Uei : 20/10/2018

Jornalet a sièis ans !

Lo Jornalet festeja son seisen aniversari ongan. La gaseta d'informacions en linha que coneis una capitada creissenta, prepausa dempuèi 2012 de bracas e d'articles sus l'actualitat occitana e internacionala cada jorn. « Pendent aqueles sièis ans son passats per las paginas de Jornalet mai d'un milion e mièg de vesitaires qu'an dobèrt gaireben quatre milions de paginas. Dins la darrièra annada son arribats a las paginas de Jornalet mai de 75 000 legeires nòus en mantenent la mejana del milièr de legeires per jorn. Aquò es pas marrit per un mèdia en lenga minorizada ! », se regaudís la còla del Jornalet. Sus l'ensemble dels legidors, 49 % venon de França e 37 % d'Espanha. Tres personas sus quatre que vesitan lo sit internet i tornan, aquò es una donada fòrça importanta pels creators.

 

Jornalet merceja los que fan lo mèdia en linha, es a dire los legidors, los collaborators, los redactors, los opinants, la còla del conselh lingüistic, lo corrector e los qu'ajudan a far avançar lo projècte, los anonciaires qu'ajudan a finançar e las institucions.

Merceja los que sostenon cada annada lo Jornalet com la Generalitat de Catalonha e Convergéncia Occitana sense oblidar plan segur las contribucions individualas (los dons), los sòcis de l'Associacion de Drech Catalan (ADÒC) e l'associacion Los Amics de Jornalet. Se volètz ajudar al Jornalet, es aicí : jornalet.com/socis

Dempuèi junh de 2017, lo capredactor del Jornalet, Ferriòl Macip, trabalha amb La Setmana a cada novèl numerò. 

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+