Uei : 12/12/2017

Comptinas — Dens lo monde imaginari de Turlututú 2

20 ans après la sortida deu purmèr libe de comptinas « Turlututú », l’associacion CORDAE-La Talvera que sorteish lo son dusau volume. Un navèth obratge qui s’adapta enqüèra mei aus besonhs pedagogics deus ensenhaires. « Turlututú 2 » que promet d’estar autant estimat e de seguir lo medish camin que lo son davancèr.

Creada en 1979, l’associacion CORDAE-La Talvera que tribalha a la conservacion e a la valorizacion deu patrimòni culturau occitan. Que’s ditz Centre Occitan de Recèrca, de Documentacion e d’Animacion Etnograficas. Au demiei de las lors diferentas activitats, la de l’édicion de publicacions ( colleccion « Mémoires sonores », « Cosina nòstra » o enqüèra « Virolet ») e la formacion au près deu public joen dab l’organizacion d’animacions, estagis de formacion a la lenga, a la dança, a la canta e aus instruments de musica. Vint ans après la sortida deu libre « Turlututú », pareishut en 1997 e qui coneish enqüèra un gran succès, l’associacion que decidí de har paréisher lo dusau volume. « Turlututú 2 » qu’ei 40 cançons e 24 comptinas. Los ensenhaires e los pairs que pòdon apréner e har apréner cantas tradicionaus e creacions aus dròlles en ajudà’s de las introduccions qui explican la canta, de las paraulas, de las particions mes tanben deus CD qui acompanhan lo libe (canta+instrumentau). Daniel Loddo, artista e director de l’associacion CORDAE-La Talvera, que’ns digó mei sus aqueth navèth utís pedagogic deus complets :

Entervista audio de Daniel Loddo

Inf. : talvera.org — Tel. : 05 63 56 19 17. Mèl : This email address is being protected from spambots. You need JavaScript enabled to view it. 

  • Escriut per

Umor — L'uelh de Clamenç

Que sòrt de paréisher lo navèth espectacle de l’umorista Clamenç « Tè... Ve ! ». L’occitan que torna sus l’actualitat qui hasó l’annada de 2016 dab un espectacle umoristic saupicat de cinisme, e tot açò en lenga nosta. Conselhèr pedagogic d’occitan retirat, André Clamenç que virè cap a l’umor. Despuish 2009, qu’encadena los espectacles en basà’s principaument sus l’actualitat e tot aquerò, dens la soa lenga mairau, l’occitan, dab hèra d’ironia e a còps de cinisme mes mei que mei dab lo son espiar d’occitan.

Clamenç que sorteish uei lo son 8au espectacle. « Tè... Ve ! » que compila 20 sketchs a l’entorn deus eveniments màgers de l’annada 2016 devath la fòrma originau d’un jornau televisat. Los sketchs que son entercopats de publicitats mes tanben d’entervistas e de cronicas. Encontre dab un personatge atipic : Entervista audio

Inf. : A. Clamenç, 326 avienguda de l’Euròpa, Résidence Vert Parc - Bât A2, 34170 Castelnau-le-Lez — Tel. : 06 86 96 09 03.

Mèl : This email address is being protected from spambots. You need JavaScript enabled to view it.

Site : clamenc.fr

  • Escriut per

La « plancha cathare » tirada de la venda

A la fin del mes de novembre, Laurent Charles Lemaître Martin d'Artus descobriguèt amb exasperacion una plancha que portèt lo nom de « Planche cathare » en cò d'un magazin Gamm Vert en Òlt e Garona.

L'entrepresa es acostumada a nommar d'aparelhs que ven d'aprèp los luòcs de vacanças.

Una umiliacion mai d'aprèp lo cercaire occitan, « cossí se trufar d'una populacion del sud de França enviada al lenhièr a l'Edat Mejana ? »

Lo sénher Lemaître Martin d'Artus rescontrèt la direccion de la cadena de magazins, un primièr còp sens resultat, puei un segond còp aprèp la difusion de l'informacion dins la premsa. Los produits son estats tirats de las seccions dins los Gamm Vert e del siti internet de la cadena de magazins.

