l'estat d'esperit deus Francés, de pensar que n'existeish pas sonque ua manièra mei bona de parlar francés, e qu'ei la bona manièra tà vàder avocat, òmi politic o tribalhar dens la finança, ne cambiarà pas gran causa.

Ua emission ràdio de las interessantas de tornar escotar suu site d'RTL en podcast ací.

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+