Uei : 16/10/2018

Lanas : l'ensenhament bilingüe occitan-francés en dangèr

Los parents d’escolans de la cordèra bilingua francés-occitan de Sent Martin de Senhans dens las Lanas qu’an aviat en linha ua peticion « cordèra bilingua francés/gascon miaçada ». Que demandan un encontre dab lo Rectorat de Bordèu au mei lèu. « Los parents d’escolans de la cordèra bilingua francés-occitan de Sent Martin de Senhans dens las lanas que son chepicós pertocant a la rentrada a viéner e a l’aviéner deu cursus. Purmèr, tà çò qui ei de l’escòla mairau e l’escòla Jules Ferry qui recep los CP/CE1. Las responsas qui estón miadas peu DASEN de las lanas tà la rentrada de 2018 non respèctan pas la convencion de desvolopament signada lo 11 de deceme de 2017 enter lo Rectorat de Bordèu, l’Ofici Public de la Lenga Occitana e la Region NavèraAquitania, e segon nosautes, que meten en dangèr la perennitat de l’ensenhament bilingüe a paritat orària ».

Escambilingüe edicion 2018 a Sabres (40)

L'associacion deus pairs e d'ensenhaires de las cordèras bilinguas de l'Academia de Bordèu, Òc-Bi Aquitania, qu'organiza l'edicion 2018 d'Escambilingüe aqueth dissabte 19 de mai a l'Ecomusée de Marquèze a Sabres dens las Lanas.

La jornada que començarà dab talhèrs de 10 òras a 12 òras. Que poderatz encontrar e escambiar dab l'equipa d'Òc-Bi suus avantatges de l'aprenedissatge de mantuas lengas a un joen atge. Puish, un talhèr « La Cabòca » qu'invitarà los vòstes mainatges a participar a un projècte de creacion artistic. L'animatora que partirà de la basa d'albums en occitan que declinarà a l'entorn d'un tèma activitats variadas.

A l'auditòri, Aude Pottier e Clamenç Flouroux qu'animaràn ua conferéncia suu tèma « Lo massís de las Lanas de Gasconha, un vertadèr camp de pins ? ».

La Setmana dens « Ací qu'èm »

Lo 1èr d'abriu, de non pas mancar l'emission « Ací qu'èm », difusada sus las ondas de Souvenirs FM (arredifusion lo 8 d'abriu sus Souvenirs FM e lo divés a 7 òras deu ser sus Ràdio País). Au programa :
- Batalèra dab Isabelle Loubère, contaira e comediana... Tot lo monde que coneishen la soa votz...
- Batalèra tanben dab lo Pèire Bedat, l' Òmi de la dictada de Soston (40) !
- La Cristina que'ns contarà un conte deu Docteur Peyresblanques arrevirat en gascon : « Lo lop e lo grith » o « Tan petit tan hardit ».
- La cronica de La Setmana.

E tostemps beròjas cançons : The Oxford Trobadors - Se cantò... Balaguèra - Cruèla si tu'm vòs aimar... Nadau - Julièta... Los Pagalhos - La Sobirana... Marilis Oriònaa - Que i a lo cèu... Nadau - Lo Nhacar... Didier Tousis - Papèrs... e le Cercle Choral Dacquois - Hegoak.

L'espectacle « Òmes e femnas dau Landés » a Bordèu (33)

La companhia Nordack que presentarà un espectacle bilingüe « Òmes e femnas dau Landés » au musèu d'etnografia de l'Universitat de Bordèu, lo 7 de març a 17 ò 45 (pendent 1 ò). Que haràn descobrir la vita deu monde de la region emboscada situada au sud-oèst deu departament de Dordonha. Lo comedian Michel Feynie que contarà l'istòria deus òmis e de las hemnas d'aqueth parçan arbohit dens la memòria collectiva deu Peiregòrd.

En s'ajudar de tradicions musicaus, de contes tradicionaus e de momentòts de vita, l'espectacle que hè un ligam subtiu enter ger e uèi.

Encontre dab l'actor a la fin de l'espectacle.

