Uei : 17/11/2017

50au aniversari deu hestenau de Siròs (64)

Lo hestenau de Siròs que hesteja la soa 50au annada d'existéncia. Que's debanarà los 22,23 e 24 de seteme au còr de la vila bearnesa. Sustot coneishut per la soa cantèra giganta, l'eveniment qu'ei de compte har.

Tad aqueth aniversari, quauquas nautats com la vienguda deu Collectiu Ça-i, deus sons condaires e musicaires entà assegurar l'animacion tot au long deu dia tradicionau deus mainatges lo 22 de seteme.
438 mainatges de las escòlas deu parçan, sia 20 classas, que son convidats a participar au hestau. La jornada que serà devath lo tèma deu chivau e los joens que's produsiràn sus l'empont dab espectacles qu'auràn preparat a l'escòla.
Que poderàn descobrir los jòcs tradicionaus (quilhas, getada de berret, tir a la còrda, etc.), escotar condes e musica.

L'obertura oficiau que's debanarà a 19 òras e un aperitiu que serà auhèrt a la populacion de Siròs e aus representants de la Comunautat d'Aglomeracion Pau-Pirenèus.

La jornada deus mainatges que's clavarà per ua serada teatre. Duas tropas que son convidadas a jogar pèças en lenga nosta. Los Mosquillos qu'interpretaràn « Lo coungelator » e los Comelodians que jogaràn « Lo còp de pè de l'aso ». « Aquò qu'ei important de guardar teatre dens lo hestau. Lo teatre que hè partida de la cultura nosta e aqueras tropas que son l'uas de las darrèras a jogar en lenga nosta », çò digó lo President deu comitat organizator, Jean Bousquet.

Jean Bousquet que conta l'evolucion de l'organizacion au briu de las annadas e las nautats d'aquera navèra edicion au Joan-Nadau Commères de Ràdio País.

Jean-Claude Mialocq qu'ei condaire e membre deu comitat organizator deu hestau de Siròs. Que'ns conta quin a entenut a parlar de l'eveniment culturau e de l'importància de contunhar a har víver la lenga : Jean-Claude Mialocq

Lo dissabte, auta nautat : dens l'encastre de « Des rendez-vous nature du 64 », lo hestau qu'organiza ua passejada contada dens la Saliga. Que serà lo contaire Dàvid Bordes (deu Collectiu Ça-i) qui serà cargat de har la visita. Un bal gascon que serà animat peu grop Papar'òc. Lo ser, que's debanarà la celèbra serada cantèra. Pas mensh de 20 grops que pujaràn sus l'empont peu mei gran plaser deus ahuecats de cantas pirenencas e en lenga. Los joens de l'escòla de Siròs qu'aubriràn lo bal dab cantas suu tèma deu chivau, seguits per Los d'Ortès, Lous Hardidets de Mazerolles, Eths Plantagulhes d'Ibòs, Lous Cantaires de Came, Lous de Broussez, Canta si Gausas o enqüèra Dimelo.

Malurosament, l'endedia, las animacions que s'estancaràn au començar deu vrèspe, puish a que los benevòles e mancan segon los organizators. « N'èm pas qu'un detzenat au Comitat, que hèm d'aulhors ua crida a benevòles, qu'avem besonh monde ! »
Ua missa en lenga nosta que serà balhada lo dimenge matin a la glèisa Sent Martin de Siròs.

Inf. : Avisatz-ve, reservacions peus repaishs deu divés e dissabte ser au 06 31 13 03 23, FB — Site : www.festivaldesiros.org

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Papagai

Papagai es la revista occitana dels pichonèls. Prepausa cada mes doas istòrias, de jòcs, una pagina de vocabulari e un dorsièr en rapòrt amb un dels dos 

+