Uei : 15/11/2018

Ací Gasconha, calam en gascon 2018

Lo grop CALAM de l’associacion Ací Gasconha qu’organiza lo son 27au concors d’escritura obèrt aus amators de poesia, de condes e de roman en occitan gascon. Las vilas d’Anglet, de Baiona, de Tarnòs atau com l’Institut Occitan de Vilhèra e l’Academia Gascona Baiona-Ador que son partenaris deu concors. Los premiats que serà recompensats a la ceremonia deu 24 de junh a la mairia de Tarnòs. Las òbras que deven estar dens un parlar gascon e non deverà pas passar 3 paginas. Cinc categorias que son perpausadas : la categoria conde o novèla en pròsa suu tèma « Hèiras e marcats » (Prèmi de la vila d’Anglet d’ua valor de 595 €), la categoria poesia (Prèmi de la vila de Baiona de 350 €), ua òbra versificada o en pròsa (reservada aus joens de 15 a 30 ans, Prèmi Peir Rectoran de l’Academia Gascona de Baiona-Ador d’ua valor de 150 €), ua òbra versificada o en pròsa d’adultes de cors d’occitan (individuau o collectiva) qui exprimierà au miélher l’estacament a la lenga e a la cultura occitanas (Prèmi de l’Institut Occitan recompensat d’ua colleccion d’obratges occitans) e ua darrèra categoria reservada aus joens de mensh de 15 ans (Prèmi de l’Espèr, de la vila de Tarnòs de 150 €).

Inf. : De mandar los vòstes tèxtes a l’adreça mèl Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! o per corrièr postau a Ací Gasconha, Ostau Culturau Tivoli, 27 arrua d’Euskadi, 64600 Anglet. Abans lo 9 de mai — Tel. : 05 59 03 34 78. Corric : Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! Participacion a 8 €.

  • Publicat dens Culture

Jean-Philippe Labat, Doctor en oceanografia, a Ací Gasconha

Navèra conferéncia a l'associacion Ací Gasconha lo 13 de deceme a 18 òras 30 au Centre Culturau Tivoli d'Anglet (64). Jean-Philippe Labat, Doctor d'estat en oceanografia biologica de l'Universitat Pierre et Marie Curie de Paris-VI , que vienerà parlar suu tèma « Un continent desapareishut ? L'istòria de l'exploracion de l'Ocean Austrau » (a còps aperat Ocean Antarctic).

Longtemps inconegudas, las mars deu gran sud qu'an abrigat dens l'esperit deus òmis, tèrras e continents mitics. Mantuns sègles d'exploracion que son estats necessaris tà balhar la geografia que coneishem uei lo dia.

Inf. : Centre Culturau Tivoli, 27 arrua d'Euskadi a Anglet — Entrada a la conferéncia a 2 € — Site Ací Gasconha. — Corric : Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! —  Tel. : 05 59 03 34 78. 

Fòto : ©Idarvol

L'Istòria de las Lanas capvath gravaduras, per Jean-Jacques Taillentou

L'associacion Ací Gasconha, qui tribalha a la promocion de la lenga nosta en lo Baish-Ador, qu'organiza conferéncias mesadèras. Aqueth dimèrcs 8 de noveme, Jean-Jacques Taillentou, president de la societat Borda a Dacs (40) (patrimòni de las Lanas) que presentarà « Les Landes, voyage à travers la gravure ».

Jean-Jacques Taillentou qu'ei l'autor deu libe deu medish nom (Ed. Cairn). « Las Lanas qu'an tostemps atirat los viatjaires deu passat peu son imatge de territòri desconegut e sauvatge, poblat d'òmis e de hemnas au mòde de vita jutjat estranh. Atau, despuish lo sègle XVIIIau, geografes, escrivans, jornalistas, artistas... que's son empressats de córrer aqueras tèrras entà tornar transcríver peus mots e l'imatge las lors observacions ». Lo libe qu'amassa ua causida de gravaduras deu sègle XVIIIau au començar deu Xxau, classadas per tematicas : los mestièrs landés, las tèrras ruraus e boscassèras, las figuras landesas, las credenças, las curiositats e un panorama arquitecturau de las vilas e vilatges landés ».

Jean-Jacques Taillentou qu'ei tanben l'autor de « L'Almanach du Landais 2018 » (Ed. CPE, 2017), « Histoire des naufrages sur le littoral landais » (Ed. Des Régionalismes, 2014) o enqüèra de « L'Histoire du Marensin : de l'Antiquité à la Révolution » (Ed. Des Régionalismes, 2003).

Inf. : 18 òras 30 au Centre Culturau Tivoli, 27 arrua d'Euskadi, 64600 Anglet — Tarifa : 2 €.

  • Publicat dens Culture
Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+