Uei : 24/05/2018

La Sant Jòrdi festejada lo 23 d'abril a Perpinhan

Catalonha festejarà la Sant Jòrdi lo 23 d'abril. Es una fèsta catalana qui celèbra lo patron de la Catalonha. La tradicion vòl qu'ofrissèm una ròsa e un libre. Es lo movement literari de la Renaixença que pendent la segonda mitat del sègle XIXn, a fach de Sent Jòrdi, lo simbòl de Catalonha. Es l'escrivan e director d'Editorial Cervantes, Vicent Clavel i Andrés que prepausèt als libraris de Barcelona d'instituir una fèsta per sostenir la literatura catalana. Una data plan causida perque lo 23 d'abril 1616 vegèt la disparicion de dos grans autors de la literatura mondiala : Cervantes e Shakespeare.


En 1995, l'UNESCO faguèt del 23 d'abril la « Jornada mondiala del libre e del dret d'autor ».

Pels Catalans, la Sant-Jòrdi es l'expression del pòble, una jornada de convivialitat, de civisme e de cultura. En Catalonha sud, la jornada a quitament recèptas de cosina tradicionalas (còcas, « Pan de Sant Jordi », etc.) e nombrosas dichas foguèron creadas a l'escasença : « Si plou per Sant Jordi, les cireres en orris » (las cerièras son a boca de sac), « No diguis hivern passat, que Sant Jordi no hagi estat » ( cal pas dire que l'ivèrn es passat quand Sant Jordi es pas estat), « Se ten a cavall com Sant Jordi » (se ten sul caval coma Sant Jòrdi).

Lo 21 d'abril, la vila de Perpinhan serà animada per nombrós eveniments al torn de la fèsta tradicionala. Editors e autors presentaràn lor trabalh dins taulièrs Cai Vauban. Las associacions e la premsa nòrdcatalana seràn installadas plaça Verdun. Plaça Gambetta, seràn los professionals del libre que vos esperaràn. Las animacions començaràn a 10 oras lo matin e s'acabaràn cap a 19 oras.

Pel primièr còp, la Casa de la Generalitat a Perpinyà e la municipalitat de Perpinhan organizan la Sant Jordi. Se debanarà diluns 23 d'abril a l'Hôtel Pams (18 carrièra Emile Zola). Aprèp una presentacion pel president de l'Institut d'Estudis Catalans, Joan Domènec Ros per celebrar lo 50n aniversari de l'Universitat Catalana d'Estiu de Prades, Muriel Perpigna interpretarà de títols de Lluís Llach e autras cançons catalanas. Una ròsa serà ofèrta a totas las personas presentas e libres en catalan als dròlles.
Una mòstra sus l'istòria e la riquesa de la lenga e de la cultura catalanas serà expausada a la Casa de la Generalitat a Perpinyà (fins al 31 de mai).

Inf. : Casa de la Generalitat a Perpinyà, 1 carrièra de la Fusteria, 66000 Perpinhan — Tel. : 04 68 35 17 14.

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+