Uei : 22/10/2018

Ficas de lenga suu site internet de l'Ostau Bearnés

L'Ostau Bearnés, la Maison de las associacions bearnesas, que hica a disposicion deus internautas ficas d'aprendissatge entà apregondir las coneishenças de la lenga occitana. L'idea que virava dens lo cap deu Joan Pau Latrubesse, gavidaire de l'associacion la CIVADA, d'obrir ua cronica pedagogica regulara taus aprenents de la lenga occitana.

Cada setmana, lo site internet de l'Ostau Bearnés que perpausarà ua navèra fica de gramatica, de vocabulari, torns de lenga, arreproèrs, condes, recèptas de remèdis populara o enqüèra istòrias. Que son reflexions, precisions, explics sus situacions de lenga precisas que ne son pas sistematicament coneishuts de'us qui aprenen la lenga.

 

Aquesta setmana, la dusau fica que pertòca los pronoms personaus complement en occitan-gascon, las locucions adverbiaus « en purmèras » e « en darrèras » e que s'acaba per un arreproèr. La fica qu'estó escriuta per Joan Pau Latrubesse dab l'ajuda amicau de Maurici Romieu, lingüista occitan, ancian professor a l'Universitat Pau País de l'Ador, e membre deu grop de lingüistic occitana e tanben deu Conselh lingüistic deu Congrès Permanent de la Lenga Occitana. Descobrir la Fica.

Inf. : Ostau Bearnés, 46 baloard Alsace-Lorraine — 64000 Pau — Tel. : 05 59 30 60 34 — Site : http://ostaubearnes.fr

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+