Uei : 20/10/2018

Jornada occitana deus tresaus deras Hautas-Pireneas

Per la 7au annada de reng, lo Departament de las Hautas-Pirenèas que perpausaràn aus collegians de 3au qui estudian la lenga occitana, ua jornada consacrada a l'òc lo dimèrcs 29 de març. L'eveniment que's debanarà au Carré Py' de GERDE. Aquera jornada que permet de har conéisher aus joens las possibilitats d'estudis de la lenga occitana au licèu e a l'universitat. Los collegians que poderàn encontrar a professionaus : professor d'occitan, responsable pedagogic, cargat de mission en lenga occitana, etc. Cinc talhèrs que seràn organizats : « Har víver ua lenga regionau », « L'occitan au licèu e après », « Ei possible de víver ua practica artistica enrasigada dens un territòri culturau e lingüistic en 2018 ? », « L'occitan dens la vita professionau » e « Iniciacion au doblatge de filme en lenga occitana ». La jornada que's clavarà peu tradicionau concèrt dab lo grop The Incredible Garuche Band, electro ròck de Bigòrra.

Inf. : Carré Py' GERDE, 3 bis avienguda Maquis de Payolle — 65200 Banheras — tel. : 05 64 25 00 25.

Lo 1èr D'Òc Show de 2018 consacrat a l'occitan en Lemosin

Arron 4 annadas d'existéncia, Octele qu'arriba a Lemòtges peu purmèr D'Òc Show de 2018. Aqueth dijaus 22 de heurèr, l'emission qu'averà com tèma « Lemosin, tèrra occitana ». Los rapòrts deu territòri lemosin dab la soa lenga e cultura, l'ensenhament, los transpòrts, las accions culturaus miadas a favor de la lenga occitana per las estructuras locaus, taus son los subjèctes qui seràn tractats peu presentator Silvan Carrère e los sons invitats au ser.

Entervista de Silvan Carrère suu navèth D'Òc Show

L'emission deu D'Òc Show que serà en dirècte e en public a la Bibliotèca Francofòna Multimèdia de Lemòtges, e tanben difusada en dirècte sus www.octele.com e suu facebook de la webtele occitana a comptar de 20 òras 30. Qu'ei estada realizada en partenariat dab l'IEO Lemosin (ieo-lemosin.org).

  • Publicat dens Culture

Tarba e Pujòu : ua dimenjada metal e punk d'òc

L'ocasion, entaus qui aiman lo rock agressiu e sincèr, de descobrir o de tornar descobrir tres grops occitans.

Aqueste divés 26 de genèr, que i aurà a Tarba un concèrt excepcionau au Celtic Pub dab lo grop punk Papà Gahùs e los metallós d’Eyes Of Simurgh, dus grops qui an per particularitat de har totas las lors cançons en occitan.

Ua nautat tanben : The Incredible Garuche Band, un grop occitan de mau trobar sus Internet (un grop occitan navèth ?) qu’obrirà la serada a 19 h 30.

Aqueste concèrt que’s debanarà au Celtic Pub, au numèro 1 de la Carrèra de l’Armonia, 65000 Tarba. 

L’endoman, dissabte 27 de genèr, Eyes Of Simurgh que serà a Pujòu (Seuvestre) dab Snowdens, un grop de heavy metal anglofòn. Qu’i son invitats per l’associacion Rock à Puyoô, qui organiza un concèrt cada mes dens aquera vila deu parçan d’Ortès.

L’ocasion, entaus qui aiman lo rock agressiu e sincèr, de descobrir o de tornar descobrir tres grops occitans.


Pascau Sebat
cantaire dens Eyes Of Simurgh
Per lo Jornalet

  • Publicat dens Culture

Occitan e numeric, tèma a viéner deu D'Òc Show

Dijaus lo 14 de deceme que serà filmat en dirècte lo D'Òc Show au Castèth d'Este de Vilhèra (64). Lo tèma causit tad aquera navèra emission qu'ei « Occitan e numeric : quinas perspectivas ? ».

Divèrsas estructuras qui tribalhan a la valorizacion de la lenga e de la cultura nostas que seràn convidadas a har conéisher los utís numerics que desvolopan entad ac har. Projèctes de gran endom que serén a emergir tà 2018.

L'animator Silvan Carrère que receberà actors deu mitan com Benjamin Assié e Patric Roux, respectivament gavidaire e president deu CIRDÒC, Jean-Jacques Casteret de l'Institut Occitan de Vilhèra, Benaset Dazéas e Aure Seguier deu Congrès Permament de la Lenga Occitana, atau com artistas occitans com Matéu Baudoin (Artús, HartBrut) qui testimoniaràn de l'utilizacion qu'an deu numeric. Los collegians deu Collègi Calandreta de Gasconha que coanimaràn l'emission dab Silvan Carrère. Au programa : entervistas, reportatges, cronicas e grops de musica suu platèu.

L'emission que's hè en aliança dab l'InÒc Aquitania e lo Collègi Calandreta de Gasconha.

Inf. : Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! — Site : www.octele.com — Tel. : 05 47 05 50 10 — Emission de seguir en dirècte sus https://www.facebook.com/octele/

Òctele que cèrca un montaire. Que seratz en CDI de 35 òras dens los estúdios de Pau (64). Entresenhas mei ací.

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+