Uei : 21/04/2018

Mario Peperoni « Viatja enter las culturas »

Italian d'origina, après tres annadas d'anar e tornar enter Ròma e Bordèu, Mario que s'installè a Bordèu en octobre passat. En Italia, qu'estó format a l'art deu teatre e de la musica pendent los sons estudis d'Istòria, Sciéncias e Tecnicas de la Musica e de l'Espectacle a Roma.

Qu'a seguit la soa amiga musicaira, Cathy Castet a noste. Qu'ei era qui'u balhè la soa passion tà la lenga nosta. Qu'aprenó purmèr lo parlar lengadocian, abans de familiarizà's dab lo parlar gascon. A Bordèu, Mario qu'apren lèu la lenga. Entad ac har, que segueish cors d'occitan dab monde de l'Institut d'Estudis Occitans d'Aquitània com Olivier Sirgue e David Escarpit.

Cecila Chapduelh : Crear per transmetre

Ensenhaira, poèta o encara comediana de doblatge, la peiregordina jura pas mai que per la creacion.

Èra la velha d’un jorn d’examèn del Diplòma de Competéncia en Lenga (DCL) a Tolosa. Cecila Chapduelh o fa passar cada an a de personas desirosas d’atestar de lor nivèl d’occitan a de miras professionalas (La Setmana n° 1000). Fa partida de sas missions, coma ensenhaira d’occitan dins lo segond gra entre tres establiments publics situats a La Barta de Lesa (Garona-nauta), Maseras e Pàmias (Arièja). Originària del país de Sarlat (Peirigòrd) ont nasquèt en 1980, la trentenària a banhat dins un univèrs lingüistic, cultural e militant particular tre l’enfància. Clarament, cresquèt dins un environament occitanista. « Sèm una comunautat, una familha pro granda, çò pensa, entre monde occitanista i a una comunicacion que se fa mai aisidament quitament se nos coneissèm pas. La cultura nòstra es un denominator comun qu’es pro fòrt... mai qu’entre de sòcis d’un club de salsà per exemple ! » Pasmens, coma mantuns autres, o regetarà tot en blòc a l’adolescéncia. Per Cecila, èra pas de bon aver una part de la « cultura de massa » a la quala cada adolescent aderís per far coma los amics e s’integrar dins un grop. « Escotar Subèr Albèrt es plan, çò ditz, individualament t’agrada mas per te socializar dins un collègi nòu e que coneisses pas Goldman... Es un pauc pesuc ! (rire) As besonh d’una identitat de massa quand siás adolescent. Es plan de cultivar la diferéncia mas aquí n’avián tròp, de diferéncias ! ».

Iniciacion au doblatge en occitan dab Pixel Òc

Pixel-Òc de la Companhia Lilo que perpausa iniciacions au doblatge en lenga occitana. Uas de las lors formacions que s'adressan a professionaus de l'espectacle viu e aus locutors occitans. Que serà lo cas deu 25 au 28 de mai. Laurenç Labadie, gavidaire d'actors de la societat de doblatge Conta'm, qu'animarà l'estagi. Au programa, la descobèrta de l'environament tecnic deu doblatge, quin posicionar la soa votz e explorar los registres vocaus, mestrejar lo jòc d'actor fàcia au micro e aquerir un aisèr dens la tecnica deu doblatge.

Avisatz-ve, la participacion que's hè sus inscripcion, abans divés lo 21 d'abriu. L'iniciacion que començarà cada dia de 9 ò a 12 ò 30 e de 13 ò 30 a 18 ò.

Inf. : Centre Victor Hugo a Mussidan (24) e au Studio Arbus a Pontac (64) — Companhia LILO, tel. : 05 53 03 52 17 / 06 38 80 03 56 — Site : pixeloc.com

Fòto : Lilo Companhia

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+