Uei : 24/05/2018

Universitat en cauma - Un apèl a la cauma illimitada « fins al retirament de la lei orientacion e capitada dels estudiants » lançat

Lo movement estudiant contunha dins encara quatre universitats totjorn blocadas, Tolosa Jean Jaurès, Rennes II, Nanterre e París-VIII. Las universitats de Lion-II, Nantes, Ais-Marselha e Sorbòna Universitat, son elas blocadas o ocupadas en partida. Dempuèi lo 20 d'abril, la polícia es mandada dins d'unes establiments per evacuar los blocaires com per exemple a Metz, Nancy e Montpelhièr (Paul Valèry).

Ara, en plen periòde d'examèns, la question del debanament dels examèns es cauda. Dins facultats, las espròvas se debanan jos tension amb la preséncia de policièrs davant las salas. Estudiants causiguèron de rendre fuèlha blanca en signe de protestacion e professors an decidit de non pas far passar d'unes parcials.

 

Degun sembla saupre cossí va evoluar aquel movement estudiant, perque sembla pas a pas cap movement qu'avèm conegut, es ço que respondèt l'anciana presidenta de l'Universitat Paul-Valéry, Anne Fraïsse al jornal Le Monde : « Lo movement sembla èsser estat domdat per l'Estat, mas i a pas avut cap de negociacion, ni de discussion amb los estudiants. Mai que mai, un movement estudiant s'acaba siá per una assemblada generala que vòta lo desblocatge, siá perque i a de mens en mens d'estudiants a las AG, ço qu'èra pas lo cas sus de sites com Montpelhièr… »

Un apèl a la cauma illimitada « fins al retirament de la lei orientacion e capitada dels estudiants » foguèt lançat per la coordinacion nacionala de las universitats qu'amassèt a París de representants de 38 establiments lo 5 de mai.

Los estudiants caumaires apèlan a ua mobilisacion nacionala lo 22 de mai.

Fòto : Los estudiants del Miralh a Tolosa votant la perseguida del blocatge fin del mes de març. (Captura France3 Occitanie)

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+