Uei : 21/04/2018

Estudiants contra l'ORE — Los blocatges e las manifestacions contunhan

Las universitats occitanas, totjorn en dificultat. L'Universitat Paul Valèry de Montpelhièr travèrsa una de sas crisis mai importantas amb una grèva de 4 meses e son blocatge que la paralisa dempuèi un mes. Los estudiants se mobilizan contra la lei Vidal de l'ORE, relativa a l'Orientacion e la Reüssida dels Estudiants.

L'Universitat occitana a decidit de far passar los examèns als estudiants d'aicí la fin del mes de mai. 780 examens se faràn pel biais del numeric via la platafòrma Moodle o per corric. Una solucion importanta per la direccion per pas penalizar los 20 000 estudiants de la facultat. D'estudiants e sindicats estudiants son pas convençuts pel manteniment dels examèns. Sonque la mitat dels cors foguèron balhats en rason de la grèva. « es un non-respècte de las modalitats inicialas d'examèn, çò qu'es totalament inadmissible. En sabent que per un examèn, cal èsser prevengut doas setmanas a l'avança que totes los estudiants sián al fial », ce diguèt Dyla, estudiant en Istòria L1.

 

Los estudiants grevistas avián demandat a çò que cada estudiant recépia la nòta de 10 sus 20 pel semèstre. La proposicion foguèt regetada pel president de l'Universitat Paul Valèry.

Ièr, los estudiants se son mobilizats dins las grandas vilas de l'exagòne contra la reforma de l'ORE.

Ensenhaires se son associats publicament al movement de protestacion. 400 professors se son exprimits dins una tribuna publicada sul site franceinfo.fr ièr per denonciar la « seleccion ipocrita » de la reforma de l'accès a l'universitat. « Nos demandan de classar las candidaturas de biais qu'un talhador cairà un còp las capacitats d'acuèlh de las filièras saturadas ».

Quatre universitats èran totjorn blocadas ièr matin : Universitat Paul Valèry de Montpelhièr, Jean Jaurès a Tolosa, e las Universitats de Tolbiac e París 8.

Imatge : Captura France24

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+