Uei : 13/12/2017

1 pòst a l'agregacion tà l'occitan e 4 pòsts au CAPES d'occitan 2018

La FELCO que reageish arron l'anóncia d'un sol pòst devolut a l'opcion occitan, quan la quita federacion se regaudiva quauques mes a de la creacion de l'agregacion de lengas de França (arrestat deu 15 de març de 2017).

Un pòst tà 50 candidats qu'ei donc previst. Segon la FELCO, lo monde inscriuts que son dejà ensenhaires, afectats a pòsts mes « n'averàn pas la possibilitat d'ua promocion hica'us a egalitat dab los collègas de las autas disciplinas ».

 

E la Federacion deus ensenhaires d'occitan d'alarmà's : « Apondèm a aquò que lo nombre de pòstes al CAPES 2018 es pas que de 4 : http://www.devenirenseignant.gouv.fr/cid98493/postes-capes-session-2017.html (siá una baissa de 33 % per rapòrt a la session 2017), e que l'espaci occitan compta 32 despartaments, qu’una bona part an pas cap de professor del segond gra titulari (Ardècha, Droma, Crueisa, Corrèza, Nauta-Viniana, Puèg Domat, Aups de Provença Nauta, Autas Aups), e mesuram l'ample del mesprètz de cap a una lenga pr’aquò inscricha dins lo patrimòni nacional (Art. 75.1 de la Constitucion). Del temps de la campanha presidenciala, lo candidat Emmanuel Macron, qu’afortís que fai totjorn çò que ditz, explicava que facilitariá, “ dès l’école, l’apprentissage des langues et cultures régionales, dont l’intérêt éducatif, linguistique et culturel est reconnu. ” Lo quite sénher Macron que s'estrambordava a Pau lo 12 d’abril passat sur aquela “ France plurielle ” e “ ses belles langues régionales ” que, çò disiá “ je veux reconnaître et que nous reconnaîtrons ”.

La FELCO qu'a mandat ua letra au Ministèri de l'Educacion nacionau, que podetz legir ací. Ua peticion qu'ei estada aviada ací.

La Setmana

  • L'edicion papèr
  • L'edicion 100 % Numerica

Descobrir las auhèrtas

 
Capture decran 2017 11 28 a 11.48.12

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+