Uei : 16/10/2018

Collegians e liceans bascos e bretons penalisats

Dimècres 4 de julhet, parents d’escolans e ensenhaires manifestèron davant lo Rectorat de Bordèu per protestar contra la non-evaluacion de las còpias scientificas del brevet redigidas en basco. Venèm de las tresenas generalas e professionalas de quatre collègis Ikastola de Ciboure, Cambo-les-bains, Larceveau-Arros-Cibits e Baiona. Cap a 179 collegians son actualament penalisats per aver rendut lor espròva en euskara, los correctors avent recebut la consigna de pas corregir las partidas redigidas en lenga. Lo rectorat redigiguèt un comunicat dins lo qual rapèla aver aplicat lo reglament : « sonque las espròvas d’istòria-geografia e ensenhament morau e civic pòdon èsser redigidas en lenga viva regionala. » En 2017, lo Rectorat aviá procedit a una derogacion « excepcionala » en acceptant de far notar las còpias escrichas en lenga basca per l’espròva de Sciéncia. « Avèm la conviccion qu'una novèla politica lingüistica es mesa en plaça pel ministre de l'Educacion nacionala, Jean-Michel Blanquer », ce diguèt Hur Gorostiaga, director de SEASKA. La federacion de las escòlas immersivas en lenga basca, SEASKA apèla a una novèla acampada lo 28 de julhet al moment del passatge del Tour de France en País-Basco.

 

Meteissa situacion en Bretanha ont d'escolans del malhum Diwan an redigit lors còpias del bac e del brevet en breton. Lo Rectorat de Rennes ven de declarar que solament las partidas dels examèns redigidas en lenga francesa seràn corregidas pels correctors. Sola l'espròva d'istòria-geografia pòt èsser passada en breton uèi al bachelierat, alara que lo sistèma de Diwan es l'aprendissatge per immersion e que totas las matièras son ensenhadas en breton, las matematicas o la filosofia devon èsser redigidas en francés a l'examèn final.

Dimars, una peticion en linha foguèt lançada pel comitat BAK e Brezhoneg per la correcion de las 15 còpias en breton dels escolans del Licèu Diwan de Carhaix (Fòto captura d'ecran). Las 10 000 signaturas obtengudas semblan pas permetre de cambiar la situacion. Aquel comitat existís dempuèi dos ans per amplificar lo movement. D'escolans ensajan regularament de dialogar amb l'Acadèmia e l'Estat per la reivindicacion del bac en breton, mas o foguèt totjorn refusada.

Entre 60 e 80 escolans an passat las espròvas de Sciéncias de tresena en breton al Collègi Diwan de Quimper, una trentena al Collègi Diwan de Plesidy e 15 liceans an passat lo bachelierat en breton al licèu Diwan de Carhaix-Plouguer dins Finistèrra.

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+