Uei : 12/12/2017

Collòqui « Manuals escolars e lengas regionaus » a Montpelhièr

Los 12 e 13 d'octòbre se debanarà lo collòqui « Manuals escolars e lengas regionaus » a l'Universitat Paul Valéry Montpelhièr 3. Lo collòqui se dobrirà sus la didactica de las lengas amb una primièra taula redona d'Alain Di Meglio e Nicolas Sorba de l'Universitat de Corsega : « L'elaboracion didactica del còrse a partir de l'estudi de manuals escolars dempuèi 1974 ». Serà seguit per una presentacion pertocant a l'experiéncia basca dins lo domeni amb Argia Olçomendy de l'Universitat Bordèu Montaigne / EHU Euskal Herriko unibertsitatea.

Miquèla Stenta, anciana formatritz IUFM parlarà de l'aventura de l'elaboracion d'un manual d'occitan amb Òc-Ben, e Martine Berthelot de l'Universitat de Perpinhan presentarà los metòdes e otís pedagogics pels publics escolars e universitari per ensenhar lo catalan en França uèi.

La session del vrèspe pertocarà l'istòria dels manuals escolars dempuèi lo sègle XIX, que siá pel breton, per l'occitan, pel còrse o per l'italian.

L'endeman, Marie Jeanne Verny de l'Universitat Paul Valéry, LLACS, dobrirà lo bal amb una explicacion de la literatura occitana dins los manuals escolars. Yan Lespoux se questionarà suls otís per formar a l'istòria de l'espaci occitan. Philippe Martel de l'Universitat Paul Valéry farà una conclusion del collòqui cap a 11 oras 30.

Inf. : Programa complèt - Mèl : This email address is being protected from spambots. You need JavaScript enabled to view it. e This email address is being protected from spambots. You need JavaScript enabled to view it. e per las questions administrativas : This email address is being protected from spambots. You need JavaScript enabled to view it.

La Setmana

  • L'edicion papèr
  • L'edicion 100 % Numerica

Descobrir las auhèrtas

 
Capture decran 2017 11 28 a 11.48.12

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+