Uei : 16/10/2018

Reportatge : Sea Shepherd

Sea Shepherd qu'ei ua organizacion internacionau qui empara la mar grana e las bèstias qui i viven. Sea Shepherd qu'ei coneguda peus sons combats contra la caça de la balena, la pesca illegau, la caça deus daufins au Japon, la caça de las fòcas en Alaska, e deus globicefaus en las islas Feroe. Que luta contra la pesca illegau de las làmias au Guatemala e lo braconatge de las tortugas marinas. Qu'ei ua organizacion qui estó creada en 1977 aus Estats-Units per Paul Watson, militant ecologista canadian.

 

Sea Shepherd qu'ei ua associacion criticada pr'amor deus sons metòdes de luta qui emplega. Los sons batèus que son considerats com batèus piratas per quauques país. Per aulhors, la bandèra de l'ONG que rapèla lo drapèu deus piratas d'un còp èra. Lo lògo qu'ei compausat de la gaha d'un aulhèr (« shepherd » que vòu díser « aulhèr » en anglés) e deu trident de Neptun lo diu de la mar deus romans, entà representar la lor fòrça d'engatjament. Lo crani que representa la mort que los òmis pòrtan a la vita marina dab, suu front, un daufin e ua balena en fòrma de yin-yang qui simboliza l'equilibri naturau deus oceans. L'associacion qu'a mei d'un detzenat de vaishèths, un elicoptèr, drònes.

Non trantalha pas quan cau atacar los vaishèts qui braconan lo peish e qui caçan las balenas e autes mamifèrs marins. Que hèn abordatges, sabordatges e qu'utilizan honas, bombas fumigènas. Còps que i a que hèn dab còrdas derivantas qui's hican en las eliças deus batèus.

shepherd

Sea Shepherd qu'ei present sus tots los continents e en mantuas basas a noste. Nombrosas celebritats com Pamela Anderson o Sam Simon (creator deus Simpsons) que sostienen las lors causas, mes tanben personalitats francesas com l'actora Brigitte Bardot, lo politic José Bové atau com lo grop de musica landés Gojira.

Paul Watson qu'èra considerat per uns país com un ecoterrorista. Lo quite FBI, la polícia americana, qu'avèva hicat l'organizacion sus ua lista on èran los noms de vertadèrs grops terroristas. En 2012, qu'estó arrestat en Alemanha a la demanda d'un país d'America centrau. Desempuish, que's defen davant la justícia entà har véder que lo son combat ei entà protegir la vita. Qu'a lo sostien de país com lo Gabon, lo Liberia, l'Indonesia tanben. Eths qu'an a lutar contra lo braconatge marin de las lors còstas.

spray2

Last modified onDonnerstag, 12 Julhet 2018 11:54
More in this category: « Lo novèl Plumalhon

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+