Uei : 16/10/2018

Acamp decisiu tà l'associacion Carnaval Vath Vielha lo 20 de junh

Ua assemblada generau extraordinària de l'Associacion Carnaval Vath Vielha que's debanarà dimèrcs 20 de junh a 19 òras au locau de l'Ancienne Usine Gibert de Nai (64).

L'associacion que's retròba dens ua situacion decisiva. Au moment de l'Assemblada generau deu 28 d'abriu, lo Burèu, demissionari dens la soa integralitat, dens l'assemblada pas arrés ne s'ei presentat au CA e au Burèu navèths.

A l'òrdi deu dia de l'AG extraordinària, las candidaturas deu CA e lo renovelament deu Burèu, o la dissolucion de l'associacion si pas arrés ne's presenta.

 

La 13au edicion deu Carnaval de la Vath-Vielha que's debanè lo 10 de març passat. Au programa, l'arcuelh com se deu deu rei de la hèsta e de tots los maus de la Tèrra, Sent Pançard, mes tanben talhèrs, jòcs, danças e nombrosas suspresas a l'entorn deu broishami e encantèrs. La jornada que s'acabè dab un gran huèc « embroishit », espectacle de huèc realizat per la companhia de dontaires de huèc, sautataulhèrs deus temps modèrnes, AKOUMA.
Que podetz descobrir las nombrosas fòtos de la hèsta suu Facebook deu Carnaval ací.

Inf. : Ancienne Usine Gibert, 13 arrua deus Remparts, Nai — Entresenhas mei suu site internet de l'associacion a l'adreça http://carnaval.vathvielha.free.fr/carnaval/actuF.htm — Elisabeth Lavie : 07 69 08 18 88 — Fòto ©DR

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+