Uei : 24/09/2017

Un protocòl per la defensa dels drets lingüistics

Lo 12 de setembre, los iniciators d'un protocòl per la defensa del dret lingüistic son venguts presentar lo document a Ajaccio. La demarcha arriba del País-Basco. Haizpea Abrisqueta e Paul Bilbao Sarria an anonciat los enjòcs del document.

Lo protocòl regropa 185 mesuras que concernís divèrs domenis coma l'ensenhament, la cultura, l'economia, las novèlas tecnologias o encara l'administracion ont es possible d'assegurar concretament la defensa de nòstras lengas ditas regionalas.

Jean-Guy Talamoni, President de l'Assemblada de Corsega soslinhèt que lo tèxte èra estat realisat en seguida de rescontres e debats entre expèrts de las lengas e dels drets de l'òme, e qu'èra estat validat per una centena d'organizacions « dont mai de 30 minoritats lingüisticas en Euròpa » e per mai d'una ONG.

Lo protocòl per la defensa del dret lingüistic es actualament presentat davant diferentas institucions europencas.

L'interès d'aquel otís ven de la « volontat d'aplicar totes los mejans per ralentir lo declin de la lenga, dins la mesura ont es scientificament provat qu'aqueles ne sufiràn pas per assegurar sa subrevivéncia », d'après Jean-Guy Talamoni, prepaus recaptats per Corse Matin.

Lo President de l'Assemblada de Corsega vòl metre la França fàcia a son denegacion de democracia en s'apiejant sus una demarcha internacionala per establir un « rapòrt de fòrça politica ».

 

Fòto Jean-Guy Talamoni ©captura Youtube TV5Monde 

EPCI Bascoat — 1èr conselh e demanda d'ua preséncia paritària deu gascon e de l'euskara

Lo maire (UDI) de Baiona, Jean-René Etchegaray qu'estó elejut ger ser president de l'aglomeracion Bascoat (Establiment Public de Cooperacion Intercomunau) dab 157 votz suus 231 votants. La comunautat qu'amassa 158 comunas, 300 000 abitants e qu'ei la dusau aglomeracion après Bordèu en la Region Navèra-Aquitània. L'eleccion que's debanè a la facultat de Baiona dab 225 conselhèrs comunautaris presents e 6 representats.

Guy Mondorge, conselhèr municipau d'Anglet e president de l'Academia Gascona de Baiona-Ador qu'èra present tad aquera purmèra jornada descrivuda com « istorica » de naishença de la navèra aglomeracion.

Que partatgè las soas impressions suu son blòg uei lo dia : « Purmèr, la suspresa de véder convidadas delegacions oficiaus espanhòlas de las regions de Navarra, Euskadi e de la Diputacion de Guipuzkoa. Mes pas nat representant de la Region Navèra-Aquitània ni deu departament de las Lanas… Com si s'agiva especificament d'un eveniment politicament basco ». Lo conselhèr gascon qu'ei chepicós de la presa de competéncia lingüistica, « sosentenuda basca per nombrós elegits portaires d'ua vision identitària d'aqueth EPCI ».

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+