Uei : 18/11/2018

« France is back ! »

Ne poiriam far de libres de totas las remarcas fachas per las personalitats politicas, people o quitament nòstre vesin sus la superioritat supausada de la lenga anglesa. E cadun sap que, dins la lenga de Molière, se pòt pas dire de qualqu’un qu’es glamour o qu’a lo look que cal pel job ! Alara, pensatz se nosautres aviam la pretencion de o voler dire dins la lenga dels trobadors amb los mots del sègle XXI qu’existisson pas, que pòdon pas existir de tota faiçon dins nòstre gergon ! Cal dire qu’èran pas nombroses, fins ara, dins lo naut personal politic, los que se podián far comprene dins la lenga de John Donne – nos càmbia de Shakespeare ! – sens far rire lo monde. De tota faiçon, la « lenga de la Republica » se deu aplicar e lo quite èx-Primièr ministre, plan a l’aise dins los idiòmes latins çaquelà, refusava, amb lo zèl dels convertits novèls – excusatz, naturalizats novèls ! – tot emplec autre que lo francés en denegant tot drech oficial a las lengas istoricas de França. Per astre, França a, pel primièr còp, un president jove, modèrne, poliglòt que nos mostra lo camin…

Ardidesa inconcienta o volontat deliberada, ven de se liberar – e de nos desliurar – d’una cadena recenta (1992), a saber que « la lenga francesa es la lenga de la Republica ». La setmana passada, recebèt al Castèl de Versalhas los elèits – la màger part estatsunidencs – de la tecnologia modèrna per proclamar urbi et orbi que França – e la « vièlha Euròpa » – èra un tèrra portaira d’avenidor, prèsta a los aculhir sens rèirepensada, etc. Per aquò far, al diable los a priori vielhanchons e los intermediaris – las interfàcias en francés – lingüistics ! Faguèt la pròva que França èra prèsta a parlar l’anglés estatsunidenc per dintrar dins « lo sègle » e, el, esitava pas a mostrar lo camin… Encara un pauc de temps e se ganharà lo títol de « grand timonièr ». France is back mas sos servicis de l’estat civil refusan los noms qu’an d’accents « non-franceses » sus las vocalas. Comprena lo qui pòt !

Andriu de Gavaudan

  • Publicat dens Éditos

Lo navèth numèro que pareisherà divés !

Adishatz a tots e a totas ! Lo navèth numèro de La Setmana que pareisherà aqueth divés. Au somari, la television sus internet « L'enjòc vertadèr per l'occitan », un zoom sus la situacion en Turquia qui lança ua operacion militara de bèth endom contra Efrîn dab Ferriòl Macip. Que tornam sus la XXIau Dictada Occitana qui's debanè per la màger part de la 40ena de vilas participantas, lo 27 de genèr. Lo pertrèit de La Setmana qu'ei dedicat au Tònho Castet, membre deu grop Es Paums, ua banda de musicaires qui s'encontrèn en Vath d'aran, e que participa tanben au projècte de diccionari aranés començat per l'Institut d'Estudis Aranés. Bona lectura :)

Lo somari deu numèro 1095

S'abonar au jornau

Somari de La Setmana n° 1095

P2 — Lo corrièr dels legidors
P3 — Editorial « France is back ! »
P4 — La Setmana internacionala « Turquia lança una operacion militara de granda escala contra Efrîn »
P5 — La Setmana politica « Taula per Aran : se presenta lo movement ciutadan »
P6 — Actualitat en bracas
P7 — Dossièr centrau : « Television sus internet : l'enjòc vertadèr per l'occitan »
P10 — Zoom de la setmana : « Totas las generacions que machèn sus la dictada »
P11 — Actualitat en bracas
P12 — Cronica de la setmana : « L'Occitan Blos de Jacme Taupiac « Quitament » e Fabla « Los dus mulets » per Miquèu Baris
P13 — Expressions occitanas « Lo jornal de guèrra de Juli Cubainas per Sèrgi Viaule
P14 — Article del legidor : « I a totjorn mai de produccions tradicionalas e contemporanèas en musica òc »
P15 — Agenda Cultural
P16 — Retrach de la setmana : « Tònho Castet : Activista en favor de la lenga, la cuktura e la musica d'Aran »

  • Publicat dens Culture
Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+