Uei : 20/10/2018

Conferéncia sus l'avantatge deu bilingüisme prendiu e innovacion pedagogica a Pau (64)

Lo CREO Aquitània (Collectiu Regionau tà l’Ensenhament de l’Occitan e en occitan en Aquitània) en partenariat dab Oc-bi (associacion de parents e regents de classas bilinguas), sostiengut per la Comunautat d'Aglomeracion Pau Bearn Pirenèus qu’organizan ua conferéncia-debat suus tèmas deus avantatges deu bilingüisme prendiu e de l’innovacion pedagogica divés lo 27 d’abriu a 18 h au Pabalhon de las Arts (Plaça Reiau a Pau, 64).

 

Lo Professor Gilbert Dalgalian (fòto DR) qu’animarà aquera conferéncia ubèrta tà tots e a gratis. Pairs d’escolans bilingües e unilingües, regents e totas las personas qui s’interrògan sus l'educacion en generau e sus l'ensenhament bilingüe o plurilingüe en particular que son planvienguts. Lo professor Gilbert Dalgalian qu’ei psicolingüista, especializat dens los aprenedissatges prendius de las lengas. Qu’estó director pedagogic de l’Aliança francesa e expèrt tà l’UNESCO en tecnologias educativas. Qu’a escriut mantuns libes sus aqueths subjèctes : « Enfances plurilingues » en 2000, e « Reconstruire l'éducation ou le désir d’apprendre » en 2007. La conferéncia que serà seguida d'ua discussion ubèrta dab lo Professor Dalgalian : pairs e navèths pairs d'escolans de classas bilinguas occitanas, regents bilingües o unilingües, tots que poderàn préner la paraula e partatjar las lors experiéncias suu bilingüisme francés/occitan hicat en plaça dens las escòlas publicas bilinguas e las Calandretas. Que serà lo parat de respóner a las questions de’us qui seràn presents.

Capture decran 2018 04 16 a 14.38.38

Entà’vs brembar, l’ensenhament bilingüe dens las escòlas publicas qu’estó apitat per l’Educacion nationau dens la region despuish 2003. Uei, lo departament deus Pirenèus Atlantics qu’arcuelh 2 466 escolans qui segueishen un ensenhament bilingüe francés-occitan de la mairau dinc au licèu (en préner en compte los escolans deu public com de l’associatiu dab Calandreta). La vila de Pau qu’a dejà ua classa bilingua a l’escòla Stanilas Lavigne e un projècte d’ubertura qu’ei estat evocat tà la rentrada 2018 a l’escòla Bosquet. Lo CREO Aquitània, Oc-bi Aquitània, e la Comunautat d'Aglomeracion Pau Bearn Pirenèus, que v’atenen numerós divés lo 27 d’abriu a 18 h au Pabalhon de las Arts (Baloard deus Pirenèus, Plaça Reiau a Pau, 64).

Lo CREO Aquitània

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+