Uei : 19/06/2018

La preséncia deu gascon dens los mèdia au Cafè Gascon de Dacs (40)

Dissabte passat, que's debanè lo navèth rendètz-ve deu Cafè Gascon de Dacs (40) au restaurant lo San Pietro. Un cinquantenat de personas que vienón participar a l'encontre suu tèma « La plaça deu gascon dens los mèdias ».

Los mèdias radiofonics, los de la premsa escriuta e en linha qu'èran representats per divèrs professionaus.

Costat ràdio, Alan Castagnet e Maryse Castagnet que presentèn l'associacion Ràdio País Lanas-Baish Ador. Creada nau mes a, los benevòles qu'an hèit un tribalh de tria entà realizar aqueth projècte. Totun, que demora hòrt de causas a har e reglar enqüèra entà obtiéner frequéncias dens las Lanas. Que podetz aderir a l'associacion a l'adreça Ràdio País LBA, 249 arrua Jean Moulin 40990 Sent Vincenç de Paul (site : www.radiopais.fr).
Isabelle Loubère que presenta despuish cinc ans cronicas bracas cada dia e reportatges sus France Bleu Gascogne. Au micrò de Ràdio País, la landesa que soslinhè la dificultat de las condicions de tribalh dens un mitan dens lo quau los professionaus se'n veden entà obtiéner un salari digne a la fin deu mes : entervista Isabelle Loubère

Maishant temps tanben tà l'emission « Ací qu'èm » presentada per Jacques Lesgourgues -lo mèste de ceremonia d'aqueth Cafè Gascon suus mèdias-, difusada sus Souvenirs FM. En efèit aquesta setmana que serà difusada la tota darrèra emission. La rason : la ràdio n'a pas los mejans financèrs de remplaçar lo tecnician qui se'n va. « Ací qu'èm » que serà totun remplaçada per ua auta emission en occitan-gascon realizada per Ràdio País.
Escotatz la reaccion de Jacques Lesgourgues, ahuecat de lenga nosta, a la fin de l'encontre deu Cafè Gascon : entervista

Lo Cafè Gascon que's perseguí dab l'intervencion hòrta interessanta de Danièl Lagüèita de País Gascons. Creada en 1967, cada numèro d'aquera revista gascona que compòrta articles, racontes, condes, poesias e cronicas regularas sus la literatura, la cosina, l'ecologia, mots crotzats, etc.
Jean-Jacques Fénié (fòto LS), especialista de la toponimia occitana, qu'escriu la rubrica « Parlam gascon » despuish 20 ans (1000 parucions en octobre de 2018 !) dens lo jornau Sud-Ouest. Que las podetz tornar trobar a còps dens lo vòste jornau La Setmana. Qu'i tracta de l'actualitat, que sia culturau o politica en Gasconha tota. Segon eth, qu'ei important que la lenga e sia vededera en la har paréisher dens rubricas de jornaus francés « n'ei pas embarrada dens un petit canton », qu'ei presenta d'un biais public.

34189779 10156398225969380 713373125605064704 n

Bernard Brasquet qu'estó lo darrèr intervienent. Que presentè lo site internet « gasconha.com ». Ua mena d'enciclopedia sus tot çò qui pertòca Gasconha : noms de lòcs, un diccionari gascon-francés. Lo site qu'ei participatiu e los administrators qu'accèptan tots los articles. Site : gasconha.com

La Setmana que participè a l'eveniment entà parlar de l'actualitat deu jornau.

Tròp chic de temps entà parlar deus nostes mèdias qui existeishen entà difusar la lenga nosta e de las nombrosas problematicas qui'us pertocan, aqueth navèth Cafè Gascon que passè pro viste. Lo rendètz-ve que s'acabè dab un repaish dens un ambient conviviau dens lo restaurant qui arcuelh l'eveniment culturau a cada edicion.

Inf. : This email address is being protected from spambots. You need JavaScript enabled to view it. — Tel. : 06 75 92 50 77.

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+