Uei : 22/09/2017

Sèrgi Granièr : « “ Digús ” s'escriu “ Degun ” »

L’escrit es fondamentalament diferent de la paraula dins sas condicions e sas foncions, e tend a generalizar. Atal, tota ortografia es forçadament mai o mens globalizanta, e donc convencionala. En occitan, s’escriu vinha çò que d’unes pronóncian coma binho, d’autres coma binha, d’autres coma vinho (amb la v coma en francés), totes normalament e en bon occitan.

Atal, s’escriu degun çò que d’unes pronóncian coma digús. Perqué ? Perque i es pas qu’una variacion de prononciacion de e en sillaba pretonica (coma d’autres pronóncian sirà çò que s’escriu serà), que la n finala es sovent muda (coma dins la man), e qu’aicí la s finala es coma la que d’unes ajustan dins la prononciacion de qualques mots qu’an un ròtle particular dins la lenga (tanben prononciat coma tanbens, de matin coma de matins, etc.)

Se cal gravar jos la boneta un còp per totes que l’idèa que se poiriá « escriure coma se parla » es una asenada coronèla, que l’escrit es pas la paraula, e qu’en occitan avèm melhor a faire qu’a nos embestiar amb de problèmas que ne son pas.

En partenarit amb locongres.org.

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+