Uei : 11/12/2017

Contractes ajudats — Mobilizacion de las Calandretas de Navèra-Aquitania a Bordèu

Calandreta que lança un navèth aperet a mobilizacion tau dissabte 21 d'octobre. Que balha rendetz-ve a 14 òras 30 a la Prefectura de Bordèu entà denonciar la supression deus CUI-CAE au demiei de las escòlas immersivas en lenga occitana. Despuish lo 5 de seteme, los acamps que's multiplican e segon Calandreta, la situacion que cambiè sensiblament au nivèu de la reconeishença deu problèma.

Un mes arron que las escòlas immersivas associativas e laïcas Diwan que's sian escadudas a obtiéner lo renovelament de tots los contractes ajudats qui s'acabavan enter seteme e deceme, en Gironda, lo prefècte que validè lo manteniment de 2 emplecs CUI-CAE a la Calandreta de Peçac. Quauques dias après, medisha escaduda en Bearn dab l'atribucion de tres CAE per las calandretas d'Artics, de Beost e deu Lis, peu prefècte deus Pirenèus-Atlantics.

Totun, Calandreta qu'insisteish suu hèit que n'aja pas nat engatjament « clar » suu renovelament deus contractes qui's debanaràn dens los mes a viéner : « Qu'avem besonh aqueth engatjament, com ac avó Diwan, entà poder enfin tribalhar serenament », çò escriu dens un comunicat.

La Federacion regionau de las escòlas Calandreta de Navèra-Aquitania, l'ensemble de las federacions departamentaus e de las escòlas de region qu'aperan a un acamp a Bordèu entà exigir ua solucion d'urgéncia e tanben « obrir pistas de tribalh qui hè hrèita entà obtiéner perennizacions d'aqueths pòstes ».

La Setmana

  • L'edicion papèr
  • L'edicion 100 % Numerica

Descobrir las auhèrtas

 
Capture decran 2017 11 28 a 11.48.12

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+