Uei : 21/11/2018

Montsegur : rendon omenatge als Catars

Dempuèi 1960, una pèira levada foguèt installada sul « camp dels cremats » a Montsegur (09), jos l’egida de la Societat del Sovenir e dels Estudis Catars. Pels qui vòlon se reculhir, es l’endret ont se situèt lo lenhièr ont moriguèron 200 Catars lo 16 de març de 1244. Considerats com eretics, refusèron de renegar la fe catara. Lor martir marquèt la fin de la crotzada contra los Albigés. « Aquela ceremonia es fòrça simbolica. Marca un episòdi fòrça important per l’istòria d’Occitània, de França atau com d’Euròpa… Montsegur es un luòc fòrça important. […] Los Occitans vivián las valors de la convivéncia e del paratge, l’art de viure ensemble e cadun es par de l’autre. Aquò fa partida de nòstra cultura, aquela obertura d’esperit, la reivindicam uèi », çò diguèt Jean-François Laffont, president de Convergéncia occitana a nòstres confrairs de La Dépêche. Convergéncia occitana organizarà lo 16 de març, una ceremonia al torn de la pèira levada. Lo moment solemne serà seguit d’un repais a la sala de las fèstas, d’un concèrt del ròcker Christian Almerge.

« Soi fòrça content e onorat de l’invitacion de participar a aquel eveniment a nauta valor simbolica. Vertat es qu’èri anat a Montsegur fa longtemps en qualitat de visitaire e a l’epòca, sabiái pas que consacrarai lo rèsta de ma vida a la Cançon Occitana. Ai fòrça respècte pels qui an resistit sus aquel pog qu’es devengut un totèm per totes los occitans que se son batuts per la reconeissença de nòstra identitat. Lo 16 de març serà una jornada importanta e aquela manifestacion, los organizadors espèran la perennizar. Serà jos lo signe del reculhiment mas en meteis temps de la convivialitat, a l’encòp inscriuda dins lo sovenir e virada cap a l’avenidor », çò nos diguèt Christian Almerge. La jornada s’acabarà amb una conferéncia de Bertran de la Farge sul catarisme. Bertran de la Farge es. Es l’un dels fondators de la federacion Convergéncia Occitana.

Entervista audio Christian Almerge

Inf. : Tarifa de la jornada : 15 € — Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! / 06 80 13 10 52 — Fòto : Lo castèl de Montsegur pres en 1244 aprèp un sètge de mantunes meses, e tornat bastir cap a la fin del sègle XIIIn. (Len'Alex)

Christian Almerge sortís son 1ièr DVD live

Dempuèi las annadas 80, Christian Almerge pren la rota en companhia de son grop TEST per far bolegar lo mond sus sa musica ròck, beròja mescla d’umor e de poesia. Arron doas annadas de trabalh, en mai de 2016 sortís lo CD « De Schubert a Philae ». Un bèl mescladís de cançons umoristicas mas tanben mai personalas coma « Ma Tèrra occitana ». Christian l'a escricha per far un omenatge a la tèrra que o vegèt nàisser e créisser (es originari de Carcassona), e al moment de la fusion debatuda de las Regions Lengadòc-Rosselhon e Miègjorn-Pirenèus. Es totjorn en virada per presentar aquel CD al public capvath Occitània. 

Christian Almerge sortís son primièr DVD live, enregistrat pendent son concèrt a Sarlat en agost passat. Rencontre amb lo musicaire : ETV Christian Almerge

Inf. : www.christian-almerge-et-le-groupe-test.com — https://christian-almerge.jimdo.com — Mèl : Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! — Tel. : 06 08 70 02 51 / 04 68 26 88 00 — Legir lo retrach del cantaire dins La Setmana. 

  • Publicat dens Culture

Christian Almerge : Lo rocker occitan

Despuish las annadas 80, Christian Almerge que pren la rota en companhia deu son grop TEST tà har bolegar lo monde sus la soa musica ròck, beròja mescla d’umor e de poesia. Encontre dab lo musicaire ahuecat de la lenga nosta.

Qu’ei un drin mercés aus sons pairs mes, mei que mei a la musica que lo musicaire originari de Carcassona s’ei interessat a l’occitan. « Mos parents disián qualques frasas mas ne m’an pas jamai aprés la lenga. Pensi que l’aviái endacòm dedins », çò nse digó en tot sorríder. Quan èra joen, Christian que hasó partida de mantuns grops e orquèstras de musica e qu’ei dens las annadas 80, que decidí d’apitar lo grop TEST dab quauques amics. Pendent annadas, qu’escumè las salas d’espectacle entà animar balètis mes tanben entà har representacions pendent las quaus, jogavan represas de tubes francés… mes en version occitana ! L’idea d’adaptar las cantas ròck qui foncionavan dens las annadas 70 e de las « occitanizar », qu’ei vienuda un drin per azard, çò que’ns contè : « Dins las annadas 90, aviam fach una reservacion dins un estudiò a Tolosa per far un album. A 15 jorns de l’enregistrament, mancàvem de cançons originalas, caliá far composicions. Ieu aviái fach un instrumental e n’i aviá pas d’autras creacions. Prepausèri d’escriure paraulas sus aquel instrumental. Faguèri una adaptacion de “ O Carole ” del cantaire american Chuck Berry. Soi arribat a la repeticion, n’aviái pas dich res a degun e comencèri a cantar.. totes los musicaires cacalassèron. L’istòria nasquèt aital ».

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+