Uei : 19/06/2018

Omenatge a l'anciana Rectritz de l'Acadèmia de Tolosa, Hélène Bernard

Hélène Bernard se moriguèt lo 28 de mai a l'atge de 61 ans, aprèp una longa malautiá. Èra estada nomenada retritz de l'Acadèmia de Tolosa per decret pres pel president de la Republica lo 24 de julhet de 2013 e assegurèt sas foncions fins al 15 de febrièr de 2018, abans la nominacion de Dòna Bisagni-Faure. Lo ministre de l'Educacion nacionala, Jean-Michel Blanquer, e la ministra de l'Ensenhament superior e de la recèrca, Frédérique Vidal, an rendut omenatge a « una femna exigenta e determinada qui a consacrat sa vida al servici de l'Estat ».

 

L'OPLO a desirat saludar tanben la memòria de l'inspectritz :

Lo burèu de l'Ofici Public de la Lenga Occitana, atal coma son Director e l'ensemble de l'equipa tecnica tenon a exprimir lor tristesa en seguida del decès d'Hélène Bernard. Inspectritz generala de l'administracion de l'Educacion nacionala e de la recèrca, Hélène Bernard foguèt rectritz de l'Acadèmia de Tolosa, cancelièra de las Universitats de julhet de 2013 a febrièr de 2018 e vice-Presidenta, dempuèi sa creacion fins a febrièr de 2018, de l'Ofici Public de la Lenga Occitana.

Anciana escolana de l'Escòla nacionala d'administracion, ocupèt tot al long de sa carrièra professionala de responsabilitats eminentas al ministèri de l'Educacion nacionala e al ministèri de l'Interior. Foguèt tanben Directriz generala adjunta de la Region Ròse-Alps.

L'Ofici Public de la Lenga Occitana ten a rendre omenatge al volontarisme d'Hélène Bernard e a sa determinacion qu'exercèt tot particularament en favor de la transmission de la lenga occitana alprèp de las mai joves generacions. S'impliquèt notadament sus l'elaboracion del quadre partenarial pel desvolopament e l'estructuracion de l'ensenhament de l'occitan conclusit lo 26 de genièr de 2017 entre lo ministèri de l'Educacion nacionala, las Regions Novèla-Aquitània e Occitània e l'Ofici Public de la Lenga Occitana.

L'Ofici Public de la Lenga Occitana adreiça sa mai sincèras condoléncias a sos pròches e a sa familha.

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+