Uei : 20/10/2018

L'ÒNU fa una crida desesperada per la situacion dels refugiats palestinians a l'Orient Mejan

Los Estats Units reduson de sièis còps lor ajuda e l'UNRWA avertís qu'a la fin de febrièr i aurà pas d'argent pels servicis umanitaris basics. Aquela crisi poiriá profechar als grops jihadistas.

L'Agéncia de l'ÒNU pels Refugiats de Palestina a l'Orient Mejan (UNRWA) a fach una crida desesperada per evitar la crisi pus grèva pels palestinians dempuèi 1948, e demanda 650 milions d'euros per ensajar de palliar la retalhada de las ajudas dels Estats Units anonciada pel President Donald Trump. Segon l'UNRWA, dins lo relambi d'un mes i aurà pas pus d'argent per finançar los servicis umanitaris pus fondamentals. « La dignitat a pas de prètz », çò ditz lo comunicat de la campanha de l'agéncia de las Nacions Unidas, que rapòrta e planh la reduccion que l'a facha lo govèrn de Trump. Ara, los Estats Units reduson lor apòrt de 650 milions d'euros a solament 48 milions d'euros.

Segon Philippe Lazzarini, cap de l'UNRWA en Liban, lo resultat es una crisi que serà complicat de ne sortir. « Totes aqueles refugiats recebon una soma d'argent en liquid per pagar lo loguièr, crompan de manjar e pòdon subreviure. Aquel argent s'acaba a la fin de febrièr. Avèm pas que quatre setmanas ». De son costat, lo dirigent sirian de l'UNRWA avertís que las consequéncias seràn pas solament umanitàrias. « Se tiram 500 000 escolans de las escòlas, fertilizarem lo camp pel recrutament extremista », çò precisa. Aquò significariá qu'aquela reduccion de l'ajuda portada pels Estats Units, que lo Primièr ministre israelian, Benjamin Netanyahu, saluda, pòt venir una malescasuda per l'Estat d'Israèl. Per ara, l'Union Europèa a confirmat que portarà 42 milions d'euros per afeblir l'efièch de la retalhada dels estats. Aquò es un pauc luènh dels mai de 600 milions d'euros que mancan.

Ferriòl Macip

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+