Uei : 26/04/2018

Estudiants contra l'ORE — Los blocatges e las manifestacions contunhan

Las universitats occitanas, totjorn en dificultat. L'Universitat Paul Valèry de Montpelhièr travèrsa una de sas crisis mai importantas amb una grèva de 4 meses e son blocatge que la paralisa dempuèi un mes. Los estudiants se mobilizan contra la lei Vidal de l'ORE, relativa a l'Orientacion e la Reüssida dels Estudiants.

L'Universitat occitana a decidit de far passar los examèns als estudiants d'aicí la fin del mes de mai. 780 examens se faràn pel biais del numeric via la platafòrma Moodle o per corric. Una solucion importanta per la direccion per pas penalizar los 20 000 estudiants de la facultat. D'estudiants e sindicats estudiants son pas convençuts pel manteniment dels examèns. Sonque la mitat dels cors foguèron balhats en rason de la grèva. « es un non-respècte de las modalitats inicialas d'examèn, çò qu'es totalament inadmissible. En sabent que per un examèn, cal èsser prevengut doas setmanas a l'avança que totes los estudiants sián al fial », ce diguèt Dyla, estudiant en Istòria L1.

Lo pòste de conselhièr pedagogic departamental en dangièr, lo CREO Lengadòc reagís

L’associacion professionala de l’ensenhament de l’occitan dins l’Acadèmia de Montpelhièr (CREO Lengadòc) recebèt la marrida suspresa d’aprene que lo pòste de Conselhièr Pedagogic Departamental (CPD) en occitan èra menaçat dins Eraut. Aprenguèron la novèla pels servicis academics del departament lo 13 de març passat. Escriguèron una letra adreçada a la Rectora de l’Acadèmia de Montpelhièr, Béatrice Gille, lo 15 de març per fa saupre lor indignacion : « Lo pòste de CPD occitan èra pas estat publicat al movement 2017. Una solucion provisòria èra estada mesa en plaça, solucion garrèla a prepaus de la quala aviam fach saupre nòstra inquietud al sénher lo director academic dels servicis, lo 19 de setembre de 2017 e a dòna lo Rector, lo 26 de genièr de 2018. Uèi, trobam intolerable la supression d’un pòste qui existís dempuèi l’organizacion de l’ensenhament de las lengas regionalas en 1982 (circulara 82-281) e dont la circulara 2001-166 definís la foncion », escriguèt Marie-Jeanne Verny, presidenta del CREO-Lengadòc.

Lo CPD es destinat dins cadun dels departaments de las acadèmias concernidas pel programa e a per mission d’ajudar a la mesa en òbra e al desvolopament de las diferentas modalitats d’ensenhament de las lengas regionalas (circulara 2001-166). Lo CREO met en garda lo Rectorat de Montpelhièr sus las consequéncias qu’aurián la supression del pòste, tot lo sistèma d’ensenhament de l’occitan al primièr gra seriá en perilh. Lo CREO-Lengadòc es sostengut pels sindicats SNUIPP e SE. La mobilizacion es fòrta, « desesperam pas », nos diguèt Marie-Jeanne Verny.

Una peticion contra la supression del pòste de conselhièr pedagogic departamental en occitan dins Eraut es estada lançada suul net a l’adreça : http://www.petitionpublique.fr/?pi=P2018N49966.

« Sense CPD occitan, pas de projècte pedagogic academic en lenga occitana ni de seguit per las escòlas, sense CPD occitan, pas d'amassada departamentala en junh de las classas que participan al projècte, sense CPD occitan, pas d'estagi academic de formacion, sense CPD occitan, pas d'intervencion en lenga e cultura occitanas dins las escòlas ». Los ensenhaires d'occitan d'Eraut amb lo sosten del CREO Lengadòc apèran los ensenhaires, los parents, los elegits, responsables sindicals e los ciutadans que s'opausan a la barradura del pòste de CPD occitan, a manifestar davant lo Rectorat deman, dimècres 4 d'abril a 13 oras 30.

Inf. : Rectorat Montpelhièr, 31 carrièra de l'Universitat — 34000 Montpelhièr — Site : www.felco-creo.org — Tel. : 04 67 66 33 31.

Peçac (33) : Dia d'estudi a l'entorn de l'ensenhament d'occitan e en occitan

Lo 14 de heurèr, l'Universitat Bordèu Montaigne e l'ESPE d'Aquitania qu'organizan un dia d'estudis sus l'ensenhament de l'occitan e en occitan. La jornada qu'ei obèrta au public e qu'amassarà estudiants, ensenhaires e cercaires e actors associatius e institucionaus.

Pierre Escudé (ESPE d'Aquitania), Jean-Marie Sarpoulet (IA IPR d'occitan, Academia de Bordèu), Charline Claveau-Abbadie (conselhèra regionau Navèra-Aquitania cargada de las lengas e culturas regionaus e presidenta de l'Ofici Public de la Lenga Occitana) e Jérèmie Obispo (cap de projècte lengas e culturas regionaus a la Region Navèra-Aquitania) qu'obriràn oficiaument la jornada a 9 òras 45.

Montpelhièr : serada-debat sus la situacion de Catalonha amb Mireia Boya, Dàvid Grosclaude, Anna Surra e Carles Puigdemont

Montpelhièr : serada-debat sus la situacion de Catalonha amb Mireia Boya, Dàvid Grosclaude, Anna Surra e Carles Puigdemont. L'eveniment se tendrà dimars que ven e es organisat pel Collectiu montpelhierenc per la Libertat, la Democracia e la Solidaritat amb Catalonha, Montpelhièr CDR.

