Uei : 24/04/2018

Serada contes occitans amb Michel Jacquet a Lodeva

Lo Cercle occitan del Lodeva (Erau) e lo talhièr d'occitan del larièr rural de Laurós organizan una serada contes occitans aquel divendres. Michel Jacquet presentarà sos contes. Es l'autor de dos libres consacrats a las mitologias popularas en version bilingua : « Contes misterioses del Carcin » (Ed. dels Regionalismes - 186 paginas — 17,50 €) e « Cresenças e legendas d'un Otramar tropical » (Ed. dels Regionalismes, colleccion “ au viu leupard ” - 132 paginas).

Lo primièr retraça l'enfança de l'autor en Carcin amb d'anecdòtas vertadièras e los passatges de personatges fictius. Dins lo segond libre, Michel Jacquet conta las cresenças e las legendas qu'a descobèrt pendent sos viatges Otramar qu'a fach per rasons professionalas.
L'autor occitan presentarà donc son trabalh e legirà qualques unes de sos contes a la sala de conferéncias de la comuna de Lodeva a partir de 18 o 30 aquel divendres 13 d'abril.

  • Publicat dens Culture

Malika Verlaguet contaira nomada e enrasigada

Per un còp, aquela roergata nos a parlat de son istòria en plaça de contar las istòrias dels autres.

Atal poiriá començar : un còp i aviá un ostalon de pèira talhada al bòrd d’un riu... Èrem dins lo país de Menerbés mas las planas cobèrtas per una mar de vinhas èran luènh darrièr. Aquel ostalon èra plantat al pèmont de la Montanha negra. Levat qu’aquò es pas un país imaginari d’ont poirián sorgir lo Drac e l’enfant polit. Es d’un endret plan real (e encantaire) que la contaira Malika Verlaguet nos a respondut... Dins un païsatge de transicion entre climat mediterranèu e climat montanhòl. Per aquela jova avaironesa, originària de Sant Laurenç d’Òlt, tot a començat suls bancs de l’universitat Paul-Valéry (Montpelhièr) ont estudièt l’anglés e l’espanhòl amb l’occitan en opcion.

Article entièr aicí

Malika Verlaguet contaira nomada e enrasigada

Per un còp, aquela roergata nos a parlat de son istòria en plaça de contar las istòrias dels autres.

Atal poiriá començar : un còp i aviá un ostalon de pèira talhada al bòrd d’un riu... Èrem dins lo país de Menerbés mas las planas cobèrtas per una mar de vinhas èran luènh darrièr. Aquel ostalon èra plantat al pèmont de la Montanha negra. Levat qu’aquò es pas un país imaginari d’ont poirián sorgir lo Drac e l’enfant polit. Es d’un endret plan real (e encantaire) que la contaira Malika Verlaguet nos a respondut... Dins un païsatge de transicion entre climat mediterranèu e climat montanhòl. Per aquela jova avaironesa, originària de Sant Laurenç d’Òlt, tot a començat suls bancs de l’universitat Paul-Valéry (Montpelhièr) ont estudièt l’anglés e l’espanhòl amb l’occitan en opcion.

L'espectacle « Òmes e femnas dau Landés » a Bordèu (33)

La companhia Nordack que presentarà un espectacle bilingüe « Òmes e femnas dau Landés » au musèu d'etnografia de l'Universitat de Bordèu, lo 7 de març a 17 ò 45 (pendent 1 ò). Que haràn descobrir la vita deu monde de la region emboscada situada au sud-oèst deu departament de Dordonha. Lo comedian Michel Feynie que contarà l'istòria deus òmis e de las hemnas d'aqueth parçan arbohit dens la memòria collectiva deu Peiregòrd.

En s'ajudar de tradicions musicaus, de contes tradicionaus e de momentòts de vita, l'espectacle que hè un ligam subtiu enter ger e uèi.

Encontre dab l'actor a la fin de l'espectacle.

Inf. : Musèu d'Etnologia de Bordèu, 3 ter, Plaça de la Victòria a Bordèu — Entrada a gratis sus reservacion au près deu MEB : 05 57 57 31 61 — Mèl : This email address is being protected from spambots. You need JavaScript enabled to view it.

Mòrt de l'autor occitan Jòrgi Gròs

L'autor e militant occitanista Jòrgi Gròs se moriguèt divendres 16 de febrièr a l'atge de 95 ans. Nascut a Nimes en 1922, Jòrgi Gròs foguèt institutor e adèpte de las tecnicas Freinet, de qui èra un amic personal. Son enfança a estada noirida d'occitan, lenga practicada en familha mas tanben lenga literària d'Antoine Bigot, que fòrça de nimesencs aimavan recitar las faulas. Es l'autor de « Lo batèu de pèira » (1984), « Còntes de la Fònt de Nimes » (1997) o encara « Lei bugadièiras blavas » (2014).

Sos contes son per la màger part destinats als dròlles mas fòrça s'adreçan a un public adulte. « Es segurament la conjugason entre l'umor, l'espontaneïtat e l'umanitat del contaire-pedagòg, son escota del monde, sa mestresa d'una lenga rica, justa e variada dins sas tonalitats e la sciéncia critica de l'erudit, qu'explican la qualitat de son òbra », çò contèt l'Universitat Paul Valéry de Montpelhièr sul site 1000 ans de literatura d'Òc.

