Uei : 12/12/2017

Octòbre Ròse, un mes d'animacions e de sensibilizacion au càncer de la popa

La manifestacion « Octobre ròse » qu'estó creada en 1994 per la Liga nacionau contra lo càncer. La soa tòca qu'ei de sensibilzar au despistatge e que hica en davant los factors de risques e los tractaments possibles. Si lo càncer ei detectat de dòra, que i a 9 escadença sus 10 de guarir. Segon l'Institut nacionau deu càncer, la mortalitat per càncer de la popa qu'a globaument diminuit de 1,5 % per an enter 2005 e 2012 en França.

Atau, capvath l'exagòne, projeccions de filme, conferéncias, musica e talhèrs que son organizats per la causa. Marselha qu'ei ua vila hèra engatjada dens la luta contra aqueth càncer dab servicis de medecina a la punta, en matièra de recèrca, de tractaments navèths e dens l'ajuda associativa de las malautas.

 

A Marselha, lo 12 d'octobre de 12 òras 30 a 14 òras, demostracion de Médiété-escrime, ua activitat fisica adaptada, a l'espitau Nòrd. Lo 13 d'octobre, l'espitau de La Timone que perpausarà taulèrs d'informacion de 9 òras a 16 òras e un encontre « Se'n dar entà la soa feminitat pendent e après un càncer » de 14 òras a 16 òras. Lo 19 d'octobre, talhèrs « d'autopalpacion » e consultas en accès libre shens nat rendetz-ve a l'espitau de La Concepcion.

Aqueth dissabte 7 d'octobre a 10 òras, a Bordèu, dens l'encastre d'Octòbre Ròse, que's debanarà ua corsa de mòto solidària aperada R.A.R.E (Rose Attitude Ride Events) entà ajudar las hemnas a tornar préner ua vita normau e simbolicament arrehà's arron un càncer de la popa. L'an passat, l'eveniment qu'amassè 450 personas, 250 mòtos acompanhadas de 70 passatgèras a l'entorn d'un trajècte de 2 òras lo long de la Garona..

Lo càncer de la popa que truca 54 000 hemnas en França cada annada. Qu'ei la purmèra causa de mortalitat per càncer en çò de las hemas dab 12 000 mortas per an.

Inf. : tà en saber mei http://www.cancerdusein.org/ - Mèl : This email address is being protected from spambots. You need JavaScript enabled to view it. o per tel : 04 70 46 37 36.

La Setmana

  • L'edicion papèr
  • L'edicion 100 % Numerica

Descobrir las auhèrtas

 
Capture decran 2017 11 28 a 11.48.12

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+