Inf. : Musèu d'Etnologia de Bordèu, 3 ter, Plaça de la Victòria a Bordèu — Entrada a gratis sus reservacion au près deu MEB : 05 57 57 31 61 — Mèl : Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!

La Setmana dens « Ací qu'èm »

La Setmana que presenta lo somari deu numèro passat dens cada emission « Ací qu'èm » sus las ondas de Souvenirs FM. Dens la darrèra emission - qui serà tornada difusar dimenge 11 de març -, Cristina que contarà l'istòria vertadèra deus mosquetaris, la cantaira Mayo qu'i ei convida entà parlar de la soa carrièra musicau e que poderatz descobrir ua navèra cançon de la poetessa qui serà suu son àlbum a viéner.

FB d'Ací Qu'èm.

Pedagogia Montessori : ua escòla bilingua a Soston tà 2018

La pedagogia Montessori qu’ei un metòde d’educacion qui estó creat en 1907 per Maria Montessori. La mira qu’ei de tribalhar dab lo mainatge dens los sons periòdes « sensibles », « moments de la vita deu mainat on aqueth ei sancerament absorbit per ua sensibilitat a un element precís de l’environament ».

« Lo Pan d'Ausèth », Dictada a Soston (40)

« Lo Pan d'Ausèth »

Dens aqueth parçan deu Maransin on vivèva, l'Andrèu qu'èra tombaire : que hasè tombar pins. En aqueth temps, a l'endoman de la dusau guèrra mondiau, ne i avè pas nada estroncadera. Los utís utilizats entà har tombar los pins qu'èran donc hapchas e arpans…

Lo son hilh Gilabèrt ne'u vedèva pas hòrt : lo pair que partiva lo matin de d'òra e que tornava tard lo ser…

Lo gran plaser deu Gilabèrt qu'èra de vueitar la biaça deu pair. Dens la tavalheta desplegada que i avè hòrt de brigalhas de pan, gostosas e lo còisho que's regalava de minjar aqueths tròç de pan qui avèn lo gost de la moleta, deu jambon. E lo pair, qui ne mancava pas d'umor, un chic trufandèr, que'u disèva : « Que t'èi portat pan d'ausèth ! »

L'imaginacion deu mainatge vagamondejava lavetz. Qu'imaginava lo son pair qui, dens lo bòsc, coacava dab las còrbas, carrascava dab las agaças, manhagava dab los gais, gorgolava dab las tortas e qui parlava tanben aus cabiròus e aus gats-esquiròus qui saben tan har aus estujòus.

Pierre Bedat

  • Publicat dens Dictées

Lenga nosta dab « Ací qu'èm » sus Souvenirs FM

Que hè dus ans que los auditors de la ràdio landesa Souvenirs FM e pòden escotar drin de lenga nosta dab l'emission bilingua « Ací qu'èm ». Que la podetz enténer cada purmèr e dusau dimenge deu mes de 9 òras a 10 òras sus las ondas de la ràdio o sus internet a l'adreça http://www.souvenirsfm.fr/. Presentada per Jacques Lesgourgues, que tracta de l'actualitat en Gasconha dab cronicas e nombrós invitats.

Dens la darrèra emission difusada lo 7 de genèr passat, Renaud Lassalle qu'èra convidat entà parlar deu son libe « Grammaire gasconne du parler de la Grande-Lande et du Born », e lo contaire Miquèu Baris que presentè « L'avet de Nadau ». La Setmana que hè ua cronica suus numèros deu jornau e sus subjèctes d'actualitat a cada emission d' « Ací qu'èm ».

Peu Jacques Lesgourgues, lo temps que passa viste quan s'amusam au cap d'ua emission : entervista audio

L'emission a viéner que serà difusada lo 4 de heurèr dab au programa l'istòria « Lo Ramonet e la Cadetina » lejuda per Christina, co-animatora d' « Ací qu'èm » e dus convidats, Los d'Ortès, Abel Dupuy e lo navèth director de Souvenirs FM, Jean-Claude Barroumes. 

Inf. : Emission « Ací qu'èm » sus Souvenirs FM 

  • Publicat dens Culture
Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+