Uei : 15/10/2018

Flambada dels prètz del carburant dempuèi un mes

Lo còst del carburant cresquèt d'un biais espectaclós dempuèi un mes dins las estacions de servicis. Marcats per la pojada d'unas taxas, en una setmana an aumentat de 10 centimes. Es lo cas deu gasòli, qui còsta en mejana 1,3935 euro lo litre, siá 10,69 centimes de mai que la setmana passada. Lo Sans Plomb 95 a crescut a 1,4682 euro lo litre en mejana (auça de 6,03 cts) e lo Sans Plomb 98, 1,5395 euro lo litre (auça de 6,29 cts). Son chifras publicadas per lo ministèri de la Transicion ecologica e solidària.

Los prètz dels carburants varian en foncion dels cors del petròli, del taus d'escambi euro-dòlar, del nivèl dels estòcs de produits petrolièrs o encara de l'evolucion de las taxas.

L'aumentacion dels prètz dels carburants s'explica per una fiscalitat mai fòrta dempuèi lo començament de l'annada 2018, la auça de la taxa carbòni (Contribucion Climat Energia) e de la Taxa Interiora sus la Consomacion dels produits energetics (TICPE) del gasòli. Lo govèrnament vòl alinhar la fiscalitat del gas-oil sus la de l'esséncia d'aicí a 2021.

Al nòrd, los abitants estiman mai traversar la frontièra per far d'esséncia en Belgica. France 3 Hauts de França faguèt un reportatge a Hertain en region valona ont cap als 3/4 dels clients son franceses. « Ganhan entre 11 e 15 centimes, val lo còp », çò fisèt Geoffrey Duchene, obrièr pompista, als jornalistas.

Capture decran 2018 01 09 a 10.16.34

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+