Uei : 21/04/2018

Grèva del 22 de març

Los ferroviaris e foncionaris entre autres, respondèron a l'apèl a mobilizacion dels sindicats CGT, Solidaires, FO, FSU, CFTC, FA-FP e CFE-CGC. Se recampan dempuèi 10 oras dins cap a 180 vilas de França per defendre lor estatut fàcia al projècte del govèrn pels unes e contra la reforma de la foncion publica pels autres. Aquel rendètz-vos arriba quand lo govèrn se mostra determinat a seguir sas reformas sus la privatizacion de la SNCF, l'estatut dels ferrioviaris e las remuneracions dels foncionaris.

Article entièr aicí

Grèva del 22 de març

Los ferroviaris e foncionaris entre autres, respondèron a l'apèl a mobilizacion dels sindicats CGT, Solidaires, FO, FSU, CFTC, FA-FP e CFE-CGC. Se recampan dempuèi 10 oras dins cap a 180 vilas de França per defendre lor estatut fàcia al projècte del govèrn pels unes e contra la reforma de la foncion publica pels autres. Aquel rendètz-vos arriba quand lo govèrn se mostra determinat a seguir sas reformas sus la privatizacion de la SNCF, l'estatut dels ferrioviaris e las remuneracions dels foncionaris. Los liceans e estudiants se mobilizan uèi, jorn del 50n aniversari de la fronda estudianta qu'a lançat los eveniments de mai 1968. Los estudiants protèstan contra la seleccion a l'universitat.

Navèras manifestacions deus agricultors uei

Las manifestacions deus agricultors que contunhan uei pertot en França. Los espleitadors agricòlas que blocan axes rotèrs dens mantuns departaments entà denónciar lo desclassament deus territòris plaçats dinc a uei lo dia en zònas desaforizadas. Aqueth estatut que'us permetèva de recéber ajudas au nivèu europèu. Aqueth classament qu'ei considerat com « vitau » dens uns parçans pr'amor que permet de mantiéner ua dinamica e d'ajudar los joens a installà's.

A Aush en Gèrs, lo mot d'òrdi qu'ei « Toca pas a la mea ZAD (Zòna Agricòla Desfavorizada) ». Los accès au còr de vila que son blocats peus manifestants. A Tarba (65), au matin, cap a 200 agricultors que manifestan tot au long de l'A64 entà limitar las entradas e sortidas sus l'autorota.

A Pau, 150 tractors que's desplaçan actuaument rota de Tarba entà denonciar lo desclassament de 49 comunas (sus la 121 classadas) de las zònas desfavorizadas. Au nivèu de la sortida de l'autorota a Artics, la circulacion que vad mauaisida.

Uei lo dia, d'autas manifestacions que's debanan a Niòrt, Vierzon e Orleans. Arron los acamps que s'èran debanats quauques dias a, mei que mei a Tolosa e Carcassona, los sindicats que s'èran escaduts a obtiéner la revision de la carta de las ZAD. Totun, lo ministre de l'Agricultura, Stéphane Travert qu'avè presentat modificacions qui n'a pas satisfèit la FNSEA.

Representants agricòlas que seràn recebuts peu Ministèri de l'Agricultura uei.

Fòto : Captura d'ecran Twitter Prefècte de las Hautas-Pirenèas

Índia : Protèstas contra la sortida del film de Bollywood « Padmaavat »

Dins la nuèch de dimars a dimècres, un centenat de personas eissidas de grops indóus radicals an protestat a Ahmedabad, dins l'oèst d'Índia.

Mai de 200 veituras e escotèrs foguèron brutlats, botigas e centres comercials saquejats per empachar la sortida d'un film : « Padmaavat », prevista deman. Aquel conta ua romança entre una reina mitica indóa e lo conquistador musulman Ala ud-Din Khalji au sègle XIVn.

Lo Primièr ministre Pradipsinh Jadeja declarèt que 10 personas foguèron arrestadas ièr. La polícia declarèt que los noms de mai de 500 suspèctes de susmauta e de recampament illegal èran estats enregistrats a travèrs Gujarat.

