Uei : 21/10/2017

Montpelhièr — Los locaus deu Réseau d'Accueil et d'Insertion de l'Héraut sacamandejats

Lo 30 de junh passat, un detzenat de militants de La Ligue Du Midi que rendón visita a l'associacion Réseau d'Accueil et d'Insertion de l'Héraut (RAIH) dens los sons locaus a Montpelhièr. Los identitaris que manifestèn contra las subvencions atribuidas a las associacions tà l'arcuèlh deus immigrats clandestins dont menors isolats. Los locaus qu'estón sacamandejats.

Quauques dias abans l'accion de la Ligue, lo Conselh departamentau qu'avèva votat ua subvencion de 116 000 euros tà l'associacion RAIH.

Ua mocion especiau qu'estó votada diluns 18 de seteme per l'ensemble deus elegits de Conselh Departamentau d'Eraut. Presentada peu grop majoritari Gauche Républicaine e la conselhèra departamentau de Sèta, Veronique Calueba-Rizzolo, qu'ei ua responsa a l'accion espectaculara deu movement identitari, La Ligue Du Midi.

En aviar aquera mocion, la tòca de la gaucha qu'èra de possar los elegits de dreta au Departament a « préner posicion » suu subjècte. Lo conselhèr departamentau de Besièrs, Henri Bec, qu'anonciè que lo son grop Défendre l'Hérault, non votarà pas. Que declarè non pas voler « har pression » a la justícia entà condamnar un acte, « qu'ei anticonstitucionau », çò digó. Lo grop Union de la Droite et du Centre, qu'arrefusè de votar si la mocion non condamnava pas « tots los extrèmes » e pas sonque l'extrèma dreta. La mocion qu'estó esmendada tà demandar que la justícia examinèsse dab « ua vigilància mei grana » e « denoncièsse tots los extrèmes ».

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+