Uei : 24/05/2018

Escambilingüe edicion 2018 a Sabres (40)

L'associacion deus pairs e d'ensenhaires de las cordèras bilinguas de l'Academia de Bordèu, Òc-Bi Aquitania, qu'organiza l'edicion 2018 d'Escambilingüe aqueth dissabte 19 de mai a l'Ecomusée de Marquèze a Sabres dens las Lanas.

La jornada que començarà dab talhèrs de 10 òras a 12 òras. Que poderatz encontrar e escambiar dab l'equipa d'Òc-Bi suus avantatges de l'aprenedissatge de mantuas lengas a un joen atge. Puish, un talhèr « La Cabòca » qu'invitarà los vòstes mainatges a participar a un projècte de creacion artistic. L'animatora que partirà de la basa d'albums en occitan que declinarà a l'entorn d'un tèma activitats variadas.

A l'auditòri, Aude Pottier e Clamenç Flouroux qu'animaràn ua conferéncia suu tèma « Lo massís de las Lanas de Gasconha, un vertadèr camp de pins ? ».

 

Arron lo repaish deu mieidia, un talhèr « cosina » de pastis landés que'vs serà perpausat a la Maison du Mineur a 14 òras. Carole Gourg que v'iniciarà a las cantas e comptinas de 16 ò a 17 ò au Molin. Lo musidaire Joan-Miquèu Dordeins que'vs harà dançar dab los vòstes mainatges dab un bal dinc a 18 òras.

A 20 òras, Clamenç Flouroux, Clamenç Pech e Dominica Commet que presentaràn la lenga e la cultura occitanas, l'ensenhament en occitan, quin obrir ua classa bilingua, etc.

Inf. : Ecomusée de Marquèze, Rota de Solférino — 40630 Sabres — Tel. : 05 24 37 73 40 — Site : www.marqueze.fr — Site : http://escambilingue.free.fr/ — ocbiaquitania.free.fr — Mèl : This email address is being protected from spambots. You need JavaScript enabled to view it. — Tel. : 06 33 70 12 40.

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+