Florian Vernet, professor emerit e gran escrivan pedagòg, conclusiá son prefaci als « Contes de las garrigas nautas » : « Aqueles tres contes, com totes los qu'a escriuts pendent sa vida, valon tanben per la lenga, aquel occitan de Provença tant fluid, tan elegant, tant classic... Un dels miracles dels contes capitats, es aital de rendre accessible e sensible a totes la diversitat, la beutat de còps tragica e la vertiginosa complexitat del mond ».

Una de las doas calandretas de Nimes pòrta son nom. La FELCO e lo CREO Lengadòc asseguran lor collèga Claudina Paul del CREO Lengadòc e tota la familha de lor amistat entretesida. Rendon un primièr omenatge a Jòrgi Gròs en partejant sa biografia aicí.

Sos obsequis se debanaràn dijòus 22 de febrièr. Visitas possiblas de 9 o 30 a 10 o 30 a la cambra funerària Pascal Leclerc, 47 bd Talabot a Nimes. Un darrièr omenatge li serà rendut lo 22 al Crematorium de Nimes a 11 oras.

Fòto : Mari-teleoc

Fasètz la Lenga en Cabardés del 6 al 17 de març

L'associacion Fasètz la lenga organizèt divendres 16 de febrièr, un loto occitan dins la sala de la Tor. La crompa dels cartons, l'enonciat de las chifras e dels nombres, los comentaris especific al numerò sortit e fin finala los ganhaires qui s'escridan « quina » tot èra exprimit en occitan, çò qui rendèt la serada saborosa e de còps fòrça amusanta.

L'associacion Fasètz la lenga a per objectiu de far viure e conéisser la lenga e la cultura occitanas dins totas lors formas d'expression dins 5 vilatges partenaris del Cabardés : Aragon, Mossolens, Puègnautièr, Ventenac Cabardés e Vilagalhenc.

Fasètz la lenga prepausa una programacion musicala e artistica del 6 al 17 de març sul territòri del Cabardés per festejar l'occitan coma cal.

Lo 6 de març, a 18 o 30 a l'Espaci René-Douce, Ventenac (11), vernissatge amb Cossí que siague, corala que fa partida de l'associacion. Canta un repertòri compausat de cançons tradicionalas, cançons d'autors contemporanèus e de creacions. Serà seguit d'un concèrt de la cantaira aranesa Alidé Sans a 20 o 45. Pendent la jornada, Joan Jaume Delpotz contarà dins las escòlas.

Lo 7 de març, Yan Lespoux, ensenhaire, doctor en istòria contemporanèa, farà una conferéncia suls rapòrts entre l'escòla francesa e la lenga occitana d'un biais istoric, a la Sala Emilien-Combes de Mossolens.

Lo 11 de març, Claudi Alranc farà una serada amb sos « Contes de la França d'en bas ». Es un comedian, autor dramatic e contaire originari de Pesenàs en Eraut. Es lo fondator del Teatre de la Carriera qui a prigondament marcat lo teatre en general e teatre occitan en particular aquestas 30 darrièras annadas. L'eveniment se debanarà a la Maison del Cabardés, camin de la Gourguine, a Aragon.

Inf. : Programa del 6 al 17 de març sul site : fabrica.occitanica.eu/fr/agenda/19148 — Tel.: 06 31 55 58 57 — FB : fasetzlalenga — Carta d'abonament pels espectacles pagants : 40 € (espectacles dels 6,10,16 e 17 de març)

  • Publicat dens Culture

Segonda edicion del festenal Contes e racontes en Segalar

La segonda edicion del festenal Contes e racontes en Segalar començarà lo 20 d'octòbre. Pendent tres jorns, viuretz moments de poësia colorats d'amor e d'umor en francés mas a tanben en lenga nòstra.

Es lo Jérôme Vialaret qu'obrirà lo festenal amb sas istòrias. Un indici : es pivelat per las culturas luenchencas. Lo contaire nos aviá explicat çò qui l'aviá donat l'enveja de contar, al moment de la primièra edicion del festenal, l'an passat : ETV Jérôme Vialaret.

Serà seguit de Malika Verlaguet amb son espectacle « Contes d'aicí, contes d'ailà ». A tornat prene sas racinas occitanas per viatjar sus las alas dels aucèls de passatge e possar lo portanèl del jardin dels imaginaris ont n'existís pas de frontièras. Es afiscada pels contes populars.

L'endeman, Martine Viala, venguda de Tarn, maneja los accents e la lenga amb plaser e golardisa. Amb « Contes d'amour, contes de toujours », contarà l'istòria d'una jova filha que son paire enclau amb la noiriça per la gardar pura e innocenta fins au jorn ont decidirà de la maridar amb l'òme qu'aurà causit… Un espectacle plen d'umor.
Jean-Yves Pagès prendrà lo relai amb son espectacle « Et si tout était vrai ? », tèrras bretonas, femnas charrairas, islas grègas, univèrs magics e personatges saborós.

Serà lo Paul Bony qu'aurà la pesanta taca de clausurar lo festenal e a causit de presentar son espectacle « Tan val ne rire » en lenga nòstra. Es un fin observator de la region, de sos abitants e de sas evolucions. Es un talent ós inventor d'istòrias d'aprèp los organizators.

Inf. : Maison Jean Boudou, Lo Carrierat — 12800 Crespin (France) — Tél. 05 65 42 16 53 — Mèl : This email address is being protected from spambots. You need JavaScript enabled to view it. — Site : http://www.ostal-bodon.com

 

  • Publicat dens Culture
Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+