Uei : 22/09/2017

Pollucion deu Gave de Pau, Candia que nega la dangerositat

Per aquestes torns, lo Gave de Pau que hè l'objècte de divèrsas pollucions. Ua hanga nauseabonda que flotava a la susfàcia deu fluvi.
Qu'ei un joen qui a hèit la descobèrta pendent ua virada en caiac au mes de julhet. L'enterpresa hicada en causa : l'usina Candia. Los regets que vienèvan de l'estacion d'epuracion de l'usina, situada a quauques quilomètres de l'endret polluit.

Stéphane Alleaume, ciutadan paulin, que decideish de crear au mes d'agost ua pagina Facebook entà informar los paulins sus la situacion. Sus « Notre Gave mérite mieux », que publica articles qui parlan deu subjècte mes tanben video d'eth-medish davant los endrets polluits entà amuishar l'amplor deus domaus.

Quan la direccion de Candia a ensajat de rassegurar en díser qu'aqueth tipe de pollucion n'èra pas dangerosa tà la santat, un exemple enqüèra mei recent qu'auré tendéncia a provar lo contrari. Stéphane que partatgè dimenge passat un reportatge de France 3, sus un cas de pollucion descobèrt au sud-èst de Rennes on cap a 5 tonas de peishs estón descobèrts morts dens l'arriu de La Seich. En causa, regets incontrolats de lactòsa deu numèro un mondiau deus produits leitèrs, Lactalis. Aquò provoquè la proliferacion de bacterias. L'incident que's debanè lo 18 d'agost e n'estó pas sonque declarat 4 dias après. La federacion de Pesca 35 que portè lo clam per infraccion au còdi de l'environament.

Stéphane Alleaume qu'èra suu platèu de la FIMOC, Ràdio País e Radio Oloron lo 18 d'agost au parat deu hestenau Hestiv'òc :

Entervista Stéphane Alleaume

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+