Lo cercaire èra al nòstre micrò ièr ser per nos en dire mai sul afar : entrevista audio

  • Escriut per

Somari de La Setmana n° 1091

P3 — Editorial « Se trufarián pas de nosautres ? » per Marie-Jeanne Verny
P4 — La Setmana internacionala : « L'Illa de Pascas declara lo rapanui, lenga oficiala »
P5 — La Setmana politica : « 1 pòst d'agregacion devolut : navèth còp de massa peus ensenhaires d'occitan »
P6 — Actualitat en bracas
P7 — « Lo PòC contra lo projècte d'expleitacion d'una peirèra »
P8 e 9 — Lo dossièr centrau « Cultura, l'ADN occitan per Jef Sénégas »
P10 — Zoom de La Setmana : « Sprechen sie… lemosin ? Un eschamnbe entre Baden-Wurtenberg e Occitània »
P11 — Los articles dels lectors : « La Beluga, “ Farem tot crevar ! ” » per André Clamenç, « Lo dich de las femnas, Nimes, UOE, diluns 17 de julhet » per Gérard Zuchetto.
P12 — Reportatge de La Setmana : « Comptinas : dens lo monde imaginari de Turlututú 2 »
P13 — Expressions occitanas : « Lo roman d'atmosfèra de R. Jumèu » per Sèrgi Viaule
Parucion « Lo Mond Perdut »
Expression-Express'Òc
P14 — Cronica Viva la lenga locala, « Lo frison »
P15 — Agenda Cultural
P16 — Retrach de La Setmana « Anna Geli, jornalista e engatjada »

  • Escriut per

Navèth diplòma universitari en occitan a Bordèu

Un Diplòma Universitari especialitat Cultura, Patrimòni e Espectacle viu que s'aubrirà a comptar de març de 2018.

Que serà en formacion continua de 5 mes a l'Universitat Bordèu Montaigne. Aqueth DU que s'adreça a personas qualificadas e en activitat, qui desiran formà's o perfeccionà's en occitan, dens los sectors de la cultura, deu patrimòni e de l'espectacle viu e de l'utilizar dens la lor profession.

Formacion a distància possibla. Lo DU Occitan qu'ei estat hicat en plaça en aliança dab l'Universitat Bordèu Montaigne e l'Ofici Public de la Lenga Occitana (OPLO).

Inf. : Condicions d'inscripcion : ací — taus dossièrs d'inscripcion e de finançament : Séverine Viaud, This email address is being protected from spambots. You need JavaScript enabled to view it.

 

  • Escriut per

Mesa a jorn : 45 000 catalans an manifèstat uèi a Brussèlas

Jol lèma « Desvelha-te, Euròpa », de ciutadans de Catalonha e de la Val d'Aran se son grandits dins la capitala flamenca per exigir que l'Union europèa escote lors revendicacions « democraticas ».

De desenats de milièrs de catalans (45 000 segon la polícia de Brussèlas) an manifestat uèi, 7 de decembre, per las carrièras de Brussèlas. Jol lèma « Desvelha-te, Euròpa », los manifestants an demandat a l’Union Europèa qu’escote las revendicacions catalanas, dins una protèsta « pacifica, civica e democratica ». La mobilizacion a començat a 11h, a percorregut lo quartièr europèu e a passat près de la Comission, del Conselh e del Parlament europèus.

« La capacitat de solidaritat e de generositat d’una part importantissima del pòble de Catalonha es totjorn estonanta, mas es infinida, a cada enjòc los ciutadans se son engajtats », çò assolidèt lo pòrtavotz d’Òmnium en vesent la quantitat de mond que se son mobilizats per viatjar de Catalonha e d’Aran entrò la capitala europèa. La polícia bèlga aviá previst qu’ « entre 20 000 e 30 000 manifestants s'acampèssen sus l’esplanada del Pargue del Cinquantenari partir de 10 oras », çò ditz un comunicat difusat dins l’intranet del Parlament Europèu entitolat « Manifestacion de sosten a Carles Puigdemont ».