Dimars que ven, 9 de genièr, se tendrà a Montpelhièr una serada-debat sus la situacion politica de Catalonha en preséncia de Mireia Boya, èx-deputada occitana al Parlament de Catalonha (CUP) ; Dàvid Grosclaude, representant del Partit Occitan ; Anna Surra, deputada (ÈRC) al Congrès espanhòl, e lo president de la Generalitat de Catalonha en exili, Carles Puigdemont, que participarà en videoconferéncia.

 
« Vistes los ligams passats e presents qu’avèm amb Catalonha, es important qu’una solidaritat se desvolope, particularament sus de questions que tòcan a la democracia e al drech dels pòbles a decidir, qu’es un drech fondamental », çò explica Francis Viguié, a La Marsellaise. Viguié fa partida del Collectiu montpelhierenc per la Libertat, la Democracia e la Solidaritat amb Catalonha, Montpelhièr CDR, qu’organiza l’eveniment.
 
De son costat,  Dina Puigdesens, tanben membre del collectiu, apond : « Volèm a l’encòp informar e sensibilizar los franceses, donar un espaci de paraula als partits independentistas democratas catalans e crear un debat entre los responsables politics catalans e franceses ».
 
L’eveniment aurà luòc dins la sala Guilhèm de Nogaret a l’Espaci Pitòt, sus la Plaça del professor Mirouze amb lo programa següent :
 

— 18h30 : documentari
— 19h00 : intervencions
— 20h00 : debat

Lo Jornalet

 

Autoras occitanas a Sauramps

Novèla edicion del Rencontre Sauramps : racontes de vida en occitan a l'auditòri del Musèu Fabre-Montpelhièr lo 23 de novembre a 18 o 30. Monica Sarrasin vendrà parlar del libre « D'entre tant, quauques uns » (Ed. Lo Chamin de Sent Jaume). Qu'i conta sovenirs de familha, testimoniatges, un tròç de vida, un eveniment, una persona, la maison, la memòria d'un òme. 

Article entièr 

Autoras occitanas als rencontres Sauramps

Novèla edicion del Rencontre Sauramps : racontes de vida en occitan a l'auditòri del Musèu Fabre-Montpelhièr lo 23 de novembre a 18 o 30. Monica Sarrasin vendrà parlar del libre « D'entre tant, quauques uns » (Ed. Lo Chamin de Sent Jaume). Qu'i conta sovenirs de familha, testimoniatges, un tròç de vida, un eveniment, una persona, la maison, la memòria d'un òme. 

Marinette Mazoyer parlarà de son òbra « Subre lo pont, lo pont de Ròchabèla ». A escrich mai d'un volume de racontes autobiografics com Monica Sarrasin. Posa als rasics del patrimòni reiral e es reconeguda com poetessa occitana. « Ai volgut escriure mos sovenirs […] en occitan […]. Es benlèu perque, avent descobèrt tard la lenga qu'auriái podut, qui auriá devut èsser la mieuna, ai temps a recobrar. Ai contat mon quartièr, prigondament ligat a la natura, a un territòri e als obrièrs qu'i demoravan. Ai fach reviure sovenirs que m'an fach comprene l'importància de cada fach, de cada persona, de cada luòc qu'an bastit ma personalitat dempuèi l'enfança ».

Inf. : www.felco-creo.org

  • Publicat dens Culture

Seminari a l'entorn de « La canso de Sancta Fides » a Montpelhièr

Lo 16 de novembre, dins l'encastre d'una residéncia al près del Centre Internacional de Musicas Medievalas (CIMM), se debanarà un seminari a l'entorn de la « Canso de Sancta Fides » a l'Universitat Paul-Valéry de Montpelhièr 3. Es l'un dels mai ancians tèxtes occitans coneguts. Lo tèxte seriá datat entre 1060 e 1100. Conta la vida de Sancta Fides, jove filha d'Agen, son martir en l'an 303 e lo castigament que truquèt sos torturaires, Dacien, Dioclétien e Maximien.

Aquel seminari s'inscriu dins lo projècte de recreacion menat pel musicaire Brice Duisit, laütièr de formacion. S'es format al Conservatòri Nacional de Musica de Pau. Vòl tornar donar la foncion primièra del tèxte, la d'èsser cantat pel public. Fins a uèi, pas cap de notacion musicala de la cançon es oficialament reconeguda.

Pel seminari del 16/11, Gilda Caiti-Russo, professora d'occitan medieval, LLACS, Universitat Paul-Valéry, serà tanben dels debats amb Brice Duisit (fòto) e Mauricio Molina, musicològ e musicaire.

Capture decran 2017 11 09 a 15.57.31

Lo projècte se desrotlarà en 4 temps : del 13 al 16 de novembre, primièr temps de residéncia, del 12 al 14 de febrièr de 2018, segond temps de residéncia, del 12 al 14 de març de 2018, tresen temps de residéncia e del 7 al 9 d'abril, quatren temps de residéncia. Lo 26 de mai, organizacion d'un concèrt per la restitucion a Sant Guilhèm dau Desèrt (Eraut).

800px Canco de Santa Fe

Inf. : Mai d'informacion ací — Universitat Paul-Valéry, Montpelhièr 3, site Saint-Charles — Site : cimmducielauxmarges.org — 14 o fins a 17 o

  • Publicat dens Culture
Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+