Uei : 23/06/2018

Dominique Baudreu, a la crotzada deu passat e deu present

« Soi occitanista e m'interèssi a la produccion d'una istòria desbarrassada de totas preocupacions nacionalistas ».

Qu’ei atau que’s descriu Dominique Baudreu. Mes abans de compréner quin l’audenc s’ei bastit ua carrièra, retorn a la soa enfança au ras de Limós. « Nasquèri a Carcassona e visquèri dins un vilatge de la region de Limós. Cada jorn, ausissiái la lenga nòstra, que siá a l’ostal o en-defòra. Fau partida d’una generacion qu’a totjorn aguda la lenga dins l’aurelha », çò nse digó.

Miquèl Decòr, sa poesia, una fenèstra dobèrta sul mond

Miquèl Decòr es nascut a Bisa de Menerbés (11) en 1949. Es al près de sos grands e subretot de son oncle qu’a avut l’escasença d’aprene e de poder s’exprimir dins sa lenga mairala. Sos parents avent mudat dins un vilatge sens escòla, a viscut de sos 7 a 9 ans en cò dels grands. Son oncle Jean èra comedian dins una tropa de teatre del vilatge familial.

Gisèla Naconaski — De Brasil tà Occitania

La joena brasiliana qu'ei arribada en Occitania en 2009. Que s'ei descobèrta ua passion tà la lenga e la cultura nosta, e despuish qu'a plan l'intencion de trobar un tribalh dens lo mitan occitan.

Qu’avèvam contrapassat a Gisèle dens l’amfiteatre de la Presidéncia a l’Universitat de Pau-País de l’Ador (64) au moment de las Assisas de la lenga occitana lo 15 de heurèr. Qu’èram curiós de’n saber mei sus aquera brasiliana vienuda tà França entà apréner la lenga nosta.

Samuel Grolleau, barodaire e tocassèr

Vadut d'ua mair originària de Provença aupenca e d'un pair de Bretanha, Samuel Grolleau qu'ei cadut dens l'occitan quan èra petit.

Qu’aprenó la lenga nosta a la calandreta deu Clapas a Montpelhièr. Que seguí la soa escolaritat au collègi Leon Còrdas abans d’entrar dens un licèu d’ostaleria a Sent Cheli d’Apcher, en Losera. Samuel que partí víver e tribalhar ua partida de la soa vita tà l’estrangèr abans de tornar tà França. Que visitè a Canadà, Soïssa o enqüèra Alemanha.

Caroline Paulhan, la passion del vinil

Dempuèi uèit ans, gerís una botiga independenta de disques vinils a Pesenàs. Una escomesa capitada per aquela orleanesa d’origina, afogada de cultura occitana.

I a pas res que destinava aquela joventa, venguda del país d’Orléans, a menar un tal comèrci. Davalèt fa quinze ans de la region Centre per s’installar en Lengadòc (« pel solelh, lo cèl blau e qualques sorires » çò nos a fisat) ont comencèt de trabalhar coma animatora e directora de centre de lésers. D’origina portuguesa, s’es totjorn interessada a las lengas latinas.

Chloé Dedieu, lo besonh de transmetre

Es primordial. Per aquela musiciana comengesa (nasquèt en 1983 dins lo país de Sent Gaudenç) lo partatge e la transmission son doas valors essencialas.

Tot son viscut personal o professional s’articula a l’entorn d’aqueles dos pilars. Per l’acordeonista e cantaira Chloé Dedieu, la musica es totjorn estada presenta, de faiçon dirècta o intuitiva e aquò a començat pro d’ora. Se soven de son paire meloman que colleccionava los instruments de musica a l’ostal. Enfant, ensagèt lo pianò, la clarineta, lo saxofòn, la guitarra o encara la flaüta. « M’amusavi sens aprigondir, çò nos a explicat, puèi al cap d’un moment mos parents m’an marcat a l’escòla de musica ».

Danís Cantournet : « Avèm vist desaparéisser la civilizacion »

Lo 24 de febrièr passat, se tenguèt a Sant Joan de Vedats la darrièra Macarelada. Macarèl, l'entrepresa de merchandising occitanista tampa definitivament sa botiga del País Montpelhierenc a la fin del mes de febrièr. Ara se pòt trapar sos produches sul sit www.macarel.org e a la botiga de Tolosa que se tròba en Carrièra del Taur. Macarèl contunha de trabalhar amb las associacions, mas ara las comandas se deuràn far sus Internet. Un sopar frairal e un balèti animat per la banda niçarda L'as pagat lo capèu festegèron, dins la darrièra Macarelada, « 16 annadas de convivéncia, d'amistat e de rescontres ». Danís Cantournet, capmèstre de Macarèl, nos contava las rasons del barrament del sit montpelhierenc. D'un latz, las rasons son economicas, tant que lo sit de Tolosa paga lo de Sant Joan de Vedats valiá pas la pena de lo manténer. Mas la rason principala es la « qualitat de vida ».

  • Escriut per

Daunas de Còr e la polifonia sacrada pirenenca

Lo grop de polifonias occitanas femininas qu’ei actuaument en virada entà promòver lo son dusau àlbum « Aròu ». Myriam David, membra de Daunas de Còr que’ns presenta la genèsi deu projècte musicau, lo navèth òpus e que’n profieitè entà parlar de la practica de la polifonica feminina pirenenca.

Lo grop de polifonia feminina Daunas de Còr (Fòto DR) que s’apitè en 2005 au sortir d’un talhèr de canta au Conservatòri de Tarba (65) miat per Pascal Caumont. « Pascal Caumont qu’ei dab eth grop despùs era debuta enlà, tau coma Nadèta Carita. Qu’ei eth de qui nse hèr avançar gràcia aras suas coneishenças immensas dera canta tradicionau, ara sua practica viva, aras suas tecnicas vocaus. Que’ns prepausa tanben arrenjaments sués », çò ns’explica Myriam David, membra deu grop.

  • Escriut per

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+