Uei : 24/05/2018

Peçac (33) : Dia d'estudi a l'entorn de l'ensenhament d'occitan e en occitan

Lo 14 de heurèr, l'Universitat Bordèu Montaigne e l'ESPE d'Aquitania qu'organizan un dia d'estudis sus l'ensenhament de l'occitan e en occitan. La jornada qu'ei obèrta au public e qu'amassarà estudiants, ensenhaires e cercaires e actors associatius e institucionaus.

Pierre Escudé (ESPE d'Aquitania), Jean-Marie Sarpoulet (IA IPR d'occitan, Academia de Bordèu), Charline Claveau-Abbadie (conselhèra regionau Navèra-Aquitania cargada de las lengas e culturas regionaus e presidenta de l'Ofici Public de la Lenga Occitana) e Jérèmie Obispo (cap de projècte lengas e culturas regionaus a la Region Navèra-Aquitania) qu'obriràn oficiaument la jornada a 9 òras 45.

 

Lo President de la FELCO e Mèste de conferéncias a l'Universitat Paul Valéry de Montpelhièr, Yan Lespoux, que harà ua conferéncia sus l'ensenhament de e en occitan. La matiada e lo vrèspe que's perseguiràn per divèrs talhèrs : lo purmèr dinc a mieidia, que pertocarà lo tèma de « ensenhament de l'occitan e societat », lo dusau de 14 òras enlà, que tractarà de l'ensenhament de la lenga e de la cultura e de la didactica de l'occitan. Lo darrèr talhèr, de 15 ò 15 enlà, que permeterà d'escambiar sus las practicas e las ressorças pedagogicas. Ua mesa en comun deus tribalhs realizats tot au long deu dia que serà hèita entà clavar aquesta jornada d'estudi.

Anne-Marie Lailheugue (conselhèra pedagogica occitan dens lo departament de las Lanas), Hervé Couture (animator pedagogic en occitan, CAPOC), Jean-Jacques Casteret (gavidaire de l'InÒc Aquitania), Martial Peyrouny (professor certificat d'occitan, collègi-licèu Bertran de Born) o enqüèra Felip Biu (professor d'occitan a l'Universitat de Pau e deus País de l'Ador), e Martine Ralu (presidenta d'ÒcBi) que participaràn com intervienents.

Lo dia qu'ei organizat per Marie-Anne Châteaureynaud (ESPE d'Aquitania, Universitat de Bordèu) e Katy Bernard (Universitat Bordèu Montaigne).

Inf. : Lo 14/02/18 de 9 ò 30 a 17 ò a la Maison de las Scièncias de l'Òmi d'Aquitania, Esplanada des Antilles — 33607 Peçac.

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+