Uei : 24/09/2017

L'occitan pena de germinar dins Gers

L’usatge de la lenga s’intensifica dins lei mitans associatieu e culturau. Mai per li donar lònga vida, son aprendissatge a l’escòla es necite. Embé d’annadas de lucha per lo metre en tèrra, l’occitan creis e tempta de se mantene maugrat una meteò politico-sociala pas totjorn favorabla a son espeliment. Quora se vei la carta de l’implantacion de Calandretas, lo costat « Reiaume » de Ròse es florissenta. Dins l’airau de Nimes-Albi-Ortès, creisson un fum d’escòlas immersivas, concentradas dins lo Sud-Oest de Miegjorn. A la favor dau solèu e de la pluèia, l’occitan espelís dins de nombrós establiments dei regions Occitanie e de Nouvelle-Aquitaine
subretot.

Mai dins Gers, i a de granas semenadas que montan pas. Dins aqueu canton existís pas de Calandretas. Es un territòri en ermàs dins un país clafit d’escòlas onte la lenga es cultivada emb amor. Pasmens, la demanda es aquí, lo jardin dubert en totei, mai basta d’una sola dalha per tot copar. Es çò qu’arribèt an’ Aush, mentre que totei lei condicions
èran recampadas per faire sortir un projèct bilingue. Veirà jamai lo jorn. E despuèi aquela descapitada, leis actors militants e lei parents volontaris se desepèran fàcia a un camp sensa cultura. Que i a lei mans verdas e lei mans negras. Lei promièras assajan de modelar un païsatge occitan dins la dificultat, e lei segondas i botan lo fuòc.

An’ Aush, quora l’escòla bilingua que fuguèt abandonada, avèm laissat una tèrra privada de seba. Per certans, la lenga fai polit, pas mai. Dison que son d’acòrdi per crear d’escòlas mai leis accions seguisson pas. Sentisson pas l’utilitat e l’interès d’una tala estructura dins un canton coma aqueste. Fau saupre que basta pas de semenar lei granas. Aquò se cultiva, se jardina, se faiçona. Es aquò, la lenga. Una flor que nautrei solets podèm faire dubir...

AMY CROS

  • Publicat dens Éditos

Eth Parlament catalan apròve dar occitan en es escòles publiques

Ei atau. Un pòc tard des dera aprobacion der occitan coma lengua oficiau en Catalonha e Aran en 2006 mès, fin finau, es escòles catalanes daràn er occitan – maugrat que coma matèria optativa peth moment e non encara obligatòria -. E açò pr’maor que siguec aprovada era mocion parlamentària deth grop politic dera CUP (Candidatura d’Unitat Popular) que demande ath govèrn divèrses mesures entara difusion dera lengua occitana en Catalonha e Aran.

E maugrat qu’era mocion aprovada en Parlament catalan pes grops de govèrn Junts pel sí(Amassa per Òc) e dera CUP ei solament ua demanda ath Govèrn, se compren qu’ei obligatòria un còp aprovada per aguest en Parlament. Totun, era peticion der ensenhament der aranés, occitan en Catalonha e Aran, ei dirigida a toti es centres escolars de segondària a on i age demanda. E açò non vò díder toti.

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+