Uei : 20/07/2018

Hestenau Passa-Pòrts 2018 a Montrejau (31)

Lo hestenau Passa-Pòrts hesteja lo son 15au aniversari los 6 e 7 d'abriu. Lo 7 d’abriu, a partir de 10 h, estagi de danças bascas (mutxikoak, fandango), de danças occitanas taus començants, de clarin, d’acordeon diatonic (repertòri niçard), de canta animat per Arnaud Cance e de halhòts dera Sent Joan. Lo grop basco Patxi eta Konpania qu’animarà un bal a partir de 18 h, puish restitucion de l’estagi de canta e cantada a 19 h 30. Après lo repaish deus productors, bal dab lo grop Toti Tres (Comenge) a 21 h. A 23 h 30, bal dab L’as pagat, lo capèu ? (país Niçard) seguit d’un empont obèrt.

Lo hestenau Passa-Pòrts qu’ei organizat per Eth Ostau Comengés. Joan-Pau Ferré que hè partida deus organizators e qu'estó entervistat per Joan-Nadau Commères de Ràdio País suu programa de l'eveniment : entervista audio. 

Inf. : Programa sancèr suu site www.ostaucomenges. org — Mèl : Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! Tel. : 06 34 95 71 22 — FB : ethostau.comenges

  • Publicat dens Culture

Segonda edicion del festenal Contes e racontes en Segalar

La segonda edicion del festenal Contes e racontes en Segalar començarà lo 20 d'octòbre. Pendent tres jorns, viuretz moments de poësia colorats d'amor e d'umor en francés mas a tanben en lenga nòstra.

Es lo Jérôme Vialaret qu'obrirà lo festenal amb sas istòrias. Un indici : es pivelat per las culturas luenchencas. Lo contaire nos aviá explicat çò qui l'aviá donat l'enveja de contar, al moment de la primièra edicion del festenal, l'an passat : ETV Jérôme Vialaret.

Serà seguit de Malika Verlaguet amb son espectacle « Contes d'aicí, contes d'ailà ». A tornat prene sas racinas occitanas per viatjar sus las alas dels aucèls de passatge e possar lo portanèl del jardin dels imaginaris ont n'existís pas de frontièras. Es afiscada pels contes populars.

L'endeman, Martine Viala, venguda de Tarn, maneja los accents e la lenga amb plaser e golardisa. Amb « Contes d'amour, contes de toujours », contarà l'istòria d'una jova filha que son paire enclau amb la noiriça per la gardar pura e innocenta fins au jorn ont decidirà de la maridar amb l'òme qu'aurà causit… Un espectacle plen d'umor.
Jean-Yves Pagès prendrà lo relai amb son espectacle « Et si tout était vrai ? », tèrras bretonas, femnas charrairas, islas grègas, univèrs magics e personatges saborós.

Serà lo Paul Bony qu'aurà la pesanta taca de clausurar lo festenal e a causit de presentar son espectacle « Tan val ne rire » en lenga nòstra. Es un fin observator de la region, de sos abitants e de sas evolucions. Es un talent ós inventor d'istòrias d'aprèp los organizators.

Inf. : Maison Jean Boudou, Lo Carrierat — 12800 Crespin (France) — Tél. 05 65 42 16 53 — Mèl : Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! — Site : http://www.ostal-bodon.com

 

  • Publicat dens Culture

Lo festenau dei 3 lunas a Marselha leis 5,13 e 15/10

L'Ostau dau País Marselhés vos convida a son promier festenau de lengas e de musicas occitanas, lo « Festenau dei 3 lunas », leis 5, 13 e 15 d'octòbre.


Inf. : Ostau dau País Marselhés
18 carriera de l'Olivier 13005 Marselha
Site : www.ostau.net - Tel. : 04.91.42.41.14

Lo festenal Occitània es uèi

Lo festenal Occitània comença uèi a Tolosa. Los 9 e 10 de setembre de 10 oras fins a mièjanuèch, al Parc Parc Jean-Jaurès, Muret, festjada de Mureth siá dos jorns de fèsta publica : vilatge occitan amb mercat, passacarrièra, animacions artisanalas e musicalas, jòcs, iniciacion a la lenga nòstra e concèrt del grop Mauresca Fracàs Dub (reggae/hip-hop).
Del 12 al 16 de setembre, a 19 oras, al teatre del Grand Rond de Tolosa, « L'Occitanie pour les Nuls » per Florant Mercadier. Un One Man Show musical per descobrir que los trobadors an inventat lo rap o encara que l'autor del « Se Canta » èra un serial killer.
Lo 21 de setembre a 20 oras a St Pierre des Cuisines, Tolosa, granda serada musicala Portugal-Occitània, celebracion de l'interculturalitat amb un dialòg musical entre la cantaira de fado H.Maria e l'occitana Marilis Orionaa.
Lo 23 de setembre a 21 oras, al Cafè-Concèrt Chez lily, Germ Louron, concèrt de la cantaira de la Val d'Aran, Alidé Sans.
Lo 11 d'octobre a 18 oras 30 al Cinema ABC de Tolosa, difusion del filme anglés Paddington, doblat en lenga nòstra per l'associacion Conta'm e sostitolat en francés.
Lo 13 d'octobre, a 18 oras 30, al Foyer rural de Vilafranca de Lauragués, serada amb Claude Sicre e sos amics.

Inf. : festivaloccitania.com — Mèl :  05 61 11 24 87.

  • Publicat dens Culture
Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+