Uei : 20/07/2018

Danís Cantournet : « Avèm vist desaparéisser la civilizacion »

Lo 24 de febrièr passat, se tenguèt a Sant Joan de Vedats la darrièra Macarelada. Macarèl, l'entrepresa de merchandising occitanista tampa definitivament sa botiga del País Montpelhierenc a la fin del mes de febrièr. Ara se pòt trapar sos produches sul sit www.macarel.org e a la botiga de Tolosa que se tròba en Carrièra del Taur. Macarèl contunha de trabalhar amb las associacions, mas ara las comandas se deuràn far sus Internet. Un sopar frairal e un balèti animat per la banda niçarda L'as pagat lo capèu festegèron, dins la darrièra Macarelada, « 16 annadas de convivéncia, d'amistat e de rescontres ». Danís Cantournet, capmèstre de Macarèl, nos contava las rasons del barrament del sit montpelhierenc. D'un latz, las rasons son economicas, tant que lo sit de Tolosa paga lo de Sant Joan de Vedats valiá pas la pena de lo manténer. Mas la rason principala es la « qualitat de vida ».

Negòci : Macarel victima de son succès

De qué se passa amb la marca de vestits occitans ? Semblariá que la demanda venguèsse pro fòrta per aver a comandar d'articles novèls o ne renovelar los estòcs. Es una bona novèla, a priòri. Val melhor aquela situacion que l'invèrs. Problèma : o a calgut far en mai grandas quantitats e los relambis de pagament de la merça son mai corts. « Es atal amb las entrepresas que montan, çò nos a dit lo co-fondaire Danis Cantornet, cal totjorn avançar la moneda abans de la far dintrar ». Per exemple, l'entrepresa a lançat ongan de novèls accesòris en fonda per l'ostal o per la taula. A tanben degut comandar de camisets suplementaris puèi que de 20 000 unitats annadièras comandadas, son passats ongan a 35 000 !

La rason : la demanda continua de la botiga tolosana situada al còr de vila e qu'aganta los toristas de passatge o alara los Occitans d'autres parçans en visita a Tolosa. Autra rason : l'embaucha recenta d'un comercial qu'a trobatr fòrça revendeires. Plan, mas lor cal far passar de mèrças. Alavetz : mai i a de revendeires, mai cal fargar de mèrças. Lor cal pagar los fornidors mai d'ora que de costuma dont d'unes d'aicí la fin del mes. Macarel deu doncas trobar 10 a 12 000 euros per la fin d'abril. « Podèm far un manlèu mas se podèm evitar, serà melhor » çò nos a dit Danis Cantornet. Fàcia a una risca de desaparicion (coma o indiquèt lo gerent de la societat sus la pagina Facebook) la solucion es simpla. Apèla los afogats dels produits occitans a crompar d'articles pel biais del site internet o alara dins las botigas de Tolosa o Sant Joan de Vedàs. « per far dintrar lèu- lèu l'argent que fa mestièr per pagar salaris, loguièrs, cargas e facturas ».

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+