Uei : 19/06/2018

Capitada del « Printemps Occitan » dels salariats en cauma del CFPO MP

Sèt meses aprèp, los sièis salariats del Centre de Formacion Professionala d'Occitània-Miègjorn-Pirenèus, lo CFPO, son totjorn en cauma. Dissabte 19 de mai, an organizat « Lo Printemps Occitan » a Tolosa, una jornada de sosten mas tanben de reflexion sus la precaritat dels salariats del mitan associatiu e del mitan del trabalh en general. L'idea d'aquela jornada èra de trapar de mejans novèls de desvolopar l'emplec dins lo mitan occitan d'un biais qui respècta los salariats.

La jornada comencèt amb una discussion a l'entorn de la volontat d'un occitanisme novèl.

Es estat seguit d'una taula redonda sul tèma « Trabalhar autrament » amb d'intervencions del Recota (malhum cooperatiu trabalh autogestions) mond de cooperativas autogeridas. La serada s'es acabada en musica amb d'artistas de slam, de tradicional e tanben de musica d'aicí e d'ailà.

Hervé Pouvillon, salariat en cauma del CFPO, èra al micro d'Emilia de Ràdio País Gèrs a Tolosa : « Nosautres sèm en grèva dempuèi sèt meses e mièg ara. Avèm lançat la grèva a la seguida d'un desacòrd amb la direccion. I aguèt una novèla direccion a l'estiu passat, que se son cooptats. L'ancian burèu aviá demissionat, aquel nos deviá acompanhar de cap a una cooperativa e membres de dret venent de la confederacion de las Calandretas son venguts a l'AG. An fach sautar l'ancian burèu e se son cooptats per prene la direccion. Dempuèi lor preséncia, totes los salariats an pres una pression enòrma per nos possar a la fauta e avèm lançat la grèva a la seguida d'un corrièr d'entretien prealable a sanccions disciplinàrias, podent anar fins al licenciament per totes los salariats ». Primièr, los salariats an lançat una grèva « per se protegir », puèi per demandar d'amelhoracion de condicions de trabalh.

« Lo Printemps Occitan » foguèt una bèla capitada d'aprèp los organizadors. Los escambis foguèron constructius e argumentats : « Anam trabalhar a una sintèsi de las reflexions d'aquel primièr “ Printemps Occitan ” e la mandarem a las personas presentas, com lo primièr acte fondator de la federacion de nòstras fòrças, d'aquela novèla occitanitat que vesèm se perfilar a un orizont pas tan luènh », ce dison sul Facebook CFPO en Luta.

Los salariats recebon un sosten fòrt suls malhums socials, mas se desconsolan del fach que las gents an paur de prene posicion publicament. Alara que las possibilitats de negociar s'amenudan, los salariats contunhan lor cauma e lo « Printemps Occitan » tanben.

Inf. : This email address is being protected from spambots. You need JavaScript enabled to view it.

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+