L'an passat, lo lidèr del Rajput Karni Sena, un grop de caste, aviá ofèrt una recompensa de 50 milions de ropias (637 000 euros) a la persona qui « descapitarà » lo realizator Sanjay Leela Bhansali o l'actritz principala Deepika Padukone.

Aquelas menaças obligan la polícia a metre en plaça un dispositiu de securitat al torn dels cinemas a travèrs lo païs uèi e deman. Los protestators declaran que lo film represente una falsa romança amb la reina indóa Padmavati del sègle XIVn. Los productors negan e insistisson, an respectat son retrach respectuosament. Rajasthan, Madhya Pradesh, Punjab e d'autres estats del païs an volgut empachar la sortida del film, mes la Cort Màger decidiguèt qu'una tala accion violariá la libertat de creacion.

Susmautas en Iran : 21 morts e un centenat d'arrestacions

Despuish dijaus passat, manifestacions que's debanan drin pertot en Iran entà denonciar las dificultats economicas e contra lo poder en plaça. Los Iranians qu'esperavan hèra de l'acòrd suu nuclear (de 2015), tau desvolopament deus investiments estrangèrs e tornar aviar l'economia deu país. Per manca de refòrmas prometudas, la relança qu'estó pro febla. Lo President american Donald Trump que sancciona Iran au nivèu economic, en empachar enterpresas mei que mei francesas d'investir dens lo país. L'economia iraniana qu'ei blocada. En mensh d'ua setmana, las susmautas que hasón 21 morts dont 16 manifestants.

Ger, Ali Khamenei, guida suprème de la Revolucion islamica (pòste mei haut que'u de President de la Republica) que prenó la paraula entà acusar los « enemics » de la Repulica islamica de s'estar units entà har domau au regime. Teheran qu'acusa los Mondjaidines deu pòble d'alimentar las violéncias e d'estar ligats a l'Arabia Saudita.

Lo President iranian Hassan Rohani que s'entertienó dab lo President francés pertocant a la susmauta qui dura despuish ua setmana en Iran. Emmanuel Macron qu'exprimí la soa preocupacion fàcia au nombre de victimas dens las manifestacions e qu'apèra a l'apatzament. Hassan Rohani que demandè l'ajuda de la comunautat internacionau entà deféner l'acòrd nuclear de 2015 e arrespectar los engatjaments pres.

Los dus caps d'Estat que discutín de la situacion en Orient-mejan (mei que mei Iraq e en Siria) e lo President francés qu'aperè a un dialògue ahortit suu contròle deus armaments dens la region. Lo cap de la diplomacia francesa, Jean-Yves Le Drian qu'anullè la soa vienuda tà Iran prevista en fin de setmana.

Fòto : Captura Youtube Actualités-Pro

Mesa a jorn : 45 000 catalans an manifèstat uèi a Brussèlas

Jol lèma « Desvelha-te, Euròpa », de ciutadans de Catalonha e de la Val d'Aran se son grandits dins la capitala flamenca per exigir que l'Union europèa escote lors revendicacions « democraticas ».

De desenats de milièrs de catalans (45 000 segon la polícia de Brussèlas) an manifestat uèi, 7 de decembre, per las carrièras de Brussèlas. Jol lèma « Desvelha-te, Euròpa », los manifestants an demandat a l’Union Europèa qu’escote las revendicacions catalanas, dins una protèsta « pacifica, civica e democratica ». La mobilizacion a començat a 11h, a percorregut lo quartièr europèu e a passat près de la Comission, del Conselh e del Parlament europèus.

« La capacitat de solidaritat e de generositat d’una part importantissima del pòble de Catalonha es totjorn estonanta, mas es infinida, a cada enjòc los ciutadans se son engajtats », çò assolidèt lo pòrtavotz d’Òmnium en vesent la quantitat de mond que se son mobilizats per viatjar de Catalonha e d’Aran entrò la capitala europèa. La polícia bèlga aviá previst qu’ « entre 20 000 e 30 000 manifestants s'acampèssen sus l’esplanada del Pargue del Cinquantenari partir de 10 oras », çò ditz un comunicat difusat dins l’intranet del Parlament Europèu entitolat « Manifestacion de sosten a Carles Puigdemont ».

En fin finala an manifestat mai de 45 000 personas segon las autoritats localas.

Article del Jornalet

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+