Uei : 19/06/2018
(30) Nimes — 42ena UOE

42ena Universitat Occitana d’Estiu se debanarà a Nimes sul tèma « Tresaurs populars e universals d’aicí e d’endacòm mai ». Descobriretz la mòstra « Lo Dich e l’Escrich » sus Jòrgi Gròs, autor e pedagòg occitan. Lo 9 de julhet, un cafè Cabaret literari « Omenatge a Jòrgi Gròs » serà organizat a partir de 14 h 30 amb un film Tè Vé Òc, lecturas e testimònis. A 16 h, « Lei trobadors dins l’inspiracion populara » presentat per Gérard Zuchetto, musicaire e escrivan. Puèi, de 17 h 30 a 19 h, taula redonda sul tèma « Occitanisme d’uèi. E deman ? » amb la participacion de Felip Martel (cercaire), Uc Jourde (militant occitanista) o encara Patric Roux (vice-president de l’OPLO). A partir de 19 h, balèti Castanha e Vinovèl. Lo 10 de julhet, Marie-Jeanne Verny, professora en lenga e literatura occitanas a l’Universitat Montpelhièr III obrirà la jornada amb una conferéncia sul « Teatre de la Carrièra » a 9 h. Tornarà a 17 h per parlar del tèma « Literatura òc, un tresaur universal ? » als costats de Jean-Claude Forêt (escrivan) e Giovanni Agresti (professor a l’Universitat de Teramo en Italia). Lo Trio de Lutzia Sonorum farà un concèrt lo ser. L’escrivan Claude Barsotti farà una conferéncia sus « Lei poètas obrièrs marselhès » a 16 h lo 11 de julhet. Lo ser, André Minvielle jogarà son espectacle « Bo Vélo de Babel ». Lo 12 de julhet, l’etnobotanista Josiana Ubaud animarà una conferéncia sul tèma « Escambis e gèni de l’utilisacion dei plantas d’aicí e d’endacòm mai ». Lo CIRDOC presentarà « La jove recèrca occitana » a 10 h 30. Lo 13 de julhet, a 17 h, s’i parlarà de « Regions e democracia » amb de representants de las regions còrsa, Occitània/Pirenèus-Mediterranèa o encara Navèra Aquitània.

Inf. : Programa entièr sul site oficial : https://www. ieo30.org/marpoc/uoe-2018-tresaurs-populars-euniversals/ - Tel. : 04 66 76 19 09.

La Setmana

  • L'edicion papèr
  • L'edicion 100 % Numerica

Descobrir las auhèrtas

 

Plumalhon

Plumalhon es un magazine pel 8-12 ans. Prepausa cada mes dos reportatges sus de tèmas d'actualitat, sus de países, d'animals... Prepausa tanben de BD, de jòcs e 

+

Capture decran 2017 11 28 a 11.48.12

Papagai

Papagai es la revista occitana dels pichonèls.
Prepausa cada mes istòrias, jòcs, una pagina de vocabulari e un dorsièr 

+