Uei : 26/04/2018

De teatre en occitan a Besièrs (34)

L'associacion Théâtre des auteurs en Languedoc organiza la novèla edicion del Mars des auteurs. Vòlon aital presentar al public de pèças de teatre d'autors vivents e de collaborar amb d'actors regionals per de creacions dins las doas lengas de la region, lo francés e l'occitan. L'idea es de privilegiar un teatre accessible a un public lo mai larg possible.

Per sa 9n edicion, lo Mars des Auteurs presentarà una serada al Café La Comédie sul tèma « La memòria del país ». La serada s'obrirà amb una lectura de tèxtes de Paul-Louis Azais, Annette Clément, Jacques Pelaez, Jean-Pierre Pelaez o encara Marie Rouanet, per Isabelle François e Marie Gaspa, amb la participacion de Robert Cavalie. Los tèxtes tractan de la vila de Besièrs e de l'Occitània dins las annadas 60.

Puèi, Claude Alranq pujarà sus scèna per jogar « Rugby Club Village ». Son de scenetas sul mond de la veishiga, « Ovalia-Occitània », meteish combat. « Es pas question aicí dels “ campions ” mas de totes los benevòles qui, del banc de l'escòla al tresen temps, qui de l'estanquet fins als vestiaris, qui, del lotò a la còla dels vièlhs crampons, qui de la comptina de las mametas a la sortida de fin de sason… transmeton lo “ virus del rugbi ” de generacion en generacion ».

Lo Mars des Auteurs es lo sol festenal dins la region Lengadòc Rosselhon e l'un dels rares en França a prepausar una programacion exclusivament virada de cap tà la creacion de pèças de teatre d'autors vivents.

Inf. : A partir de 18 oras 45 al Café de la Comédie, alèas Paul Riquet — 34500 Besièrs — Tel. : 04 67 32 63 26 / 06 03 46 06 78 — Site : www.theatredesorigines.fr — www.claude-alranq.com — Dintrada libra / vin e tapas : 5 €

  • Publicat dens Culture

Carnaval sus la mediatèca numerica Occitanica

Carnaval arriba sus la mediatèca numerica Occitanica. Trobaretz de documents e ressorças al torn de l'eveniment festiu. Qué son fecas e godilhs, nombrosas cançons de Carnaval en occitan, de tèxtes dels jutjaments de Carnaval e mai d'informacions sus los autres Carnavals en Occitània.

La mediatèca numerica collectiva Occitanica, foguèt creada en 2011 pel CIRDÒC de Besièrs. Dona accès al patrimòni cultural e a la documentacion en lenga occitana. Es un projècte participatiu qui repausa sus la participacion d'una quarantena de partenaris com universitats, collectivitats, associacions, centres de documentacions o encara de bibliotècas.

Inf. : http://occitanica.eu/ www.locirdoc.fr — CIRDÒC, 1 bis, baloard Du Guesclin — 34500 Besièrs.

  • Publicat dens Culture

Amassada dels Amics del CIRDOC e serada « Los Nadals de Nicolas Saboly »

Aquel dissabte 16 de decembre, la novèla associacion dels Amics del CIRDÒC farà son assemblada generala dins l'establiment cultural interregional. Serà obèrta a totes.

Lo rendètz-vos es donat a 14 oras, l'assemblada començarà a 14 o 30.

D'universitaris, de cercaires, linguistas e istorians, ensenhaires, escriveires, artistas, se recampèron al mes de junh de 2016 per la creacion d'aquela associacion. Vòlon acompanhar lo CIRDOC dins « sa volontat d'enriquesir e d'avalorar sas colleccions e dins totas sas activitats ».

Lo rencontre se clavarà amb « Les Noëls de Nicolas Saboly », la conferéncia musicala de Jean-Bernard e Thibaut Plantevin. Nicolas Saboly èra conegut per èsser l'actor màger dins l'escritura de la tradicion provençala al torn de Nadal al sègle XVIIn. Forma un dels monuments de la poësia en lenga d'òc amb sos tèxtes « Lei Noé de San Pierre », « Noés nouveous de l'an M.DC. LXXII », etc.

Seràn acompanhats d'una tropa de musicaires-cantaires. Vos faràn una version musicala del trabalh de Nicolas Saboly.

Inf. : CIRDÒC, 1 bis baloard Du Guesclin, Place du 14 juillet, 34500 Besièrs — Sites : www.locirdoc.fr — www.amicsdelcirdoc.com — FB : https://www.facebook.com/amicsdelCIRDOC/ — Tel. : 04 67 11 85 10 — Mèl : This email address is being protected from spambots. You need JavaScript enabled to view it.

10en Rencontre Internacional del Patrimòni Istoric, las femnas a l'onor

Del 13 d'octòbre al dimenge 15 d'octòbre se debanarà lo 10en Rencontre Internacional del Patrimòni Istoric a Besièrs (34), Nebian (34) e Salses (66). Lo comitat d'organization prepausa d'anar a l'encontre de femnas que foguèron actoras de l'Istòria dels sègles V al XV.

