Uei : 23/06/2018

Polemica partit Podemos : una crompa als antipòdes del discors de Pablo Iglesias

Aprèp l'escandal que provoquèt la descobèrta de la villà a mai de 600 000 euros a Galapagar (a 40 km de Madrid) del menaire del partit Podemos, ce sembla que los militants o fagan totjorn fisança. 68 % dels aderents consultats entre dimars 22 e dimenge 27 de mai an respondut « òc » a la question « E volètz que Pablo Iglesias e Irene Montero [sa companha e pòrtaparaula del partit] contunhan al cap de Podemos ? ».
L'informacion de la crompa pel coble d'una villà provoquèt comentaris ironics de totes los partits de drecha e d'esquèrra. Segon sos detractors, Pablo Iglesias se reivindicariá d'una casta qu'es pas la sieuna: ditz que demora dins un barri popular de Vallecas a Madrid e crompa de vestits al supermercat mas « pren pas jamai los transpòrts en comun » e « aquesís un penthouse de 600 000 euros ». Lor aquisicion trenca amb lo discors d'esquèrra radicala, de còps anti-sistèma qu'an dempuèi 2014.

En 2017, Pablo Iglesias foguèt tornat elegir amb 89 % de las voses, secretari general de Podemos.

En cò nòstre, Jean-Luc Mélenchon sosten lo líder de Podemos e sa femna dins aquela situacion dificila. Lo candidat de la France Insoumise aviá conegut un moment delicat a la publicacion de son patrimòni amb notadament la crompa d'un apartament parisenc a 800 000 euros en 2014. Mélenchon qui sostenguèt Podemos a sa creacion, demora sus sas posicions en declarant : « Lo partit mediatic espanhòl frapa Iglesias e sa companha Montero, dos dirigents de Podemos ! En causa, lo prètz de lor casa crompada a crèdit ! Metòdes poiridas jà utilizadas contra l'alemand Oskar Lafontaine, ce publiquèt sus Twitter, Insomés espanhòls, tenètz còp a l'entor de vòstres líders ! ».

Fòto : Pablo Iglesias ©PODEMOS

Rugbi : lo Qatar responsable de la fusion polemica entre Racing Metro e Stade Français ?

Dempuèi l'anóncia subta de la velha sus una fusion venenta entre Racing Metro 92 e Stade Français, las especulacions sus las motivacions tiran camin.

Cadun aurà reagit a son biais après l'anóncia de la fusion entre los dos clubs istorics de la capitala francesa. D'unes auràn causit l'ironia coma Mourad Boudjellal, president del RC Tolon (« un estadi voide e un estadi voide, aquò fa un estadi a mitat voide »). D'autres son francament emmaliciats coma lo segonda-linha del Stade Français, Pascal Papé. Dins la mesura qu'aquela fusion sembla se debanar coma una fusion-aquisicion classica entre doas entrepresas, d'unes jogaires seràn benlèu pas sus la fuèlha de match l'an que ven. Los jogaires al camisòt ròse an jurat de far fracassar la fusion.

Jacky Lorenzetti, òme d'afars e president del Racing a assegurat que s'agissiá pas d'engolir lo Stade Français mas de crear un club de referéncia en los adicionant. Pasmens, segon lo site rugbyrama.fr, semblariá qu'òm aguèsse volgut evitar un rescat del Stade pel fons sobeiran del Qatar... Una informacion desvelada pel quite Lorenzetti mas totjorn desmentida per Thomas Savare, actual president del Stade Français. Se lo Stade èra estat finançat pels qataris, lo Racing riscava la « concurréncia benlèu faussada » segon los tèrmes del president Lorenzetti. « Èra una question de subrevida... pel Racing » çò a indicat un dirigent d'un dels dos clubs dins las colonas del Parisien. Qué que ne siá, los suportaires del Stade Français son furioses contra lo sénher Savare, ja desginat coma « fossaire » del club dont aviá la carga. Teniá catòrze títols de campion de França dont lo primièr en 1893... dins lo temps que lo rugbi començava a s'implantar dins l'exagòn.

Clamenç Pech

  • Publicat dens Sport
Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+