En fin finala an manifestat mai de 45 000 personas segon las autoritats localas.

Article del Jornalet

  • Escriut per

Occitan e numeric, tèma a viéner deu D'Òc Show

Dijaus lo 14 de deceme que serà filmat en dirècte lo D'Òc Show au Castèth d'Este de Vilhèra (64). Lo tèma causit tad aquera navèra emission qu'ei « Occitan e numeric : quinas perspectivas ? ».

Divèrsas estructuras qui tribalhan a la valorizacion de la lenga e de la cultura nostas que seràn convidadas a har conéisher los utís numerics que desvolopan entad ac har. Projèctes de gran endom que serén a emergir tà 2018.

L'animator Silvan Carrère que receberà actors deu mitan com Benjamin Assié e Patric Roux, respectivament gavidaire e president deu CIRDÒC, Jean-Jacques Casteret de l'Institut Occitan de Vilhèra, Benaset Dazéas e Aure Seguier deu Congrès Permament de la Lenga Occitana, atau com artistas occitans com Matéu Baudoin (Artús, HartBrut) qui testimoniaràn de l'utilizacion qu'an deu numeric. Los collegians deu Collègi Calandreta de Gasconha que coanimaràn l'emission dab Silvan Carrère. Au programa : entervistas, reportatges, cronicas e grops de musica suu platèu.

L'emission que's hè en aliança dab l'InÒc Aquitania e lo Collègi Calandreta de Gasconha.

Inf. : This email address is being protected from spambots. You need JavaScript enabled to view it. — Site : www.octele.com — Tel. : 05 47 05 50 10 — Emission de seguir en dirècte sus https://www.facebook.com/octele/

Òctele que cèrca un montaire. Que seratz en CDI de 35 òras dens los estúdios de Pau (64). Entresenhas mei ací.

  • Escriut per

Jean-Philippe Labat, Doctor en oceanografia, a Ací Gasconha

Navèra conferéncia a l'associacion Ací Gasconha lo 13 de deceme a 18 òras 30 au Centre Culturau Tivoli d'Anglet (64). Jean-Philippe Labat, Doctor d'estat en oceanografia biologica de l'Universitat Pierre et Marie Curie de Paris-VI , que vienerà parlar suu tèma « Un continent desapareishut ? L'istòria de l'exploracion de l'Ocean Austrau » (a còps aperat Ocean Antarctic).

Longtemps inconegudas, las mars deu gran sud qu'an abrigat dens l'esperit deus òmis, tèrras e continents mitics. Mantuns sègles d'exploracion que son estats necessaris tà balhar la geografia que coneishem uei lo dia.

Inf. : Centre Culturau Tivoli, 27 arrua d'Euskadi a Anglet — Entrada a la conferéncia a 2 € — Site Ací Gasconha. — Corric : This email address is being protected from spambots. You need JavaScript enabled to view it. —  Tel. : 05 59 03 34 78. 

Fòto : ©Idarvol

  • Escriut per

Benaset Roux, 22 ans de far viure lo país

Benaset Roux es l’òme que nos a portat l’occitan pendent fòrça ans a France 3 e qu’a daissat lo programa Viure al País per anar un pauc mai amont sus aquela meteissa cadena de television. Lo rescontrèrem a Narbona lo 16 de setembre passat a l’ocasion de la Dintrada e parlèrem amb el de sa carrièra en occitan a la television e de son avenir professional.

Article entièr

Subscribe to this RSS feed

La Setmana

  • L'edicion papèr
  • L'edicion 100 % Numerica

Descobrir las auhèrtas

 
Capture decran 2017 11 28 a 11.48.12

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+