Uei : 24/09/2017

Manifestacion Calandreta a Pau « Tot parièr com los bretons »

Ger au començar de vrèspe, un centenat de manifestants, per la màger part professors, gavidaires d'escòla e pairs de Calandrons que responón a l'aperet lançat per la Federacion departamentau de Calandreta deus Pirenèus-Atlantics.

Que demandan a aver la medisha derogacion que non pas las escòlas immersivas en lenga bretona. Las Diwan que s'escadón a obtiéner lo manteniment deus 48 contractes ajudats, validats per la prefectura de Bretanha.

Ana Maria Roth, l'ua de las fondatoras de las escòlas immersivas occitanas, que vienó sostiéner Calandreta pr'amor qu'a uei lo dia los sons petits hilhs qui segueishen l'ensenhament en occitan. ETV Ana Maria Roth

Magalie qu'ei mair de calandrons inscriuts a l'escòla immersiva de Lescar. Que ns'expliquè las condicions de tribalh de la Calandreta despuish la rentrada e l'implicacion deus pairs dens la vita escolara. ETV Magalie

Contractes ajudats — Calandreta davant la Prefectura doman

La Federacion Departamentau Calandreta deus Pirenèus-Atlantics que lança un aperet a manifestacion doman a 14 ò 30 contra la baisha deu nombre de contractes ajudats, anonciada peu govèrn quauques dias abans la rentrada. Lo rendetz-ve qu'ei balhat davant la Prefectura paulina, dab l'eslogan « Las escòlas Diwan bretonas qu'an ganhat lo manteniment e lo renovelament de tots los lors emplecs ajudats. Exigim parièr tà Calandreta ! »

La Federacion que demanda au prefècte deus Pirenèus-Atlantics, Gilbert Payet, d'aplicar a las escòlas Calandreta las medishas mesuras que non pas las dont an beneficiat las escòlas immersivas en lenga bretona, las Diwan.

Arron dus acamps, las Diwan qu'obtienón la validacion deus 48 contractes ajudats per la prefectura de Bretanha. Los 104 contractes qui devèvan acabà's enter lo 1èr de seteme e lo 31 de deceme que son renovelats.

Refòrma deu Còdi deu Tribalh — Enter 223 000 e 400 000 manifestants per las arruas

Las manifestacions contra la refòrma deu còdi deu tribalh qu'amassèn enter 223 000, segon la polícia e 400 000 manifestants segon lo secretari generau de la CGT, Philippe Martinez, ger. Aqueth movement de protèst qu'amassè donc autant de monde com lo purmèr acamp contra la lei Tribalh de Myriam El Khomri lo 9 de març de 2016.

Los manifestants que portavan bandaròlas en tornar préner frasas de politics de manièra ironica. Mots qualificats de « provocators » escandats peu President de la Republica la setmana passada a Atenas, qu'estón repres per la hora « Fenhants de tots los país, amassatz-vs ! »

Jean-Luc Mélenchon, de la France Insoumise, que participè a la mobilizacion a Marselha aus costats deus 7 500 manifestants segon la prefectura (60 000 segon los organizators). A Tolosa, qu'èran enter 8 000 e 16 000 a baishar per las arruas entà sostiéner tots los sectors tocats per la crisi.

Totun, lo govèrn que demora silenciós dab un President qui a hèit lo viatge tà Sent Martin e las ilas Sent Bartelemi e un cap deu govèrn, Edouard Philippe, tròp aucupat entà chepicà's de la mobilizacion, aqueth darrèr que's tienó totun assabentat deus eveniments de la jornada. Lo pòrtavotz deu govèrn, Christophe Castaner que declarè : « Créder que lo rapòrt de fòrça sociau e's jòga enqüèra uei lo dia per las arruas, qu'ei ua error, qu'ei un mite ».

Duas autas mobilizacions que son previstas los 21 e 23 de seteme a l'aperet de la CGT e de Jean-Luc Mélenchon. Lo 22 de seteme, lo President Macron que presentarà oficiaument las soas 5 ordenanças per reformar lo Còdi deu Tribalh au moment deu Conselh deus ministres.

Fòto : Captura Twitter Jean-Luc Mélenchon

Narbona : lo Comitat d'Accion Viticòla ataca un magasin Leader Price

Es una novèla accion del Comitat d'Accion Viticòla (CAV) a dètz jorns d'una manifestacion a Narbona denonciant la concurréncia desleiala dels vins en provenéncia d'Espanha. (Captura Midi Libre)

La nuèit passada, segon l'AFP, un magasin de hard discount foguèt la cibla cap a 22 h 30 de degradacions. Un incendi foguèt alucat sus de cariòls del magasin e ll'inscripcion « CAV » foguèt pintrada a la bomba sus la fàciada (sorsa policièra). Los degalhs son leugièrs. Aquela accion foguèt menada a dètz jorns d'una granda manifestacion prevista lo 25 de mars a Narbona (veire la nòstra edicion papièr de divendres). Denóncia un contèxt economic dificil e la concurréncia desleiala suls prètzes de còstas, especialament amb los vins espanhòls. 

Ja al mes de genièr, lo CAV aviá voidat un camion-cuba de son contengut (de vin espanhòl) sus un airòl de parcatge d'una autra granda ensenha a Narbona. Faguèt encara seguida a una accion menada en abril de 2016 al Volon (Catalonha-nòrd). Postats a un escambiaire de l'autorota A9, de vinhairons occitans voidèron un autre camion de son cargament de vin produsit en Espanha.

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+