Lo 13 d'octòbre a comptar de 14 o al Cirdòc de Besièrs, conferéncia, mòstra e moment musical son al programa. La vida d'Aliénor d'Aquitània, reina de las letras occitanas serà presentada al public. Lo 14 d'octòbre, a comptar de 9 o a Nebian (Grop escolar Nelson Mandela), un collòqui tractarà de « Jòcs de dònas, jòcs de poder ». Laurent Deguara, president de la societat arqueologic de Montpelhièr e del Musèu Lengadocian obrirà la jornada per un discors. A 10 oras, Christine Delaplace, professora d'Istòria romana a l'Universitat Caen Normandia, farà una conferéncia sus « Galla Placidia, los vicissituds politics d'una femna de la dinastia valentino-teodosiana, al debut del sègle V ». A 11 oras, la mèstra de conferéncia d'occitan, Katy Bernard (Universitat Bordèu-Montaigne) farà una conferéncia sus « Aliénor d'Aquitània, una vida a la reconquista del poder ».

Felip Hammel, ancian director del Cirdòc, director de l'Institut superior de las lengas de la Republica, presentarà las conferéncias de la vrespada e daissarà la plaça a Monique-Luche, agregada d'Istòria, per parlar de « Blanche de Castille, una maire omnipresenta ». Sophie Coussemacker, mèstra de conferéncias de l'Universitat Bordèu-Montaigne, s'interessarà a la vida d'Isabelle la Catolica, « una reina en movement ». Philippe Huppé, istorian medievista e escrivan, acabarà la jornada amb Isabelle de Clermont, reina de Naples, mecena dins son reialme. Tarifa : 20 €, repais : 25 €.

Lo 15 d'octòbre, a comptar de 10 o a Salses, conferéncia e visita de la fortalesa de Salses sul tèma « Castèls fòrts, sentinèlas dels Pirenèus ». Tarifa : 35 €, dinnar enclús.

Inf. : Istòria e Culturas en Lengadòc, This email address is being protected from spambots. You need JavaScript enabled to view it. — Tel. : 06 61 18 01 87 — Site : www.coeur-herault.fr — 6 avienguda Ronzier-Joly, 34800 Nebian — Inscripcions abans lo 8 d'octòbre.

  • Publicat dens Culture

Aurinhac (Comenge, 31) — Viatge occitano-latin entaths collegians

Deth 28 de heurèr ath 3 de març, 31 escolans de 4au deth collegi Emile-Paul Vayssié d'Aurinhac, acompanhats peths lors professors d'Occitan, de Latin e de Sciéncia e Vita dera Tèrra, que participèren a un viatge pedagogic que les amièc entà Marsilha, Niça, Gènoa e Besièrs. Aqueth viatge que s'inscriu en un projècte interdisciplinari aperat Percors Roman. Que cau díguer qu’eths escolans de 4au qu’an causit d’estudiar eth occitan o eth latin que trebalhan despuish eth debut dera annada sus eth eretatge culturau deth Emperi roman e sus eras parentats entram eras diferentas lengas arromanicas.

S’eth accent é estat botat sus eths vesiatges entram occitan, latin e italian, d’autras lengas latinas – portugués, castilhan, catalan, romanés, francés – son cap estadas desbrembadas. Aqueth viatge qu’arresponiá a un objectiu lingüistic e qu’aviá tanben coma but de hèr véder eras arrelacions estretas qu’unián – e qu’unishen tostemps – eras culturas dera Mediterranèia. Pendent aqueris 4 diás, un tepèr de visitas qu’èran programadas : eth Musèu d'Istòria de Marsilha, era villà Kerylòs, eth Musèu Nacionau deth Espòrt, eras vilas de Nissa e de Gènoa e, enfin, en tot tornar de cap ara Gasconha, eth CIRDÒC, a Besièrs. Eths escolans comengeses qu’avéren tanben era ocasion d’arrencontrar a Nissa de joesis demandaires d’asili originaris deths quate cantons deth món, qu’èran encadrats per Cristòu Daurore, professor d’occitan, que les sensibiliza ara cultura nissarda.

Ara, eths collegians que van acabar eth carnet de viatge que son cargadis de completar dambe compdes-renduts deras visitas, impressions, illustracions e petits objèctes personaus. Aqueth trebalh que serà presentat aths lors parents ara fin dera annada escolària.

Joan Pau Ferrè
Collègi Emile-Paul Vayssié

CIRDÒC — Quaus son los libes qui v'an hèit viatjar ?

Lo 14 de genèr, lo Centre Internacionau deu Desvolopament de l'Occitan, lo CIRDÒC, qu'organiza ua velhada literària suu tèma deus libres qui ns'an obèrts au monde. « Pendent aquela serada, la Mediatèca occitana se transformarà en grand salon de lectura “ babelian ”, que cadun i poirà causir son environament, son espaci, sa posicion per partir en viatge d'un continent, d'una lenga, d'un tèxte a l'autre », çò precisa lo CIRDÒC.

  • Publicat dens Culture
Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+