Uei : 20/11/2018

Reportatge : Sea Shepherd

Sea Shepherd qu'ei ua organizacion internacionau qui empara la mar grana e las bèstias qui i viven. Sea Shepherd qu'ei coneguda peus sons combats contra la caça de la balena, la pesca illegau, la caça deus daufins au Japon, la caça de las fòcas en Alaska, e deus globicefaus en las islas Feroe. Que luta contra la pesca illegau de las làmias au Guatemala e lo braconatge de las tortugas marinas. Qu'ei ua organizacion qui estó creada en 1977 aus Estats-Units per Paul Watson, militant ecologista canadian.

Lo novèl Plumalhon es en linha

Lo novèl Plumalhon es disponible sul site www.lasetmana.fr en accès liure sul siti. Com o sabètz, la societat Vistedit fa de publicacions en lenga occitana dempuèi d'annadas. Economicament es una causa complicada. En esperant de trobar de solucions, avèm donc decidit de pas imprimir nòstras publicacions per pas aver deutes suplementaris.

Plumalhon es un magazine que s'adreça als petits a partir de 8 ans fins a 12 ans. Vòstre dròlle poirà léger d'istòrias, de contes, de BD e far de jòcs.

Plumalhon es un supòrt ludic per s'iniciar a la lenga occitana. Plumalhon es nascut de l'idea simpla qu'èra indispensable d'aver de lectura en occitan pels dròlles. Cal alimentar en lectura los que portaràn la lenga de deman.

Lo novèl Plumalhon 

Vistedit qu'apèra l'Ofici Public de la Lenga Occitana a tornar sus la soa decision de non pas acordà'u nada ajuda en 2018

Vint-tres ans a, qu'estó creada per la societat Vistedit La Setmana,lo purmèr setmanèr en lenga occitana. A l'epòca, n'èra pas ua jòga aisida. Har un setmanèr papèr qu'èra dejà mauaisit ; mes hà'u en occitan, qu'èra enqüèra mei riscat. Totun, que calèva qu'existisse un organe d'informacion dens la lenga.

Au medish temps, Vistedit qu'avè creat duas revistas mensuaus taus mainatges. Despuish 1995, la premsa qu'a cambiat e las dificultats que son vadudas mei granas. La Setmana, Plumalhon e Papagai que son estadas confrontadas aus problèmas generaus de la premsa escriuta aus quaus cau ajustar las dificultats ligadas au hèit de tribalhar dens ua lenga en perilh e mautractada. Pendent annadas, Vistedit qu'a hèit esfòrç deus importants. Los lectors de La Setmana tanben que son estat sollicitats a mantuas represas entà ajudar lo jornau. Los salariats de Vistedit qu'an hèit sacrificis deus grans tanben. La societat qu'a tot hèit entà adaptà's a las mutacions tecnologicas. Mes entà lutar, que cau aver mejans.

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+